Avropa Oyunlarının baş anti-Azərbaycan qəhrəmanı "Formula-1" ərəfəsində səngərdən yenə çıxdı

Tarix: 23.04.2016 / 00:12
Bölmə: Gündəm

Dörd günlük müharibənin Azərbaycana diplomatik üstünlük gətirdiyi bir vaxtda Rebeka Vinsentin "insan haqları gedişi"nin əsl mahiyyəti...

Vüqar Qədirov: "Azərbaycanda keçirilən istənilən mötəbər tədbir ərəfəsində belə kampaniyaya start verilir"

"Bu vasitə ilə Azərbaycanı hansısa məsələdə

güzəştə getməyə vadar etmək məqsədi güdülür"

Bir neçə beynəlxalq və yerli QHT-lərin birləşdiyi "İnsan hüquqları naminə idman" kampaniyası Azərbaycanda insan haqlarının vəziyyətinin güya pis olduğunu əsas gətirərək məşhur müğənnilər Pharrell Williamsı, Kris Braun və Enrike İqlesiası Bakıda keçiriləcək "Formula-1" yarışının ilk günlərindəki çıxışlarını ləğv etməyə çağırıb.

Müraciətdə bildirilir ki, "sizin bu münasibətlə iyunun 19-da Bakıda konsert vermək qərarınız bizi çox məyus edib və insan haqlarının tərəfində duraraq sizi bu çıxışı ləğv etməyə çağırırıq". Qeyd edək ki, "Formula-1" yarışı bu il iyunun 18-də başlamalıdır.

Aprelin 21-də yayılan müraciətdə Azərbaycanda insan haqlarının vəziyyətindən narahatlıq bildirilir.

Qeyd edək ki, "İnsan hüquqları naminə idman"ın koordinatoru Rebeka Vinsentdir.

Bu kampaniyaya "Article19", "Civil Rights Defenders", "Committee to Protect Journalists" və "People in Need" kimi insan haqları təşkilatları daxildir.

Qeyd edək ki, "İnsan hüquqları naminə idman" bundan əvvəl Bakıdakı Avropa Oyunları zamanı da tanınmış müğənnilərə müraciət etmiş, bu mötəbər yarışın Azərbaycanın imici üçün verə biləcəyi hər cür müsbət effektin təsirini azaltmağa çalışmışdı. Xüsusilə də koordinator Rebeka Vinsentin adı bizə daha çox tanışdır. Çünki bu şəxs bütün mötəbər tədbirlər öncəsi bu cür fəaliyyətlə məşğul olur.

Azərbaycana qarşı aparılan bu antikampaniyanın məqsədi nədən ibarətdir? Xüsusilə də onun "4 günlük" müharibədə Azərbaycanın böyük hərbi-diplomatik qələbəsinin bütün dünyada qeydə alındığı bir vaxtda baş qaldırması nə deməkdir? Burada erməni sifarişi ola bilərmi?

QHT rəhbəri Vüqar Qədirovun sözlərinə görə, müraciətdə adları çəkilən həmin təşkilatlar və koordinatorun adı bizə yad deyil: "Azərbaycanda keçirilən istənilən mötəbər tədbir ərəfəsində belə kampaniyaya start verilir. Səbəbi bizə bəllidir. Bu vasitə ilə Azərbaycanı hansısa məsələdə güzəştə getməyə vadar etmək məqsədi güdülür. Hər dəfə də insan haqlarının guya pis durumda olması əsas göstərilir. Azərbaycan dəfələrlə bəyan edib ki, bizdə siyasi əqidəsinə görə kimisə həbs etmirlər. Konkret cinayət əməlinə görə həbs edilən bəzi şəxslərlə bağlı ölkə rəhbərliyi öz humanist siyasətinə əsaslanaraq qərarlar qəbul edir. Son əfv fərmanı və məhkəmə proseslərini buna misal göstərə bilərik. Hesab edirəm ki, bu cür cəhdlərin hamısı uğursuz alınacaq. Çünki həmin qruplar bundan əvvəlki fəaliyyətində də konkret nəticəyə nail ola bilmədilər. Əminəm ki, "Formula-1" yarışı da yüksək səviyyədə keçiriləcək".

Ekspertin fikirləri bir daha təsdiq edir ki, həm "Avroviziya", həm də Avropa Oyunları zamanından tanış olduğumuz bu təzahür səbəbsiz deyil. Həmin tədbirlər zamanı idmanı Azərbaycana qarşı xüsusi qərəzlə siyasiləşdirmək istəyən beynəlxalq dairələr, necə deyərlər, yenidən səngərdən baş qaldırıblar. Ancaq bu sayaq fəallaşmaların Azərbaycanın dörd günlük müharibədəki diplomatik-hərbi triumflarından dərhal sonraya düşməsi də təsadüf deyil. Rebeka Vinsent kimilərin bu dəfə də anti-Azərbaycan qüvvələrin "əlini oynadığına" bundan tutarlı daha nə sübut ola bilər ki...

Namiq QULİYEV

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...