Necə yəni, TDT-də müstəsna rola malik, təşkilatın şərti olaraq " başı" ilə bədəni arasında onurğa rolu oynayan Azərbaycanın prezidentinin iştirak etmədiyi sammit onu daha da gücləndirdi?!
Bu sözləri “Bakı Xəbər” media qrupunun rəhbəri, politoloq Aydın Quliyev özünün Facebook səhifəsində yazıb. A.Quliyev daha sonra yazır:
Heç ayıb deyil? Heç dövlət təəssübünüz yoxdur? Bilmirsiniz İlham Əliyev Ankaraya niyə getmədi? Bilmirsiniz getməli deyildi? AK Parti iqtidarının "başı və ayaqları" daxil şəxslərin böyük səhvi və qəbahəti üzündən Azərbaycanla yaradılmış bu boyda qovğadan sonra İlham Əliyev Ankaraya niyə də getməli idi?! AK Parti hökuməti bu nə hikkə idi göstərdi? Bahçalı bəyi səfirimizlə görüşə göndərdilər ki, bəlkə səfir İlham Əliyevi səfərə razı sala bildi… Bu lap ağ oldu ki... Səfiri vəzifəyə təyin edən İlham Əliyevdir, səfir İlham Əliyevi prezident vəzifəsinə təyin etməyib ki… Sonra cümhurbaşqanı Ərdoğan özü şəxsən zəng vurub dəvət etdi. Bununla böyüklük etdi, ancaq etdiyi o yanlışdan sonrakı bu böyüklüyün cazibədarlığı, əfsus ki, qalmamışdı... İncitdiyiniz dövlət başçısını qirğin vəziyyətdə sammitdə görmək hansı dost duyğusundan əmələ gələ bilər? Bəlkə İlham Əliyev getmiş olsaydı, təminat var idi ki, öyrədilmiş bir jurnalistin ona "ölkənizdə əksər media qurumları və tanınmış şəxslər AK Partinin hicab müdaxiləsinə üsyan erdiyi bir vaxtda Ankaraya hansı hisslərlə gəldiniz" sualı verməyəcəkdi?!... Təkrar deyim, AK Parti iqtidarında o nə hikkə idi ki, öz səhvlərindən doğmuş qalmaqalın yat-yut olması üçün mümkün variant kimi Zirvənin vaxtını gecikdirmək əvəzinə, Əliyevin Ankaraya gəlişi üzərində dəfələrlə təkid edirdi?! Əliyevin o haqlı incik durumunu dünyaya göstərmək istəyirdiniz?! Belə dostluq olur?!
Təbii ki, Əliyevin zirvəyə getməməsi TDT- ni dağıtmaz, Əliyev özü də mütləqdir ki, bunu istəmir. Ancaq Əliyevin zirvəyə getməməsi TDT-ni gücləndirmir, gücləndirə bilməz axı....Bu nə məntiqlə irəli sürülən tezisdir ki, "daha da gücləndi"..
Ankara zirvəzində hansı fövqəladə dəyişdirici gücə malik bir qərar verildi ki, təşkilatın daha da gücləndiyini hökm edək?! Demirəm ki, Əliyev iştirak etmiş olsaydı, təşkilat qeyri- adi yeni mərhələyə daxil olacaqdı. Ola da bilərdi. Əminəm ki, İlham Əliyev növbəti sammitlərdə iştirak edəcək və göstərəcək ki, o hansısa yeniliyi etmək gücündədir və onun Ankara sammitində iştirakını əngəlləyən səbəbləri yaradanlar tarix qarşısında böyük məsuliyyət altına girdilər... Gözləyək..
Azərbaycanla Türkiyənin qardaşlığının daha da güclənməsini bizlər də çoooox istəyirik, buna çalışırıq, hər şeyin zaman-zaman öz yerini alacağına əminəm, hər şeyə səbəb olmuş AK Parti iqtidarı yeni dönəmin başlanması üçün nəyi necə etməli olduğunu bilir…
Mən canımız Atatürkçü Türkiyə Cümhuriyyəti üçün canımı verərəm, ancaq Azərbaycanı daxili və xarici siyasətdə özünün siyasi-ideoloji ( dini) sxemlərinə oxşatmağa çalışan AK Parti iqtidarı üçün yox!!! AK Parti öz kursu üstündə böyük Türk xalqı ilə işini necə quracağını özü bilər...
Xilafət yolu bizə yaddır...
Prezident İlham Əliyevin siyasətini bəyənməyənlər də daxil bütün fb dostlarıma əzəli-əbədi sözüm - "Biz içimizdə didişsək də, bir-birimizi didikçilərə verməməliyik"
Bu müdrik el məsəlimizi unutmayaq...
SAMİRƏ
