Rusiya Baş nazirinin müavini Aleksandr Novak Kiyevin neft emalı zavodlarına hücumları bərpa etdiyini açıqladı.
"Bir müddət fasilə verdik. Amma bu gün hücumlar yenidən başlayıb və müəssisələrimiz özlərini qorumağa çalışırlar" – deyə o, bildirib.
Novak əlavə edib ki, zərbələr üç neft emalı zavodunu, eləcə də qaz-kimya kompleksini hədəf alıb. Nazir hava hücumundan müdafiə qüvvələrinin effektiv şəkildə fəaliyyət göstərdiyini bildirib.
Qeyd edək ki, Trampın təzyiqlərindən sonra Ukrayna Rusiyanın neft emalı zavodlarına edilən hücumları dayandırmışdı.
Tahir TAĞIYEV
