Tural İsmayılov: "Bu passivlik həm də Ermənistanın öz maraqlarını qorumaq əvəzinə regional sabitliyi pozmaq cəhdləri kimi qiymətləndirilir"
Ermənistan baş nazirinin müavini Mher Qriqoryan Birinci Respublika Günü münasibətilə keçirilən tədbirdə deyib ki, sizə deyəcək bir xəbərim yoxdur, müəyyən işlər görülür: "Mən prosesin dalana dirəndiyini düşünmürəm. Bizim hər iki ölkə tərəfindən təsdiqlənmiş və daxili prosedurlardan keçmiş tam hüquqi bazamız var".
Qriqoryan həmçinin qeyd edib ki, Ermənistanla Azərbaycan arasında dövlət sərhədinin demarkasiya, delimitasiyası və təhlükəsizlik məsələləri üzrə komissiyaların növbəti iclasının vaxtı hələ müəyyən edilməyib.
Xatırladaq ki, 2025-ci il yanvarın 16-da Ermənistan və Azərbaycanın baş nazir müavinləri - Mher Qriqoryan və Şahin Mustafayevin rəhbərlik etdiyi komissiyaların növbəti iclasının yekunlarına əsasən, tərəflər sərhədin delimitasiyası üçün yeni bölmə müəyyən ediblər. Onlar dövlət sərhədinin şimal hissəsindən - Ermənistan, Azərbaycan və Gürcüstan sərhədlərinin qovşağından, daha sonra isə cənub istiqamətində - şimaldan cənuba, Ermənistan və Azərbaycanın İranla sərhədinə kimi delimitasiyası üzrə işlərə başlamaq barədə razılığa gəliblər.
Ermənistanla sərhədlərin delimitasiyası və demakrasıyası bu ilin beş ayında hansı səbəbdən passiv qalıb? Yanvardan bəri heç bir iclas keçirilməyib, işçi qrup sərhəddə heç bir iş görməyib...
Baki-xeber.com saytının sualını cavablandıran politoloq Tural İsmayılov bildirdi ki, tərəflər
Ermənistan-Azərbaycan sərhədlərinin delimitasiyası və demarkasiyası prosesində yanvardan bəri tam passivlik nümayiş etdirir, bu da ciddi narahatlıq doğurur: "Azərbaycan tərəfi delimitasiya üzrə Dövlət Komissiyasının fəaliyyəti üçün bütün lazımi addımları atır, şərait yaradıb, amma Ermənistan tərəfi konstruktiv mövqe göstərmir. Ermənistanın sərhəd komissiyasının fəaliyyətində gecikmələr, danışıqlarda soyuqluq və konkret addımlar atılmaması sərhədlərin aydınlaşdırılması prosesini ləngidir. Burada Ermənistanın öz maraqlarını qorumaq əvəzinə regional sabitliyi pozmaq cəhdləri kimi qiymətləndirilir. Davakar qonşumuzun sərhədlə bağlı məsələlərdə mövqeyini aydın və şəffaf şəkildə ortaya qoymaması demarkasiya işlərinin dayanmasına səbəb olur. Ermənistanın Naxçıvana yol açılması, sərhəd təhlükəsizliyi və kommunikasiya məsələlərində konstruktivlik göstərməməsi danışıqların irəliləməsinə mane olur.
Rəsmi İrəvanın sülh müqaviləsi üzrə təklifləri, Azərbaycanın ərazi bütövlüyü və sərhəd məsələlərini qəbul etməməsi, siyasi rəhbərliyin daxili siyasi maraqları və populist addımları da delimitasiya prosesinə mənfi təsir göstərir. Ermənistanın çağırışlara məhəl qoymaması prosesin ləngiməsini şərtləndirir. Bu passivlik regionda gərginliyi artırır və Azərbaycanla Ermənistan arasında etimadsızlığı dərinləşdirir. Paşinyan komandasının sərhəd məsələlərində konstruktiv iştirakdan imtina etməsi həm öz maraqlarına, həm də regionun sülh və təhlükəsizliyinə zərər verir. Ermənistanın sərhəd komissiyasının işinə laqeyd yanaşması, həmçinin sərhəd təhlükəsizliyi və kommunikasiyaların inkişafı üçün vacib olan addımların atılmaması vəziyyəti mürəkkəbləşdirir. Ermənistanın bu mövqeyi həm beynəlxalq aləmdə, həm də regionda onun etibarını azaldır. Ermənistan tərəfinin bu passivliyi Azərbaycanla münasibətlərin normallaşmasına ciddi əngəl törədir və gələcəkdə sülh prosesini təhlükə altına alır. Ermənistanın sərhəd məsələlərindəki qeyri-konstruktiv mövqeyi həm də daxili siyasi böhranların nəticəsi kimi qiymətləndirilə bilər. Ermənistanın bu vəziyyətdən çıxış yolu dialoq və əməkdaşlıqdan keçməlidir, lakin indiyə qədər bu istiqamətdə ciddi addım atmayıb. Ermənistanın sərhəd delimitasiyası və demarkasiyasına laqeyd yanaşması regionda sabitliyin bərqərar olmasına mane olur və gərginliyi artırır. Rəsmi İrəvanin bu mövqeyi Azərbaycanla sülh müqaviləsinin imzalanmasını da gecikdirir və uzunmüddətli həllin qarşısını alır. Ermənistanın sərhəd məsələlərindəki passivliyi həm də onun regional izolyasiyasını dərinləşdirir və iqtisadi inkişafına mənfi təsir göstərir. Paşinyan iqtidarının sərhəd məsələlərindəki bu mövqeyi həm daxildə, həm də beynəlxalq səviyyədə tənqid olunur və dəyişiklik tələb edir".\
Dəniz NƏSİRLİ
