Filip Bridlavı Avropadakı NATO qüvvələrinin başçısı postunda əvəzləyən xələfi Kertis Skaparotti Alyansa Rusiyadan gələn təhlükəyə qarşılıq verməyə hazır olmaq çağırışı edib.
Baki-xeber.com vesti.ru-ya istinadən bildirir ki, NATO-nun Avropadakı qoşunlarının baş komandanı Skaparotti digər təhlükələr qismində terrorçu və qaçqınları göstərib. Vəzifəyə təyin olunması münasibətilə keçirilən tədbirdə çıxış edən Skaparotti Rusiyanın dünyaya əzələ nümayişi cəhdlərini xüsusi vurğulayıb. Bu səbəbdən Alyansın AB-dəki yeni başçısı NATO ölkələrini hazırlıq səviyyəsini artırmağa çağırıb.
NATO Baş katibi Yens Stoltonberq isə Alyansın Brüsseldəki mənzil-qərargahında keçirilən sözügedən tədbirdəki çıxışında deyib ki, Alyans üçün yeni qeyri-müəyyənlik erası başlayır və təəssüf ki, Alyans bu eraya bir sıra köhnə problemlərlə başlayır və o üzdən hər cür təhlükəyə hazırdır.
Qeyd edək ki, Filip Bridlavdan fərqli olaraq, Skaparottinin hər zaman NATO-Rusiya münasibətlərini korlamağa çalışdığını deyən Rusiya tərəfi bu təyinatdan narahat olduğunu gizlətmir.
