Müstəqil Azərbaycan polisi artıq əvvəlki "milis" deyil...

Tarix: 03.05.2016 / 02:35
Bölmə: Gündəm

Keçmiş SSRİ məkanında Azərbaycan milisinin ictimai qaydanın və vətəndaşların təhlükəsizliyinin müdafiəsində, ictimai əmlakın mənimsənilməsinə qarşı mübarizədə danılmaz rolu olub. Cəmiyyətin üzvlərinin iştirakı ilə aparılan mübarizə, habelə daxil olmuş əməliyyat məlumatlarının peşəkarlıqla həyata keçirilməsi həmişə səmərəli nəticəsini verib.

Etiraf etməliyik ki, müasir polisin fəaliyyəti və peşəkarlığı keçmiş milisin cinayətkarlıqla mübarizə siyasətinin geniş təcrübəsi üzərində qurulduğundan həmin praktikadan bu gün də istifadə edilir. Amma müasir polis 70 il bundan öncəki milis deyil. Müasir Azərbaycan polisi cinayətkarlıqla mübarizənin təcrübəsindən faydalandıqca innovativ vasitələrdən də ustalıqla istifadə etməyi bacarır, təkmilləşir, bəzi növ cinayətlərin, xüsus ilə mütəşəkkil cinayətkarlığın növləri olan insan alveri və narkomaniya ilə mübarizədəki fəaliyyətləri beynəlxalq təşkilatların rəğbətinə layiq görülür, terrorizmlə mübarizədə isə inkişaf etmiş dövlətlərin beynəlxalq hesabatlarında layiqli sırada qərar tutur. Bunun məntiqli səbəbləri var. Əvvəla, Azərbaycan polisinin dövlətin cinayətkarlıqla mübarizə siyasətinin formalaşdırılmasında riyazi dəqiqliklə iştirakı var. İkincisi; Respublika Daxili İşlər Nazirliyinin kollegiya sədri, general-polkovnik Ramil Usubov və kollegiya üzvləri bu mühüm işdə prinsipallıq nümayiş etdirir, tapşırılan sahəyə ciddi nəzarət, insan və vətəndaş hüquq və azadlıqlarına hörmət, şəxsi heyətin içdikləri anda sədaqət var. Üçüncüsü; Müasir Azərbaycan Polisi ölkəmizin tərəfdar çıxdığı beynəlxalq normaların və konvensiyaların tələblərindən irəli gələn, Avropada təhlükəsizliyin təminatı ilə uzlaşan demokratik islahatların həyata keçirilməsini fəaliyyət istiqamətlərinin prioriteti kimi qəbul edir.

Müasir Azərbaycan polisinin nüfuzunun yüksəlməsinə təsir edən, bəlkə də adi düşüncədən kənarda qalan, bəzən unudulan, sezilməyən əsas faktor demokratik, hüquqi dövlətin 70 ildən sonra, keçid dövründə daxildə cinayətkarlıqla, onun gözlənilməyən növləri - insan alveri, mütəşəkkil cinayətkarlıqla mübarizə ilə yanaşı doğma vətənin müdafiəsində tərəddüd etmədən iştirakı olub. Vətən savaşının qəhrəmanlıq salnaməsini barmaqlarını öz qanlarına batıraraq yazdılar. Müstəqil Azərbaycan tariximizin şanlı səhifələri zənginləşdi. Mən bu faktı həmişə uca, lap uca tutmuşam, tutacağam və fəxr edirəm ki, nazirin əmri ilə mən də bu savaşın və 50 nəfərdən ibarət polis döyüşçülərinin komandiri olmuşam. Dünyasını dəyişənlərin ruhu şad olsun!

Azərbaycan polisi artıq 35 ildir ki, müstəqil ölkəmizdə daxili sabitliyinin qorunmasında şərəfli xidmətini andına və xalqına sədaqəti nümayiş etdirməklə yorulmadan aparır. Kriminogen durum nəzarətdə, ictimai münasibətlərə zidd davranışlar daimi müşahidədə, şəxsi heyətin xidməti isə etimada layiq davam edir.

Dövlətin polisə olan münasibətinin son zamanlar diqqət çəkən əsas cəhətlərindən biri bu xidmətə olan layiqli qayğının davam edilməsidir. İctimaiyyət yəqin ki, bir müddət öncə ölkə Prezidenti İlham Əliyevin ictimai polisin yaradılması ilə bağlı fərmanını xatırlayır. Fərmanın mahiyyəti və məramı cinayətkarlıqla mübarizədə ictimaiyyətin mümkün qədər kənarda seyrçi müvqedə dayanmasından və konstitusion vəzifələrə xas tərzdə polis orqanlarına dəstək olmasından ibarətdir. Bir növ, Azərbaycan dövlətinin konstitusiyanın 12-ci maddəsində ehtiva edilən - insan və vətəndaş hüquqlarının və azadlıqlarının, Azərbaycan vətəndaşlarına layiqli həyat səviyyəsinin təminindən ibarət olan ali məqsədininin bariz nümunəsidir.

Tarixi mənbələrə görə "polis" təsis edilməyənə qədər Avropa ölkələrində ictimai qaydanın mühafizəsi missiyasını ayrı-ayrı qurumlar icra etmişlər. Məs. İngiltərədə polis təxminən 1822-ci illərdə təşəkkül tapıb.

Artıq 200 ilə yaxındır ki, ingilis polisi xalqa xidmət edir və bu işdə ictimaiyyət yetərincə dəstək olur. İngiltərə polisi bu gün həmin dövrlərdə daxili işlər naziri və baş nazir postunda çalışan Robert Pilin adı ilə yad edilir. O, 1809-1850-ci illər ərzində İngiltərə Parlamentinin üzvü, 1822-1827-ci illərdə daxili işlər naziri, 1834-1835-ci və 1841-1846-cı illərdə iki dəfə ölkənin baş naziri olub. 1829-cu ildə isə Robert Pil (Bobbi) Londonda nizamlı polis qüvvələrini yaratdı və o vaxtdan polis onun adı ilə "Bobbi" (Robert sözünün qısaldılmış forması) adlandırıblar. Güman etmək olar ki, yaradılan nizamlı polis bu gün də ictimaiyyət arasında Bobbilər (yəni Robertin yaratdığı polislər) adlandırılır.

Müasir Azərbaycan polisinə də indi "ictimai polis" və yaxud "cəmiyyətin dəstəklədiyi polis dayaq olur. Bu, Prezident İlham Əliyevin məntiqli siyasətinin davamı kimi təşəbbüsə bulunan şəxslərin adı ilə həmişə yadda qalacaq, ictimaiyyət tərəfindən xatırlanacaq.

Məlum fərmanın qüvvəyə mindiyi günə qədər və sonra polisin ünvanına narazılıq ifadələri işlədilib, hələ işlədiləcək. Polisin fəaliyyətində nöqsanlar, əməkdaşların hərəkətlərində qeyri-etik davranışlar, korrektə edilməli olan, görünən və görünməyən hallar da, təbii ki, var. Belə hallar həmişə, hər yerdə olub və olacaq. Lakin sosial şəbəkələrdə "milçəkdən fil" düzəldib manşetdə yerləşdirmək hər birimizə ziyandır. Mən bu sayaq publisistikanı və ekspert rəylərini puç adlandırıram. Polisin nöqsanlarına isə haqq qazandırmaqdan uzaqam. İl ərzində rəsmi qeydiyyata alınan 26 min cinayətin 82%-dən çoxunun açılması sağlam düşüncəli insanlar üçün çox şey açır. Ötən ildə insan alveri cinayətələrinin açılması isə 92% təşkil edib.

Hər il polis əməkdaşlarının hərəkətlərinə, polisin etik davranış qaydalarına və yaxud bu qaydalara uyğun olmayan, bir araya sığmayan əməllərinə intizam, bəzən də cinayət məsuliyyətinə uyğun hüquqi qiymət verilir.

Nazir zahirən sərt görünsə də, daxilən humanist, ədalətli, mərhəmətli və qayğıkeşdir. Artıq gənclərdən ibarət sağlam düşüncəli və gələcəkdə polis orqanlarında çalışmaq istəyən namizədlərin seçiminə start verilib. İşə götürülən gənclərin hər biri sivil test qaydalarına uyğun təyinat alır. Namizədlərin seçilməsinə daxili işlər naziri, general-polkovnik Ramil Usubov şəxsən nəzarət edir.

Şübhəm yoxdur ki, gələcək polis əməkdaşlarının xidmətindən ictimaiyyət qurur duyacaq və polisin artan nüfuzunda xidmətləri olacaq.

Bu yolda DİN-in çoxminli şəxsi heyətinə şərəfli xidmətlərinin uğurla və yorulmadan həyata keçirilməsində Allahdan kömək istəyirəm. Tanrı onları qorusun!

Şəmsəddin Əliyev,

"Polisə Dəstək"

İB-nin sədri

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...