Bakı marafonu Azərbaycana nə(lər) verdi?

Tarix: 03.05.2016 / 02:41
Bölmə: Gündəm

Fuad Muradov: "Bakı bu marafonla şəhərlər arasında öz imzasını atdı"

Qabil Mehdiyev: "Bakı marafonu təkcə ölkəmizdə yox, bütün dünyada məşhurlaşacaq və iştirakçıların sayı ildən-ilə artacaq"

Təranə Xudabaxşiyeva: "Bakı Marafonu-2016" gənclərin idmana marağının artmasına xidmət edir"

Mayın 1-də Heydər Əliyev Fondunun təşəbbüsü ilə "Küləyə qalib gəl" şüarı altında "Bakı Marafonu-2016" keçirilib. Heydər Əliyev Fondunun vitse-prezidenti Leyla Əliyeva marafonda iştirak edib. Saat 10:00-da Dövlət Bayrağı Meydanından start verilən yarışa Azərbaycan vətəndaşları ilə yanaşı, ölkəmizdə yaşayıb-çalışan 500-dək əcnəbi qoşulub.

İspaniya, Fransa, Qazaxıstan, Ukrayna, Səudiyyə Ərəbistanı, İran, Hindistan, Çexiya və digər ölkələrin Azərbaycanda fəaliyyət göstərən səfirliklərinin rəhbərləri və nümayəndələri, tələbələr, idmançılar, bir sıra tanınmış ictimai-siyasi xadimlər, ictimaiyyət nümayəndələri iştirakçılar arasında olub. Marafonda, həmçinin, Avstriya, Almaniya, İspaniya, Fransa, Rusiya, Böyük Britaniya, Birləşmiş Ərəb Əmirlikləri, Keniya və digər ölkələrdən nümayəndələr iştirak edib.

Yarışın başlandığını bildirən atəşi olimpiya çempionu, stend atıcılığı üzrə dünya çempionu Zemfira Meftahətdinova açıb.

Yarımmarafon məsafəsinin - 21 kilometrin qət edilməsinə maksimum 4 saat 30 dəqiqə vaxt verilib. İştirakçılar Dənizkənarı Milli Parkdan başlayaraq "Neftçilər" prospekti, Yusif Səfərov küçəsi ilə qaçıblar. Daha sonra Heydər Əliyev Mərkəzinin yanından keçərək Heydər Əliyev prospekti ilə Bakı Olimpiya Stadionuna qədər yol qət ediblər. Marşrut boyu iştirakçıların su və digər zəruri ehtiyacları ödənib, onlar ilkin tibbi yardımla təmin olunub. Marafonu davam etdirə bilməyənlər, iştirakçıları dəstəkləməyə gələnlər və digərləri finiş xəttinə xüsusi avtobuslarla çatdırılıb. Marşrut boyu ümumilikdə 5 avtobus dayanacağı fəaliyyət göstərib.

Dənizkənarı Bulvar İdarəsinin, Bakı Olimpiya Stadionunun dəstəyi ilə təşkil edilən, icrası "SMG" (Sport Marketing Group) şirkəti tərəfindən həyata keçirən marafonun əsas məqsədi Azərbaycanda idmanın inkişafına dəstək göstərmək, insanlar arasında, xüsusilə gənclərdə sağlam həyat tərzini təşviq etmək, onları xeyirxah məqsədlər naminə bir araya gətirməkdir. Marafona 16 yaşdan yuxarı şəhər sakinləri, qonaqlar əvvəlcədən qeydiyyatdan keçərək qoşulub.

Bakı Olimpiya Stadionunda toplaşan azarkeşlər "Küləyə qalib gəl"ənləri dəstəkləyib. Yarışın finiş xətti və medal təltifetmə mərasimi də Bakı Olimpiya Stadionunda olub. Marafonda kişilər arasında finişə birinci Namiq Əsədov, Gürcüstan vətəndaşı Georqi Dameniya ikinci və Tural Sadıxlı isə üçüncü çatıb. Qadınlar arasında Rahidə Aslanova birinci, Nataşa Pitersen (Böyük Britaniya) ikinci, Rəqsanə Rəcəbli isə finişi üçüncü başa vurub.

Sonra "Bakı Marafonu-2016"nın qaliblərinin mükafatlandırılması mərasimi olub.

Ölkə ictimaiyyəti "Bakı Marafonu-2016"nın Azərbaycanda keçirilməsini müsbət dəyərləndirir.

Marafonda iştirak edən millət vəkili Fuad Muradov qeyd etdi ki, Heydər Əliyev Fondunun təşəbbüsü ilə Azərbaycanda həyata keçirilən "Bakı Marafonu-2016" çox böyük coşqu, çox böyük sevgi ilə qarşılandı: "Bu o deməkdir ki, bizim gənclərimiz, ümumiyyətlə cəmiyyətimiz idmana çox yaxşı münasibətdədir. Bu cür marafonlar Londonda, Barselonada keçirilir. Bu gün də Bakı bu marafonla şəhərlər arasında öz imzasını atdı. On minə yaxın insan paytaxt Bakı küçələrinə toplaşdı. Bu bizim üçün böyük uğurdur".

"İdman" qəzetinin baş redaktoru, əməkdar jurnalist Qabil Mehdiyev bizimlə söhbətində bildirdi ki, "Bakı Marafonu-2016"nın Azərbaycanda keçirilməsi alqışlanmalı haldır: "Əslində, bu yarış illər öncə keçirilməli idi. Çünki adıçəkilən yarış sosial əhəmiyyət daşıyır. Dünyanın bir sıra ölkələrində marafon yarışları təşkil olunur. Həmin marafon bir müddət keçəndən sonra dünyanın idman ictimaiyyətinin diqqətini cəlb edir".

Q.Mehdiyev Bakıda keçirilən "Bakı Marafonu-2016" ilə bağlı həm idman azarkeşlərini, həm də paytaxt sakinlərini təbrik etdi: "Sevindirici haldır ki, belə bir möhtəşəm yarış Azərbaycanda baş tutdu. Marafonun istiqaməti də simvolik olaraq Bayraq meydanından başladı və Bakının yeni rəmzi olan Olimpiya stadionunda başa çatdı".

Həmsöhbətimiz hesab edir ki, Bakı marafonu təkcə ölkəmizdə yox, bütün dünyada məşhurlaşacaq və iştirakçıların sayı ildən-ilə artacaq.

Taekvando üzrə milli hakim Təranə Xudabaxşiyeva "Bakı-Xəbər"ə açıqlamasında bildirdi ki, mayın 1-də Bakıda keçirilən marafon yarışı gözəl təşəbbüsdür: "İlk öncə bu yarış gənclərin idmana marağının artmasına xidmət edir. Belə layihələr gəncləri tüfeyli həyatdan uzaqlaşdırıb birlikdə gözəl və sərfəli vaxt keçirməsinə səbəb olur. Eyni zamanda idman sağlamlıqdır. Belə tədbirlər gənclərin sağlam yaşaması vərdişlərini şüuraltı insanlara tərbiyə edir. Bir sözlə, "Bakı Marafonu-2016" hərtərəfli gözəl və xeyirli tədbirdir. Hesab edirəm ki, bu formatda olan tədbirlər daim keçirilməlidir".

Günel CƏLİLOVA

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...