Azərbaycanda korrupsiyanın qarşısını almağın yeni mexanizmləri gəlir

Tarix: 29.04.2016 / 00:42
Bölmə: Gündəm

İlqar Hüseynli: "Korrupsiya ilə bağlı daha effektiv mexanizmlər tapmaq üçün qabaqcıl ölkələrin..."

"Bəzən cəza tədbirləri istənilən effekti vermir"

Prezident İlham Əliyev "Açıq hökumətin təşviqinə dair 2016-2018-ci illər üçün Milli Fəaliyyət Planı"nın təsdiq edilməsi haqqında Sərəncam imzalayıb.

Sərəncam açıq hökumət prinsiplərinin tətbiqinin genişləndirilməsi, korrupsiyanın qarşısının alınması üzrə yeni mexanizmlərin tətbiqi, vətəndaş cəmiyyəti institutlarının fəaliyyətinin və ictimai nəzarətin gücləndirilməsi, sahibkarların hüquqlarının müdafiəsi, "Açıq hökumətin təşviqinə dair 2012-2015-ci illər üçün Milli Fəaliyyət Planı" və "Korrupsiyaya qarşı mübarizəyə dair 2012-2015-ci illər üçün Milli Fəaliyyət Planı" çərçivəsində həyata keçirilən tədbirlərin davamlılığının təmin edilməsi məqsədilə imzalanıb.

Mərkəzi və yerli icra hakimiyyəti orqanları "Açıq hökumətin təşviqinə dair 2016-2018-ci illər üçün Milli Fəaliyyət Planı"nda (bundan sonra - Fəaliyyət Planı) nəzərdə tutulan tədbirlərin icrası barədə hər il dekabrın 30-dək Nazirlər Kabinetinə və Korrupsiyaya qarşı mübarizə üzrə Komissiyaya illik hesabatlarını təqdim etməli, Fəaliyyət Planının icrası üzrə illik iş planlarını təsdiq etməli və bu barədə məlumatı Korrupsiyaya qarşı mübarizə üzrə Komissiyaya elektron qaydada verməlidir.

Müvafiq qurumlara tapşırılıb ki, görülmüş işlər barədə Prezidentə məlumat versinlər və nəzərdə tutulan tədbirlərin icrasını təmin etsinlər.

Korrupsiyaya qarşı hansı yeni mübarizə mexanizmləri tətbiq oluna bilər? Bununla bağlı ekspertlərin təklifləri nədən ibarətdir?

Sözügedən məsələni dəyərləndirən ekspert İlqar Hüseynli hesab edir ki, korrupsiyaya qarşı mübarizə mexanizmləri zamanın tələbinə uyğun təkmilləşdirilməlidir: "Məlumat üçün qeyd edim ki, 2005-ci ildən bu yana Azərbaycanda korrupsiya ilə mübarizəyə dair 3 milli fəaliyyət proqramı qəbul edilib. Artıq 4-cü proqramın da hazırlanması prosesi gedir. Korrupsiyaya qarşı mübarizə ilə bağlı təkmil qanunvericilik bazası var. Digər tərəfdən, institusional təsisatlar da mövcuddur. Dövlət başçısı son çıxışında bir daha bu məqama toxunaraq korrupsiyaya qarşı daha ciddi mübarizə aparılacağını, son islahatların da məhz bu problemə qarşı yönəldiyini deyib. Prezident onu da bildirib ki, bəzən cəza tədbirləri istənilən effekti vermir. Korrupsiyanın genişlənməsində bürokratiya da müəyyən rol oynayır. Hesab edirəm ki, bürokratiyanın və nəticədə korrupsiyanın qarşısnı almaq üçün irəli sürülən mexanizmlərdən biri də elektron xidmətlərdir. Elektron xidmətin tətbiq dairəsi genişləndikcə məmur-vətəndaş təması minimuma enir və korrupsiya ehtimalları da eyni dərəcədə azalır. Azərbaycanda antikorrupsiya tədbirlərinin effektivliyiə dair bir "ASAN xidmət" nümunəsi də var.

Yeri gəlmişkən, mərkəzin təqdim etdiyi xidmətlər spektrinin genişləndirilməsi qarşıdakı illərdə tamhüquqlu elektron hökumətə çevrilməsinə hesablanıb. Korrupsiya ilə bağlı daha effektiv mexanizmlər tapmaq üçün qabaqcıl ölkələrin təcrübəsi öyrənilməli, struktur islahatları buna uyğun olaraq dərinləşdirilməlidir. İctimai təşkilatlar və QHT-lər bu işdə yaxından iştirak etməlidir. Bütün bunların sistemli şəkildə həyata keçirilməsi ciddi effekt verə bilər".

Vidadi ORDAHALLI

DİGƏR XƏBƏRLƏR

Tarix: 10.05.2026 / 11:58

Qeyri-adi yetənəyi ilə məşhurlar siyahısına düşən soydaşımız - Günay Həsənova

Tarix: 09.05.2026 / 06:39

Bu gün QƏLƏBƏ günüdür

Tarix: 09.05.2026 / 06:14

İran BMT-yə çağırış etdi - “ABŞ-ı qınayın”…

Tarix: 09.05.2026 / 06:04

Trampı tabutda təsvir etdi, altına “kaş ki…” yazdı - Ağ Ev şokda…

Tarix: 06.05.2026 / 14:30

Türk Dünyasında İnteqrasiya və Texnoloji dönüş: Bakıda strategiya və qardaşlıq vurğusu

Tarix: 06.05.2026 / 08:39

Meloni “deepfake”i “təhlükəli silah” adlandırdı - zarafatından da qalmadı

Tarix: 06.05.2026 / 08:29

Pentaqonun delfin-kamikadzeləri? - Hegseth inkar etmədi…

Tarix: 06.05.2026 / 08:09

Moskva Qələbəni “İD məğlubiyyəti” ilə keçirəcək - İnternetsiz…

Tarix: 06.05.2026 / 07:56

ABŞ müharibəyə “qaldığı yerdən” davam edəcək - İranla danışıqlar uğursuz olarsa…

Tarix: 06.05.2026 / 07:41

İran BƏƏ-yə hücum iddialarını rədd edir - "dağıdıcı və təəssüf doğuran cavab" gündəmdə…

Tarix: 05.05.2026 / 21:37

Arxiyepiskop tərəfdarları səsini Makrona çatdıra bilmədi - Gümrüdə…

Tarix: 04.05.2026 / 17:22

Tenderlərin MMC-lər arasında şübhəli "ötür-ötürü" ölkəni bürüyüb - Bakı İH nümunəsi...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.05.2026 / 17:38

Prezident İlham Əliyev və Mehriban Əliyeva Şükürbəyli kəndinə köçən sakinlərlə görüşdü - FOTO/YENİLƏNDİ

Tarix: 07.05.2026 / 22:18

Gürcüstanla Rusiya Zəngəzur dəhlizinə alternativ hazırlayır - qonşumuzdan yeni davranış...

Tarix: 07.05.2026 / 17:18

Azərbaycandan keçən yollar Avrasiyada müharibələrdən təsirlənməyən yeganə marşrut oldu...

“Böyük qayıdış” müasir şəhərsalma mədəniyyətinə böyük töhfələr verir...