Çin insan əti ilə bağlı qalmaqalla üzləşib. Baki-xeber.com-un Rusiya mətbuatına istinadən xəbərinə görə, bu barədə yerli ”The Sun” tabloidi xəbər verib.
Xəbərdə bildirilir ki, əslən Zambiyadan olan, lakin hazırda Çində yaşayan bir qadın həmyerlilərinə Çindən gələn konservləri almamaqla bağlı xəbərdarlıq edib. O deyib ki, guya bu ölkədə ölən insanların əti marinadlaşdırılaraq şüşə qablara doldurulur və Afrika ölkələrinə göndərilir.
Çinin Zambiyadakı səfiri Yan Yumin yerli mətbuatın bu xəbərinə kəskin reaksiya verib və deyilənləri iftira adlandırıb. Yan Yumin deyib ki, bu xəbəri qətiyyətlə təkzib edir və ölkəsinə bu şəkildə qara yaxanları şiddətlə qınayır. Xəbərdə o da bildirilir ki, Zambiya hökumətinin nazirlərindən olan Kristofer Mulenqa Çindən Zambiya hökuməti adından üzr istəyib və bildirib ki, insident tam şəkildə araşdırılacaq.
