"Stop Metsamor" petisiyasına dünyəvi marağın səbəbləri...

Tarix: 18.05.2016 / 02:49
Bölmə: Gündəm

Məhərrəm Zülfüqarlı: "Petisiyaya marağın böyük olmasının səbəbi həmin stansiyanın istifadəyə yararsız vəziyyətidir"
"Köhnə texnologiyaya istinad edən bir stansiyanın olması həm Ermənistan, həm də region ölkələri üçün böyük təhlükədir"

Ermənistan Respublikasında yerləşən Metsamor Atom Elektrik Stansiyası Cənubi Qafqaz, Orta Asiya, Xəzər və Qara dəniz ölkələri üçün ciddi təhlükə mənbəyinə çevrilib.
İstismar müddəti bitən, uzun illərdir heç bir yenilənmə işləri aparılmayan Metsamor AES-də qəza baş verəcəyi təqdirdə, Ermənistanın özü də daxil olmaqla, geniş coğrafiyada yerləşən bir çox ölkə nüvə qəzasının yaratdığı fəsadlarla üz-üzə qalacaq. Artıq uzun illərdir region ölkələri, Avropa İttifaqı və bir çox beynəlxalq təşkilat Metsamor AES-in yaratdığı təhlükə ilə bağlı həyəcan təbili çalır, milyonlarla insanın həyatını təhdid edən bu halın aradan qaldırılması üçün tədbir görülməsini tələb edirlər.
Regionun təhlükədən qorunmasını təmin etmək məqsədilə "Stop Metsamor" kampaniyasına başlanıb.
Bu məqsədlə bir qrup bloqger "change.org" saytında Metsamor AES-in bağlanmasını tələb edən "Stop Metsamor!" petisiyası üzrə imza toplanmasına start verib.
Əlavə olaraq sosial şəbəkələrdə - "Facebook" və "Twitter"də "Stop Metsamor!" kampaniyasının xüsusi səhifələri yaradılıb.
Fəallar beynəlxalq ictimaiyyəti Metsamor AES-in yaratdığı təhlükəyə biganə qalmamağa və həyata keçirilən kampaniyanı dəstəkləməyə çağırır.
"Stop Metsamor!" petisiyasında bu atom elektrik stansiyasının Cənubi Qafqaz, Orta Asiya, Xəzər və Qara dəniz ölkələri üçün ciddi təhlükə olduğu bildirilir. Uzun illərdir heç bir yenilənmə işləri aparılmayan AES-də qəza baş verərsə, Ermənistan da daxil olmaqla, bir çox ölkə nüvə qəzasının yaratdığı fəsadlarla üz-üzə qalacaq. Petisiyada o da vurğulanır ki, uzun illərdir region ölkələri, Avropa İttifaqı və bir çox beynəlxalq təşkilatlar Metsamor AES-in yaratdığı təhlükə ilə bağlı həyəcan təbili çalır, lazimi tədbirlərin görülməsini tələb edirlər. Bu kampaniyaya maraq yüksəkdir. Dünyanın bir sıra ölkələrində petisiyaya qoşulanlar var.
"AVCİYA" təmsilçisi Məhərrəm Zülfüqarlı qəzetimizə açıqlamasında bildirdi ki, Ermənistan ərazisində istifadəyə tam yararsız və böyük təhlükə mənbəyi olan Metsamor AES-in bağlanması, fəaliyyətinin dayandırılması üçün başladılan "Stop Metsamor" kampaniyası çox müsbət və əhəmiyyətli hadisədir: "Bu petisiyaya marağın böyük olmasının səbəbi həmin stansiyanın istifadəyə yararsız vəziyyətdə olmasıdır. 30 il bundan qabaq baş verən Çernobıl hadisəsini yada salmaq kifayət edir ki, bu təhlükənin miqyasını hər kəs anlasın. 1986-cı ildə Çernobıl qəzası baş verərkən 7 min adam həlak olmuşdu, 250 min adam güclü radiasiyaya məruz qalmışdı, on minlərlə insan isə radiasiyanın fəsadlarını həyatında hələ də hiss etməkdədir.
Biz bu faciənin bir də baş verməsinimi gözləməliyik? Metsamor Atom Elektrik Stansiyası ən azından beynəlxalq təhlükəsizlik baxımından beynəlxalq təsisatlarda narahatlıq doğurmalı, bununla bağlı müvafiq tədbirlər həyata keçirilməlidir".
Həmsöhbətimiz onu da əlavə etdi ki, sovet texnologiyası Qərb texnologiyasından geri qalır: "Köhnə texnologiyaya istinad edən bir stansiyanın olması həm Ermənistan, həm də region ölkələri üçün böyük təhlükədir.
Hesab edirəm ki, ölkəmizin, bütövlükdə yerləşdiyimiz bölgənin, regionun təhlükəsiz gələcəyini düşünən hər bir insan, xüsusilə də gələcəyimiz olan gənclər, gənclər təşkilatları bu kampaniyaya daha çox dəstək verməli, bu işdə daha çox fəallıq nümayiş etdirməlidir".
Günel CƏLİLOVA

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...