Azərbaycan Parlamentində Ermənistanın "Qarabağ aprel təxribatları" müzakirəyə çıxdı

Tarix: 14.05.2016 / 01:10
Bölmə: Gündəm

Müdafiə Nazirliyi Ermənistanın aprel təxribatının əsl məqsədini açıqladı

Ötən aprel ayında cəbhə xəttində baş vermiş hadisələr zamanı ermənilərin 320-dən artıq hərbçisi məhv edildi, 500-dən artıq hərbçisi yaralandı, 30 tankı və digər zirehli texnikası, 25-dən artıq artireliya qurğusu məhv edildi. "Trend"in məlumatına görə, bunu Azərbaycan Müdafiə Nazirliyinin mətbuat xidmətinin rəhbəri Vaqif Dərgahlı dünən Milli Məclisdə keçirilən "Təmas xəttində son hadisələr: Beynəlxalq humanitar hüququn problemləri" adlı dinləmələrdə deyib.

V.Dərgahlı bildirib ki, Ermənistan tərəfi aprel hadisələrinə qədər daim digər ölkələri münaqişəyə cəlb etmək üçün təxribatlar törədib.

O deyib ki, 2014-cü ildə prezidentlərin noyabr ayında görüşündən sonra Ermənistan tərəfi Dağlıq Qarabağ ərazisində böyük hərbi təlim keçirdi: "Yəni Ermənistan tərəfi həmin dövrdə gərginliyə hesablanmış bir addım atdı. O dövrdə Ermənistan tərəfi məqsədyönlü şəkildə gərginlik yaratdı. Ermənistan, təmas xəttindən başqa, sərhəddə olan ərazilərdəki mövqelərimizi də atəşə tuturdu və bununla da başqa ölkələri münaqişəyə cəlb etməyə çalışırdı".

V.Dərgahlı bildirib ki, 2015-ci ilin payızından başlayaraq Ermənistan tərəfi qoşunların təmas xəttinə yaxın ərazilərdə və sərhəddə mülki əhalini atəşə tuturdu: "2016-cı ilin mart ayından başlayaraq Ermənistan tərəfi əhalini atəşə tutmağı daha da gücləndirdi. Vəziyyəti gərginləşdirmək məqsədilə artilleriya qurğularından həm döyüş mövqelərimizi, həm də təmas xəttinə yaxın olan yaşayış məntəqələrini atəşə tuturdu. Ötən aprel ayının 2-nə keçən gecə bütün mövqelərimizi, eyni zamanda mülki əhalini atəşə tutdular. Azərbaycan tərəfindən adekvat tədbirlər görülməsi ilə bağlı qərar qəbul edildi və cavab zərbələri endirildi. Düşmən müdafiəsinin ön xəttində və dərinliyində yerləşən koordinatları müəyyənləşdirildi, canlı qüvvəsi və hərbi texnikası məhv edildi".

V.Dərgahlı bildirib ki, bu hadisələr zamanı Azərbaycan Ordusunun çox az hissəsi istifadə olundu.

"Avropa bir milyon qaçqının qarşısında özünü itirmişdi, Azərbaycan isə bu problemi təkbaşına həll edir"

Avropa bir milyon qaçqının qarşısında özünü itirmişdi, Azərbaycan isə bu problemi təkbaşına həll edir. "Trend"in məlumatına görə, bunu Azərbaycan xarici işlər nazirinin müavini Xələf Xələfov dünən Milli Məclisdə keçirilən "Təmas xəttində son hadisələr: Beynəlxalq humanitar hüququn problemləri" adlı dinləmələrdə deyib.

Nazir müavini bildirib ki, Ermənistan münaqişənin həlli ilə bağlı proseslərdə daim öz maraqlarına uyğun təxribatlar törədib: "Biz indiyə qədər təmas xəttində ermənilərin geniş təxribatlarının şahidi olmuşuq. Məqsəd isə odur ki, Ermənistan vaxt qazansın, təcavüzün nəticələrinin aradan qaldırılması məsələsi arxa plana keçsin və Ermənistana uyğun olan həll prosesi başlansın. Lakin Azərbaycan bu planların həyata keçməsinə imkan verməyib".

X.Xələfov deyib ki, ötən aprel ayında baş verən hadisələrin əsas səbəbkarı da təcavüzkar siyasəti özünün dövlət siyasətinə çevirən Ermənistan tərəfi olub.

Nazir müavini qeyd edib ki, Azərbaycan erməni təcavüzü nəticəsində böyük humanitar problemlərlə üzləşib: "Azərbaycan təcavüz nəticəsində qaçqın və məcburi köçkün vəziyyətinə düşən insanların həyat şəraitini yaxşılaşdırmaq, humanitar problemi aradan qaldırmaq üçün tədbirlər görür. Biz bu işləri 1996-cı ildən beynəlxalq təşkilatların köməyi olmadan davam etdirmişik. Bunu dünya birliyi də qiymətləndirir".

X.Xələfov vurğulayıb ki, Avropa bir milyon qaçqının qarşısında özünü itirmişdi, Azərbaycan hökuməti isə bu problemin öhdəsindən təkbaşına gəlir.

Nazir müavini vurğulayıb ki, Ermənistanın əsas məqsədi atəşkəsi pozmaqla, böyük silahlardan istifadə etməklə Azərbaycanda yeni humanitar problem yaratmaq, Azərbaycanın daxili sabitliyini pozmaq və yeni təcavüz siyasətinə başlamaq idi: "Bu çox təhlükəli addımdır. Mən inanıram ki, dünya birliyi bunu dərk edir. Düşünürəm ki, ona görə dünya birliyi çox böyük səylə atəşkəsin bərpa edilməsinə çağırışlar etdi. Yenə də bu çağırışlar fonunda Ermənistanın əsl üzünü gördü. Azərbaycan birtərəfli qaydada atəşi dayandırdı, buna baxmayaraq, ermənilər aprel döyüşləri zamanı itirdikləri əraziləri qaytarmaq üçün hücumları davam etdirdilər. Amma Azərbaycan Ordusu həmişə olduğu kimi bunun qarşısını aldı, Azərbaycan vətəndaşlarını qorumağa qadir olduğunu göstərdi".

Nazir müavini deyib ki, Azərbaycan öz torpaqlarını azad etmək üçün bütün imkanlardan istifadə edəcək: "Biz həmişə Dağlıq Qarabağ münaqişəsi ilə bağlı BMT qətnamələrinə istinad edirik, digər nüfuzlu təşkilatlar da Dağlıq Qarabağ münaqişəsi ilə bağlı analoji mövqeyi sərgiləməkdədir. Amma bir məsələni də demək lazımdır. BMT qətnamələri də Azərbaycana qarşı ədalətsiz kontekstdə qəbul olunmuş qətnamələrdir. Bu qətnamələr təcavüzə qarşı qətnamələr deyil. Bu qətnamələr BMT nizamnaməsinin təcavüz aktı bölməsinə uyğun qəbul olunmayıb, münaqişələrin sülh yolu ilə həll olunması bölməsinə uyğun qəbul edilib. Ona görə də bu qətnamələr bu günə qədər yerinə yetirilmir. Amma beynəlxalq hüquq Azərbaycanın tərəfindədir. BMT Təhlükəsizlik Şurası müvafiq tədbirlər görmədiyi halda hər bir ölkə özü tədbirlər görmək hüqüquna malikdir. Azərbaycan bu hüququ özündə saxlayır".

X.Xələfov bildirib ki, Ermənistanın işğalçı qoşunlarının Azərbaycan ərazilərində mövcud olması həm regionda, həm də ümumilikdə dünyada təhlükəsizliyə ən böyük təhdiddir: "Mən inanıram ki, həmsədrlər də, beynəlxalq birlik də status-kvonun dəyişməli olduğunu deyərkən bunu nəzərə almalıdır. Çünki status-kvonun dəyişməsi üçün Ermənistanın işğalçı qüvvələri Azərbaycan ərazisindən çıxarılmalıdır".

Nazir müavini qeyd edib ki, təcavüz dövründə Ermənistan Azərbaycana qarşı böyük cinayətlər törədib: "Həm humanitar, həm də soyqırım cinayətləri törədib. Mən Xocalı soyqırımını xüsusi qeyd etmək istəyirəm. Buna hələ dünyada hüquqi qiymət verilməyib. Bu, beynəlxalq hüquqa bir ləkədir. Bunun məsuliyyəti BMT-nin üzərinə düşür. Azərbaycanın işi haqq işidir. Biz gec-tez öz torpaqlarımızı işğaldan azad edəcəyik və təcavüz nəticəsində baş vermiş cinayətə görə Ermənistanın cinayətkar hərbi-siyasi rəhbərliyi cavab verməli olacaq".

Azərbaycan hərbçilərinin meyitləri ermənilər tərəfindən necə təhqir olunub...

"Cəbhə xəttində aprel hadisələri zamanı həlak olan Azərbaycan hərbçilərinin meyitləri ermənilər tərəfindən təhqir olunub". "Trend"in məlumatına görə, bunu hərbi prokurorun böyük köməkçisi, polkovnik Səfər Əhmədov dünən Milli Məclisdə keçirilən "Təmas xəttində son hadisələr: Beynəlxalq humanitar hüququn probemləri" adlı dinləmələrdə deyib.

O qeyd edib ki, Azərbaycan tərəfinə təhvil verilmiş hərbi qulluqçularımızın meyitlərinə baxış zamanı meyitlərin təhqir edildiyi məlum olub: "Onlar öldükdən sonra meyitləri üzərində təhqiramiz hərəkətə yol verilib. Məsələn, bir neçə hərbi qulluqçunun qulaq seyvanı kəsilib, gözü çıxarılıb, qarın boşluğu yarılıb".

S.Əhmədov bildirib ki, bununla bağlı Tərtər Hərbi Prokurorluğu tərəfindən cinayət işi başlanıb, hazırda istintaq aparılır: "Eyni zamanda 26-28 aprel tarixində Tərtər rayonu Əksipara kəndi atəşə tutulub. Kənd ərazisində pambıq sahəsində partlamamış top mərmisi aşkar edilib. Onun zəhərli, 122 mm çaplı top mərmisi olduğu üzə çıxıb. Cinayət işlərinin istintaqı davam etdirilir".

Aprel hadisələri ilə bağlı Azərbaycandan Avropa İnsan Hüquqları Məhkəməsinə 2 şikayət göndərilib

Aprel ayında erməni silahlı birləşmələrinin cəbhə xəttində törətdiyi cinayətlərlə bağlı artıq Avropa İnsan Haqları Məhkəməsinə ərizələr göndərilib. Bunu da Prezident Administrasiyasının Hüquq-mühafizə orqanları ilə iş şöbəsinin İnsan hüquqlarının müdafiəsi məsələləri sektorunun müdiri Çingiz Əsgərov dünən Milli Məclisdə keçirilən "Təmas xəttində son hadisələr: Beynəlxalq humanitar hüququn probemləri" adlı dinləmərdə deyib.

Onun sözlərinə görə, Avropa Məhkəməsinə artıq 2 şikayət göndərilib: "Avropa Məhkəməsi bu şikayətlərə baxmağa qərar verib".

PA rəsmisi qeyd edib ki, vətəndaşlar baş verən cinayətlərlə bağlı ərizələrlə müraciət edib: "Avropa Məhkəməsinə ərizələr vəkillər tərəfindən göndərilməlidir. Yaxın vaxtlarda bu şikayətlərlə bağlı kommunikasiya başlansa, Azərbaycan tərəfi müvafiq addımlar atacaq".

Ç.Əsgərov vəkillərdən əldə etdiyi məlumatlara əsasən bildirib ki, Ermənistan silahlı qüvvələri tərəfindən dağıdılmış evlərlə də bağlı Avropa Məhkəməsinə müraciətlər yaxın vaxtlarda göndəriləcək: "İnsanlar dəymiş ziyana, evlərinin dağılmasına görə Avropa Məhkəməsinə müraciət etməlidirlər, çünki Avropa Konvensiyasına görə onların hüquqları pozulub. Mən onları Avropa Məhkəməsinə müraciətlə bağlı ərizələr hazırlamağa dəvət edirəm".

Ermənilərin aprel təxribatı ilə bağlı 32 cinayət işi açılıb

"Ötən aprel ayında ermənilər tərəfindən mülki əhalinin qəsdən öldürülməsi, əmlakının məhv edilməsi ilə bağlı Tərtər, Ağdam, Füzuli, Ağcabədi prokurorluqlarında 32 cinayət işi açılıb".

Bunu isə Baş Prokurorluqda İstintaqa Nəzarət İdarəsinin rəisi Nazim Abbasov dünən Milli Məclisdə keçirilən "Təmas xəttində son hadisələr: Beynəlxalq humanitar hüququn probemləri" adlı dinləmələrdə deyib.

N.Abbasov deyib ki, 641 yaşayış evinə ziyan dəyib, dağılıb: "Ermənistan beynəlxalq humanitar hüquq normalarını pozub. 6 nəfərin ölümünə səbəb yaşayış məntəqələrinə atılmış mərmilər olub".

O deyib ki, sübutların toplanması istiqamətində işlər davam etdirilir.

Xəbər xidməti

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...