"Heydər Əliyev türk kökənli olmasaydı, Sovetlər Birliyinin baş katibi olacaqdı"

Tarix: 12.05.2016 / 02:50
Bölmə: Gündəm

Bişkekdə Heydər Əliyevin anadan olmasının 93 illiyi ilə bağlı beynəlxalq konfrans keçirildi...

Ulu Öndər Heydər Əliyevin anadan olmasının 93 illiyi münasibətilə Azərbaycan Respublikasının Qırğız Respublikasındakı Səfirliyi Qırğız-Türk "Manas" Universiteti ilə birgə "Heydər Əliyev: İstedad, Şəxsiyyət və Zaman" adlı beynəlxalq konfrans keçirib.

Beynəlxalq konfransda Türkiyə Respublikasının Qırğız Respublikasında fövqəladə və səlahiyyətli səfiri Mətin Kılıç, Qırğızıstanın ictimai-siyasi xadimləri, Universitetin rəhbərliyi və professor-müəllim heyəti, tələbələr, bu ölkədəki Azərbaycan diasporunun nümayəndələri, jurnalistlər iştirak edib.

Konfransın əvvəlində iştirakçılar universitetin foyesində ümummilli lider Heydər Əliyevin həyat və fəaliyyətlərini əks etdirən fotoşəkillərdən ibarət sərgiyə baxıblar.

Konfrans iştirakçıları aprel ayının əvvəlində Ermənistanın Azərbaycana qarşı növbəti təcavüzünün qarşısını almaq üçün şəhid olan zabit və əsgərlərin xatirəsini 1 dəqiqəlik sükutla yad ediblər.

Sonra Qırğızıstan, Türkiyə və Azərbaycan Dövlətlərinin himnləri səslənib.

Daha sonra Heydər Əliyev haqqında "Dahi şəxsiyyət" adlı sənədli film nümayiş etdirilib.

Tədbirin açılışın edən Qırğız-Türk "Manas" Universitetinin rektoru professor-doktor Səbahattin Balçı qeyd edib ki, 20-ci əsrdə böyük hadisələrin baş verdiyinin, fərqli-fərqli şəxslərin dünyada tanındığının, Sovetlər Birliyinin dağıldığının şahidi olmuşuq. Ancaq bütün türk dünyası üçün ən vacib sayılan insanlardan biri olan Heydər Əliyevi bütün dünya tanıdı.

Rektor Heydər Əliyevin Naxçıvan şəhərində sadə bir ailədə böyüdüyünü, karyerasını özünün qurduğunu vurğulayıb. S.Balçı Heydər Əliyevin türk kökü olan biri olmayacağı təqdirdə Sovetlər Birliyinin Baş katibi olacağına əmin olduğunu qeyd edib.

O deyib ki, Heydər Əliyev dünyanın nadir, unikal, seçilən siyasət adamı idi. Heydər Əliyev fenomeni, onun şəxsiyyətinin ucalığı, fövqəladə idarəçilik qabiliyyəti, yüksək intellekti nəticəsində dünyanın görkəmli siyasətçiləri və dövlət xadimləri arasında onun adı həmişə birincilər sırasında çəkilib.

Sonra Azərbaycanın Qırğızıstanda fövqəladə və səlahiyyətli səfiri Hidayət Orucov ümummilli lider Heydər Əliyevin şərəfli ömür yolu, Azərbaycanın tarixindəki müstəsna rolu haqqında məlumat verib. O, ulu öndərin həm keçmiş SSRİ dövründə, həm də müstəqillik illərində respublikamıza rəhbərlik etdiyi illərdə əldə olunan uğurlardan danışıb. Heydər Əliyevin keçmiş SSRİ-nin rəhbərlərindən biri olduğunu diqqətə çatdıran səfir mərhum prezidenti dünya şöhrətli siyasi xadim, böyük nüfuza malik olan dövlət xadimi kimi xarakterizə edib.

Bildirib ki, ulu öndər Heydər Əliyevin müstəqil Azərbaycan dövlətinin və dövlətçiliyinin möhkəmləndirilməsi istiqamətində müstəsna xidmətləri olub.

Ermənistan-Azərbaycan, Dağlıq Qarabağ münaqişəsinin sülh yolu ilə həlli istiqamətində Heydər Əliyevin təşəbbüslərindən danışan səfir deyib ki, BMT Təhlükəsizlik Şurası Ermənistan hərbi qüvvələrinin işğal olunmuş Azərbaycan torpaqlarından qeyd-şərtsiz çıxarılması, məcburi köçkünlərin ev-eşiklərinə qaytarılması ilə əlaqədar dörd qətnamə qəbul edib. Lakin işğalçı Ermənistan dövləti hələ də bu sənədləri yerinə yetirmir və bununla da dünya ictimaiyyətinə meydan oxuyur.

Səfir böyük dövlət xadimi Heydər Əliyevin qırğız xalqına da xüsusi diqqət və məhəbbət ilə yanaşdığını dilə gətirib.

Diplomat bildirib: "Ulu öndər Heydər Əliyev deyirdi: Manasın dili - bizim ümumi dilimizdir. Biz kökü bir, dili bir olan xalqlarıq".

Səfir beynəlxalq konfransın adında böyük həqiqətin dayandığını, ulu öndərin istedadı, şəxsiyyəti və zaman boyu fəaliyyəti tarixə düşdüyünü və hər dövrdə yeni nəsillər üçün misal olacağını xüsusilə qeyd edib.

Konransda çıxış edən Türkiyə Respublikasının Qırğız Respublikasında fövqəladə və səlahiyyətli səfiri Mətin Kılıç qeyd edib ki, Heydər Əliyevin Azərbaycan Respublikasının bərpasında və inkişafında böyük rolu olub. Heydər Əliyev bütün həyatını xalqına, vətəninə və dövlətinə xidmətə həsr edib.

Türkiyə səfiri ulu öndərin təhlükəsizlik xidmətinin rəhbəri olduğu vaxtlarda kasıb, sadə azərbaycanlılara köməklik etməsindən söz açaraq, belə şəxsiyyətin heç vaxt unudulmayacağını, hər zaman bütün türk dünyasının qəlbində yaşayacağını deyib.

Mətin Kılıç Heydər Əliyevin dediyi "bir millət, iki dövlət" gerçəyinin hər zaman qorunub saxlanacağını qeyd edib.

Sonra beynəlxalq konfrans panel mövzuları ilə davam edib. Panelə moderatorluğu Qırğız-Türk Manas Universitetinin Tarix fakültəsinin dekanı, professor-doktor Fahri Unan edib. Paneldə Universitetin Tarix fakültəsinin professorları Yunus Emre Gürbüz "Heydər Əliyev və Müstəqil Azərbaycanda yeri" və Ceenbek Alımbayev "Heydər Əliyev Siyasət Adamı" mövzularında məruzələr edib.

Sonra çıxış edənlər Qırğız Xalqı Assambleyasına daxil olan "Azəri" İctimai Birliyinin sədri Əzizağa Əliyev, Qırğız Respublikasının əməkdar inşaat xadimi, İkinci Dünya müharibəsi veteranı Əsəd Həsənov, Qırğızıstanın Kant şəhər Parlamentinin deputatı Rəhim Rəhimov və başqaları dahi rəhbər Heydər Əliyevin fenomen bir şəxsiyyət olmasından, onun təkcə Azərbaycan xalqı deyil, bütövlükdə türk dünyası qarşısındakı xidmətlərindən söhbət açıblar.

Xəbər xidməti

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...