Ermənistanın mülki azərbaycanlılara qarşı dəhşətli kimyəvi müharibəsi sübuta yetir

Tarix: 12.05.2016 / 00:08
Bölmə: Gündəm

Azərbaycandakı xarici hərbi attaşelər Ermənistanın qadağan olunmuş silahdan istifadəetmə faktı ilə yerində tanış oldular

Ramin Məmmədov: "Bu cür mərmilərin qəlpələri insanların bədənində dəhşətli yanıqlar əmələ gətirir"

"Fosforlu bombalardan istifadəni qadağan edən Cenevrə Konvensiyasının üçüncü protokolu mövcuddur"

Tərtər rayonunun cəbhəyanı Əskipara kəndi ərazisində beynəlxalq konvensiyalarla istifadəsi qadağan olunmuş kimyəvi tərkibli (ağ fosforlu) hərbi sursat aşkarlanıb.

Bu barədə Azərbaycan Respublikası Ərazilərinin Minalardan Təmizlənməsi üzrə Milli Agentliyin (ANAMA) mayın 10-da Tərtər, Füzuli, Ağcabədi və Goranboy rayonlarında aşkar olunan partlamamış hərbi sursatlar (PHS) haqqında yaydığı hesabatda bildirilir.

Hesabata əsasən, 10 may tarixində 4 ev və həyətyanı sahədə, 6 otlaq sahəsi daxil olmaqla, 12 partlayış yerinə baxış keçirilib, 2 ədəd (1 ədəd 122 mm-lik top mərmisi (ağ fosforlu) və 1 ədəd 152 mm-lik top mərmisi) partlamamış hərbi sursat aşkar edilib). Ağ fosforlu mərmi Tərtər rayonunun Əskipara kəndi ərazisində, digər mərmi isə rayonun Qarağacı kəndi ərazisində aşkarlanıb. Gün ərzində 42 884 kv.m. ərazi təmizlənib.

Ümumilikdə Agentlik tərəfindən 7 aprel-10 may 2016-cı il tarixlərində Zərdab, Tərtər, Ağcabədi, Ağdam, Füzuli, Goranboy, Tovuz, Samux, Şəmkir, Cəlilabad, Ucar rayonlarında və Bakı şəhərində 457 ev və həyətyanı sahə, 2 hərbi hissə, 2 kənd qəbiristanlığı, 3 kənd orta məktəbi, 1 tibb məntəqəsi, 12 ferma, əkin sahələri və 1 çaxır zavodu ərazisinə baxış keçirilib, 1 419 ədəd partlamamış hərbi sursat, 11 ədəd piyada əleyhinə mina (PM), 2 ədəd piyada əleyhinə POMZ-2 və 6 ədəd tank əleyhinə mina aşkar olunaraq zərərsizləşdirilib.

Xarici İşlər Nazirliyi və Müdafiə Nazirliyi tərəfindən Azərbaycanda akkreditə olunmuş hərbi attaşelərin cəbhə bölgəsinə səfəri təşkil olunub. Bu barədə XİN-in mətbuat katibi Hikmət Hacıyev bildirib. H.Hacıyev deyib ki, Azərbaycan Ərazilərinin Minalardan Təmizlənməsi üzrə Milli Agentlik (ANAMA) tərəfindən Tərtər rayonunun Əskipara kəndində Ermənistan silahı qüvvələri tərəfindən fosfor təyinatlı silahın istifadə olunması müəyyən edilib: "Bu da beynəlxalq konvensiyalarla qadağan olunmuş silahdır. Kifayət qədər təhlükəli xarakter daşıyır. Bu faktla əlaqədar olaraq XİN və Müdafiə Nazirliyi tərəfindən Azərbaycanda akkreditə olunmuş hərbi attaşelərin hadisə yerinə səfəri təşkil olunub".

Ermənilərin istifadə etdiyi fosfor təyinatlı silahlar nədir və onlar hansı keyfiyyətlərə malikdir?

Ehtiyatda olan hərbçi Ramin Məmmədovun sözlərinə görə, bununla ermənilər neçənci dəfədir beynəlxalq konvensiyalarla qadağan olunan silahlardan istifadə edir: "Xarici İşlər Nazirliyimiz çox gözəl addım atdı ki, ölkəmizdə akkreditə olunan bütün hərbi attaşeləri cəbhə bölgəsinə aparıb real vəziyyətlə tanış etdi. Onlar ermənilərin nə dərəcədə vəhşiləşdiyini və heç bir beynəlxalq konvensiyaya məhəl qoymadığını gözlərilə gördü. Ermənilər bundan əvvəl kasetli bombalardan istifadə edirdi. İndi də fosforlu silahlara keçiblər.

Fosforun təbiətdə 3 allotropik modifikasiyası bilinməkdədir: ağ, qara və qırmızı fosfor. Ağ fosfor zəhərlidir. Onu qızdırdıqda qırmızı fosfora çevrilir. Ağ fosfor atmosfer kislorodu ilə birləşdikdə yanğın əmələ gəlir və bu zaman istilik min dərəcəni keçir. Yanğın ağ tüstü ilə müşahidə edilir və fosforun və ya oksigenlə təmasın bitməsinə qədər davam edir. Ağ fosforun 0,05 qramı yetərlidir ki, insanı öldürsün. Bu kimyəvi silah insan orqaniziminə daxil olan kimi tez həll olur. Mədə-bağırsaq sisteminin fəaliyyətini dərhal sıradan çıxarır, ürək sisteminin fəaliyyətinə güclü təsir edir və insanda halsızlıq, tənginəfəslik yaradır. Bu təkcə fosfor məzmunlu bombaların tüstüsünün insanlara etdiyi təsirdir.

Bundan başqa, bu cür mərmilərin qəlpələri insanların bədənində dəhşətli yanıqlar əmələ gətirir. Mərminin qəlpələri hətta suda belə sönmür. Belə mərmilərin partlayışı nəticəsində insan bədəninin dərisi öz-özünə soyulur, yaralıları müalicə etmək isə mümkün olmur. Qeyd edək ki, fosforlu bombalardan istifadəni qadağan edən Cenevrə Konvensiyasının üçüncü protokolu mövcuddur".

Azərbaycandakı xarici hərbi attaşelər Ermənistanın qadağan olunmuş silahdan istifadəetmə faktı ilə yerində tanış oldular

Azərbaycan Ərazilərinin Minalardan Təmizlənməsi üzrə Milli Agentlik (ANAMA) tərəfindən Tərtər rayonunun Əskipara kəndində Ermənistan Silahı Qüvvələri tərəfindən fosfor təyinatlı silahın istifadə olunmasının müəyyən olunması faktı ilə əlaqədar Xariji İşlər Nazirliyi və Müdafiə Nazirliyi tərəfindən Azərbaycanda akkreditə olunmuş hərbi attaşelərin cəbhə bölgəsinə səfəri təşkil olunub.

XİN-in mətbuat katibi Hikmət Hacıyev "Trend"ə bildirib ki, fosfor təyinatlı silah beynəlxalq konvensiyalarla qadağan olunmuş silahdır: "Kifayət qədər təhlükəli xarakter daşıyır. Bu faktla əlaqədar olaraq XİN və Müdafiə Nazirliyi tərəfindən Azərbaycanda akkreditə olunmuş hərbi attaşelərin hadisə yerinə səfəri təşkil olunub...".

Nümayəndə heyətinin tərkibinə Almaniyanın Azərbaycandakı səfirliyinin təmsilçiləri də daxildir.

Qeyd edək ki, Almaniya bu il ATƏT-də sədrlik edir.

Azərbaycanda akkreditə olunmuş xariçi dövlətlərin hərbi attaşeləri Tərtər rayonuna gəliblər.

Hərbi attaşelər rayonun Əskipara kəndində olub və ermənilərin adıçəkilən kəndə kimyəvi tərkibli - ağ fosforlu hərbi sursat atması faktı ilə maraqlanıblar.

Azərbaycan və Ermənistan qoşunlarının təmas xəttində monitorinq keçirən ATƏT nümayəndələri də Tərtər rayonunun Əskipara kəndində ermənilərin atdığı, istifadəsi qadağan edilmiş top mərmisinin düşdüyü əraziyə gediblər.

APA-nın xəbərinə görə, ATƏT-in fəaliyyətdə olan sədrinin şəxsi nümayəndəsinin səhra köməkçiləri Xristo Xristov, Saymon Tiller və ATƏT-in fəaliyyətdə olan sədrinin Cənubi Qafqaz üzrə xüsusi nümayəndəsi Günter Baxler Azərbaycanda akkreditə olunmuş hərbi attaşelərlə birgə əraziyə baxış keçirir.

ATƏT-in fəaliyyətdə olan sədrinin şəxsi nümayəndəsinin mandatına uyğun olaraq Goranboy rayonu Tapqaraqoyunlu kəndinin qərbindən keçən Azərbaycan və Ermənistan qoşunlarının təmas xəttində monitorinq keçirən ATƏT nümayəndələri monitorinq başa çatandan sonra Tərtər rayonuna gediblər.

Hərbi attaşelər və diplomatlar Ermənistanın qadağan olunmuş silahdan istifadə etməsi ilə bağlı məlumatlandırılıb. Bununla da beynəlxalq ictimaiyyət Ermənistanın beynəlxalq konvensiyalarla qadağan olunmuş təhlükəli silahdan istifadə etmə faktı haqqında daha ətraflı məlumat əldə edib.

Xəbər xidməti

Məhəmmədəli QƏRİBLİ

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...