Ermənistandakı siyasi hakimiyyətin mahiyyəti barədə qeyri-adi qiymətləndirmə...

Tarix: 11.05.2016 / 02:45
Bölmə: Gündəm

Arzu Nağıyev: "Bütün bu biznes adamları da siyasi oyunlarda, birbaşa olmasa da, dolayı yollarla iştirak edir"

"Müxtəlif partiyalar, əsasən də millətçi partiyalar xarici xüsusi xidmət orqanlarından, diaspordan maddi vəsaitlər alır"

Son vaxtlar Ermənistanı idarə edən Sarkisyan rejiminə qarşı sərt fikirlər səsləndirilir. Həmin ölkənin daxili auditoriyası və xaricə edilən müraciətlərdə onlarla siyasətçi, sabiq məmur Ermənistanda dövlət adında nəyinsə olmadığını dilə gətirib.

Həmin fikirlərdə səsləndirilir ki, Ermənistan adlı dövlətdə siyasi sistem tamamilə çöküb və hakimiyyəti müəyyən biznes maraqları ətrafında bir araya gələn hərbi-siyasi xunta idarə edir.

Ermənistanın sabiq baş bankiri, iqtisadçı Baqrat Asatryan 4 günlük aprel müharibəsindən sonra ölkədəki ağır ictimai-siyasi və sosial-iqtisadi durumu təhlil edib. O mövcud durumun əsas səbəbi kimi Ermənistandakı korrupsioner-kriminal rejimin varlığını göstərib.

4 günlük savaşın dərslərindən söz açan ekspert öncə prezident Serj Sarkisyanın generalları işdən azad etməsinə münasibət bildirib: "Bu, "günah keçisi" axtarmağa bənzəyir. Çünki ölkədəki problemlər sistemli xarakter daşıyır. Bu sistem isə artıq köhnəlib, işləmir. Mən hərbi strukturlarla az təmasda oluram, ancaq hər dəfə tox generalların simasını görürəm. Buna dözmək artıq mümkün deyil. Biz hamımız yaxşı bilirik ki, əsgərin çörəyi, təhlükəsizliyi simvolikdir, hamımız bilirik ki, bütün bizim sistemimiz kimi, hamı korrupsiyalaşıb".

Onun sözlərinə görə, bu üzdən Ermənistanda ilk növbədə siyasi sistem dəyişməlidir: "İqtisadiyyat haqda deyilənlərin hamısı siyasi həyata da aiddir. Bu sahədə də mütləq monopoliya mövcuddur: hakimiyyəti qəsb edən qüvvə yaxına heç kimi buraxmır. Bilirik ki, ölkədə seçkilər zorakılığın, gücün, "məhəllə uşaqlarının", pulun hesabına keçirilir. Yəni siyasi mühitdə rəqabətlilik istisnadır. Ən böyük rüsvayçılıq isə bizim parlamentdir. Belə prinsiplərlə formalaşan parlament lazım deyil. Onun əsasında da korrupsiya, pul dayanır. Əks halda başa düşmək olmur ki, heç bir iş görməyən, heç nə etməyən konkret adamlar orada necə peyda olub. Ölkədə piramida sistemi qurulub. Bu sistemdə də yalnız bir nəfər fikirləşə bilər, qalanlarının düşünmək hüququ yoxdur. Bizim problemimiz var, lakin birinci şəxs onlar haqda danışmasa, başqalarının danışması məqbul sayılmır".

Sabiq baş bankir daha sonra deyib: "Biz indi başa düşmüşük ki, Ermənistan Respublikasının adını gözdən salmışıq. Biz hətta aşkar hallarda öz səsimizi də itirmişik. Hətta 4 günlük aprel müharibəsindən sonra da hakimiyyətin problemlərə münasibəti dəyişməyib. Ona görə ki, hakimiyyətin özü dəyişməyib. Yadıma gəlmir ki, o günlərdə hansısa məmur əsaslı və dəqiq bir bəyanat versin. Onların hamısı gözləyirdi ki, görək birinci şəxs nə deyəcək. Halbuki, bizim parlamentimiz, hökumətimiz var, onların hər biri müdaxilə etməli idi. Ancaq cınqırları da çıxmadı".

Bu, Ermənistanın daxilində səslənən fikirlərdir. Belə üsulla idarə edilən, dövlət adında nəyinsə olmadığı bir ölkə ilə Dağlıq Qarabağın gələcək taleyinin müəyyənləşdirilməsi bizə nə vəd edir?

Təhlükəsizlik məsələləri üzrə ekspert Arzu Nağıyev qəzetimizə açıqlamasında bildirdi ki, bu gün Ermənistan iqtisadiyyatının doxsan faizi Rusiya tərəfindən idarə edilir: "Yəni belə bir şəraitda iqtisadi tərəqqidən söhbət belə gedə bilməz. Müxtəlif yollarla külli miqdarda vəsait qazanan biznesmenlər də təbii ki, Rusiya ilə birbaşa əlaqələri olan şəxslərdir. Misal kimi sabiq prezident Köçəryanın Rusiya banklarında idarə heyətinin üzvü və ya sərmayə sahibi olmasını göstərmək olar. Elə də digərləri haqda belə misallar var. Bütün bu biznes adamları da siyasi oyunlarda, birbaşa olmasa da, dolayı yollarla iştirak edir. Müxtəlif partiyalar, əsasən də millətçi partiyalar, o cümlədən "Daşnaksutyun" və digərləri xarici xüsusi xidmət orqanlarından, diaspordan maddi vəsaitlər alır. Sarkisyan və onun cinayətkar komandası isə məhz "Qarabağ klanı" olaraq Dağlıq Qarabağ ərazisində törətdikləri çoxsaylı cinayətlər hesabına və "DQR"ə müstəqillik söz verdikdən sonra hakimiyyəti zəbt edib. Bu gün, nəyin bahasına olursa-olsun, onlar çalışır ki, Dağlıq Qarabağ münaqişəsi həll edilməsin və status-kvonu saxlamaqla hakimiyyətlərinin ömrünü uzatsınlar, digər halda, onların müqəddəratı acı sonluqla yekunlaşa bilər. Məhz belə bir vəziyyətdə onların son güman yeri Rusiyadır. Buna görə də münaqişənin həlli istiqamətində atılan hər bir addımda Rusiyanın dəst-xətti və rolu görünür. Bir sözlə, bu gün Ermənistan bir dövlət kimi yoxdur, Rusiyanın vassalı kimi çıxış edir. Azərbaycanın və ümumiyyətlə beynəlxalq aləmin də işini çətinləşdirən amil budur. Deməli, hər hansı bir danışıqda ermənilər deyil, onların sahibi ilə razılaşmaq lazımdır...".

Məhəmmədəli QƏRİBLİ

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...