Azərbaycanın gələcəyinə vahid münasibət - ictimai dominant mövqedədir...

Tarix: 11.05.2016 / 02:57
Bölmə: Gündəm

Qulu İsmayılov: "QHT-lər, siyasi partiyalar, hətta sadə vətəndaşların qanunvericiliyə yenilik, islahatlarla bağlı innovativ ideyalar təşəbbüsü dövlət tərəfindən normal qarşılanır və həmin istiqamətlərə önəm verilir"

"Aşağılardan gələn bütün istəklər də təmin olunduğu üçün inkişaf modelimizlə bağlı heç bir fikir ayrılığı yoxdur"

"1993-2003-cü illərdə Azərbaycanda dövlət quruculuğu prosesi uğurla getmişdir, dövlətin əsasları qoyulmuşdur. Məhz buna görə biz həmişə deyirik ki, Heydər Əliyev müstəqil Azərbaycanın banisidir".

Bu sözləri Prezident İlham Əliyev 9 may Qələbə günü ilə bağlı təşkil edilən tədbirdə söyləyib: "Hər dəfə o tarixi yada salaraq, təəssüf hissi ilə qeyd edirik ki, əgər müstəqilliyimizin ilk illərindən Heydər Əliyev hakimiyyətdə olsaydı, bizim ölkəmiz Dağlıq Qarabağ problemi ilə üzləşməzdi. O heç vaxt imkan verməzdi ki, orada separatçılar baş qaldırsınlar. Heç vaxt imkan verməzdi ki, xalqımıza qarşı bu qanlı cinayət törədilsin".

Prezident qeyd edib ki, müstəqilliyimizin ilk illərində baş vermiş hadisələr bizə çox baha başa gəlib: "O hadisələri yada salarkən bir daha görürük ki, bu gün Azərbaycan, sözün əsl mənasında, inkişaf yolundadır. Bu gün Azərbaycan müstəqil dövlət kimi özünü dünya miqyasında təsdiqləyib. Müstəqilliyə gedən yol, bax, qeyd etdiyim hadisələrdən başlamışdır.

2003-cü ildən sonra Heydər Əliyev siyasəti Azərbaycanda davam etdirilir. Bu siyasətin alternativi yoxdur. Son illərin təcrübəsi onu göstərir ki, ölkəmiz və xalqımız yalnız bu yolla qabağa gedə bilər. Biz ulu öndərin siyasi irsinə sadiqik, onun siyasətini davam etdiririk, zənginləşdiririk. Təbii ki, vəziyyət dəyişir, dünya dəyişir. Bu gün bölgədə yaşanan hadisələr, problemlər o vaxt mövcud deyildi. Biz bütün çağırışlara hazırıq. Azərbaycan Heydər Əliyev siyasətini zənginləşdirir, müasir dövrün çağırışlarını nəzərə alaraq bu dövrə uyğunlaşdırır, ancaq ümumi siyasi xətdən kənara çıxmır. Bizim siyasi xəttimiz müstəqilliyin möhkəmlənməsidir. Bu gün Azərbaycan dünya miqyasında müstəqil siyasət aparan ölkələrdən biridir. Son illərin tarixi bunu bir neçə dəfə sübut etmişdir".

Daha sonar dövlət başçısı Azərbaycanın inkişafına aparan yoldan danışıb: "Azərbaycanda vətəndaş cəmiyyəti formalaşıb. Cəmiyyət vahid amal uğrunda birləşib. Azərbaycanın gələcək inkişafı ilə bağlı, inkişafa gedən yollarla bağlı cəmiyyətdə heç bir fikir ayrılığı yoxdur. Xalq-iqtidar birliyi bu gün bizim inkişafımızın əsas şərtidir, sabitliyimizin əsas amilidir. İctimai-siyasi sabitlik göydən düşmür. Buna nail olmaq üçün düşünülmüş siyasət aparılmalıdır. O siyasət ki, xalqın tələblərinə, ümidlərinə cavab verir".

Azərbaycanın gələcək inkişafına aid mövzuda cəmiyyətdə heç bir fikir ayrılığının olmaması ilə bağlı ölkə başçısının səsləndirdiyi fikri necə anlamaq olar?

İqtisadçı Qulu İsmayılov qəzetimizə açıqlamasında bildirdi ki, bu fikir təsadüfən səsləndirilməyib: "Azərbaycan dinamik şəkildə inkişaf edən bir ölkədir. Məhz sizin dediyiniz çıxışında İlham Əliyev bir sıra iqtisadi mövzulara aid fikirlər səsləndirib. O bildirib ki, Azərbaycanın bütün istiqamətləri əhatə edən inkişaf konsepsiyaları var. Doğrudan da ölkənin inkişafı ilə bağlı proqram xarakterli tədbirlərin həyata keçirilməsinin şahidi oluruq. Bizim inkişafımızı başlıca şərtləndirən amillərdən biri neft idi. Həmin məhsulun qiyməti dünya bazarında bir neçə dəfə ucuzlaşsa da, Azərbaycan iqtisadiyyatına ciddi təsiri olmayıb. Əksinə, əməkhaqları və pensiyalarda artım müşahidə edilir. Azərbaycan yenə də mühüm beynəlxalq tədbirlərə ev sahibliyi edir. İnfrastruktur layihələrimizin maliyyələşməsi davam edir, müharibə şəraitində olan ölkə kimi zəruri xərclərimizi tam şəkildə qarşılaya bilirik. Bütün bunlar iqtisadi inkişafın dayanıqlığından xəbər verir. Azərbaycanın gələcək inkişafını şərtləndirən proqram və konsepsiyaların böyük uğur vəd etdiyini anlayan cəmiyyətimiz həmin ideyaları əksər hallarda dəstəkləyir. Cəmiyyətimiz hökumətin bu sahədə apardığı uğurlu siyasəti dəstəkləməkdən başqa nəsə axtarmaq istəmir. Çünki Azərbaycan hakimiyyəti bu inkişafa səbəb olan ideyalara daim böyük diqqət bəsləyir. QHT-lər, siyasi partiyalar, hətta sadə vətəndaşların qanunvericiliyə yenilik, islahatlarla bağlı innovativ ideyalar təşəbbüsü dövlət tərəfindən normal qarşılanır və həmin istiqamətlərə önəm verilir. Aşağılardan gələn bütün istəklər də təmin olunduğu üçün inkişaf modelimizlə bağlı heç bir fikir ayrılığı yoxdur".

Məhəmmədəli QƏRİBLİ

DİGƏR XƏBƏRLƏR

Tarix: 10.05.2026 / 11:58

Qeyri-adi yetənəyi ilə məşhurlar siyahısına düşən soydaşımız - Günay Həsənova

Tarix: 09.05.2026 / 06:39

Bu gün QƏLƏBƏ günüdür

Tarix: 09.05.2026 / 06:14

İran BMT-yə çağırış etdi - “ABŞ-ı qınayın”…

Tarix: 09.05.2026 / 06:04

Trampı tabutda təsvir etdi, altına “kaş ki…” yazdı - Ağ Ev şokda…

Tarix: 06.05.2026 / 14:30

Türk Dünyasında İnteqrasiya və Texnoloji dönüş: Bakıda strategiya və qardaşlıq vurğusu

Tarix: 06.05.2026 / 08:39

Meloni “deepfake”i “təhlükəli silah” adlandırdı - zarafatından da qalmadı

Tarix: 06.05.2026 / 08:29

Pentaqonun delfin-kamikadzeləri? - Hegseth inkar etmədi…

Tarix: 06.05.2026 / 08:09

Moskva Qələbəni “İD məğlubiyyəti” ilə keçirəcək - İnternetsiz…

Tarix: 06.05.2026 / 07:56

ABŞ müharibəyə “qaldığı yerdən” davam edəcək - İranla danışıqlar uğursuz olarsa…

Tarix: 06.05.2026 / 07:41

İran BƏƏ-yə hücum iddialarını rədd edir - "dağıdıcı və təəssüf doğuran cavab" gündəmdə…

Tarix: 05.05.2026 / 21:37

Arxiyepiskop tərəfdarları səsini Makrona çatdıra bilmədi - Gümrüdə…

Tarix: 04.05.2026 / 17:22

Tenderlərin MMC-lər arasında şübhəli "ötür-ötürü" ölkəni bürüyüb - Bakı İH nümunəsi...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.05.2026 / 17:38

Prezident İlham Əliyev və Mehriban Əliyeva Şükürbəyli kəndinə köçən sakinlərlə görüşdü - FOTO/YENİLƏNDİ

Tarix: 07.05.2026 / 22:18

Gürcüstanla Rusiya Zəngəzur dəhlizinə alternativ hazırlayır - qonşumuzdan yeni davranış...

Tarix: 07.05.2026 / 17:18

Azərbaycandan keçən yollar Avrasiyada müharibələrdən təsirlənməyən yeganə marşrut oldu...

“Böyük qayıdış” müasir şəhərsalma mədəniyyətinə böyük töhfələr verir...