Açıq hökumət tərəfdarları İdarə Komitəsinin Azərbaycanla bağlı qeyri-adekvat qərarı...

Tarix: 06.05.2016 / 00:05
Bölmə: Gündəm

Mahir Həsənov: "Azərbaycan hakimiyyəti bundan artıq nə etməlidir?"

"Biz bu sayaq halların təkrarlanmamasını istəyirik və arzu edirik ki, AHT kimi beynəlxalq qurumlar sifarişli qərarlar verməkdən əl çəksin"

Azərbaycana qarşı növbəti qeyri-obyektiv mövqe ortaya qoyulub. Obyektivlikdən uzaq olan bir qurum verdiyi son qərarı ilə aprelin 28-də Azərbaycan Prezidenti İlham Əliyevin "Açıq hökumətin təşviqinə dair 2016-2018-ci illər üçün Milli Fəaliyyət Planı"nın təsdiq edilməsi haqqında imzaladığı Sərəncama kölgə salmaq istəyib.

Belə ki, Açıq Hökumət Tərəfdaşlığının İdarəetmə Komitəsi çərşənbə günü Azərbaycanın bu layihədə iştirakını "qeyri-aktiv" edib.

Komitə bildirib ki, qeyri-hökumət təşkilatlarının fəaliyyəti üçün Azərbaycanda "həll olunmamış maneələr" üzündən belə bir qərar verməli olub.

Hökumət və vətəndaş cəmiyyəti nümayəndələrindən ibarət komitə nazirlər səviyyəsində Keyptaunda keçirilən görüşdə bu qərarı verib.

"Azərbaycan hökumətinin vətəndaş cəmiyyəti təşkilatları tərəfindən qaldırılmış narahatlıqlara cavab vermək üçün maksimum bir il vaxtı olacaq", - komitənin bəyanatında deyilir.

Qeyri-aktiv statusla Azərbaycan "AHT seçkilərində səs verə bilməyəcək və AHT tədbirlərində yalnız müşahidəçi kimi, öyrənmə məqsədilə iştirak edə biləcək".

AHT hökumətlərin şəffaflıq, vətəndaşlara səlahiyyətlər verilməsi, korrupsiya ilə mübarizə, idarəetmənin güclənməsi üçün yeni texnologiyaların tətbiqini tələb edən çoxtərəfli təşəbbüsdür. AHT 2011-ci ilin sentyabrında yaradılıb və onun təsisçiləri arasında ABŞ və Britaniya da var.

Təşkilatın bu qərarını necə qiymətləndirmək olar?

Bir halda ki, Azərbaycan Prezidenti elə bu günlərdə Açıq hökumətin təşviqinə dair Milli Plan imzalayıb və bu istiqamətdə ardıcıl addımlar atılır.

Sosial məsələlər üzrə ekspert Mahir Həsənov qəzetimizə bildirdi ki, beynəlxalq qurumun gəldiyi son rəy tamamilə qərəzlidir: "Biz belə hallarla çox rastlaşmışıq. Əsasən də ölkəmizin nüfuzunun qalxdığı, mötəbər beynəlxalq tədbirlərə ev sahibliyi etmək istədiyi zamanda belə hallar çox yaşanır. Sanki ənənəvi metodla nəyəsə nail olmağa çalışırlar. Bəllidir ki, dünyada fəaliyyət göstərən əksər beynəlxalq qurumların böyük dövlətlərlə sıx əlaqəsi var. Bəzən bu cür qarayaxmalar həmin dövlətlərin maraqlarını ifadə edir. AHT adlı bir qurumun Azərbaycana qarşı irəli sürdüyü arqument tamamilə əsassızdır. Hətta mən deyərdim ki, böhtan xarakteri daşıyır. Azərbaycanda Açıq Hökumətlə bağlı işlərin pis vəziyyətdə olduğunu iddia edirlər. Tamamilə absurddur. Çünki bir müddət əvvəl açıq hökumət prinsiplərinin tətbiqinin genişləndirilməsi, korrupsiyanın qarşısının alınması üzrə yeni mexanizmlərin tətbiqi, vətəndaş cəmiyyəti institutlarının fəaliyyətinin və ictimai nəzarətin gücləndirilməsi, sahibkarların hüquqlarının müdafiəsi, "Açıq hökumətin təşviqinə dair 2012-2015-ci illər üçün Milli Fəaliyyət Planı" və "Korrupsiyaya qarşı mübarizəyə dair 2012-2015-ci illər üçün Milli Fəaliyyət Planı" çərçivəsində həyata keçirilən tədbirlərin davamlılığının təmin edilməsi məqsədilə "Açıq hökumətin təşviqinə dair 2016-2018-ci illər üçün Milli Fəaliyyət Planı" təsdiq edilir.

Azərbaycan hakimiyyəti bundan artıq nə etməlidir? Biz bu sayaq halların təkrarlanmamasını istəyirik və arzu edirik ki, AHT kimi beynəlxalq qurumlar sifarişli qərarlar verməkdən əl çəksin".

Məhəmmədəli QƏRİBLİ

DİGƏR XƏBƏRLƏR

Tarix: 10.05.2026 / 11:58

Qeyri-adi yetənəyi ilə məşhurlar siyahısına düşən soydaşımız - Günay Həsənova

Tarix: 09.05.2026 / 06:39

Bu gün QƏLƏBƏ günüdür

Tarix: 09.05.2026 / 06:14

İran BMT-yə çağırış etdi - “ABŞ-ı qınayın”…

Tarix: 09.05.2026 / 06:04

Trampı tabutda təsvir etdi, altına “kaş ki…” yazdı - Ağ Ev şokda…

Tarix: 06.05.2026 / 14:30

Türk Dünyasında İnteqrasiya və Texnoloji dönüş: Bakıda strategiya və qardaşlıq vurğusu

Tarix: 06.05.2026 / 08:39

Meloni “deepfake”i “təhlükəli silah” adlandırdı - zarafatından da qalmadı

Tarix: 06.05.2026 / 08:29

Pentaqonun delfin-kamikadzeləri? - Hegseth inkar etmədi…

Tarix: 06.05.2026 / 08:09

Moskva Qələbəni “İD məğlubiyyəti” ilə keçirəcək - İnternetsiz…

Tarix: 06.05.2026 / 07:56

ABŞ müharibəyə “qaldığı yerdən” davam edəcək - İranla danışıqlar uğursuz olarsa…

Tarix: 06.05.2026 / 07:41

İran BƏƏ-yə hücum iddialarını rədd edir - "dağıdıcı və təəssüf doğuran cavab" gündəmdə…

Tarix: 05.05.2026 / 21:37

Arxiyepiskop tərəfdarları səsini Makrona çatdıra bilmədi - Gümrüdə…

Tarix: 04.05.2026 / 17:22

Tenderlərin MMC-lər arasında şübhəli "ötür-ötürü" ölkəni bürüyüb - Bakı İH nümunəsi...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.05.2026 / 17:38

Prezident İlham Əliyev və Mehriban Əliyeva Şükürbəyli kəndinə köçən sakinlərlə görüşdü - FOTO/YENİLƏNDİ

Tarix: 07.05.2026 / 22:18

Gürcüstanla Rusiya Zəngəzur dəhlizinə alternativ hazırlayır - qonşumuzdan yeni davranış...

Tarix: 07.05.2026 / 17:18

Azərbaycandan keçən yollar Avrasiyada müharibələrdən təsirlənməyən yeganə marşrut oldu...

“Böyük qayıdış” müasir şəhərsalma mədəniyyətinə böyük töhfələr verir...