Həlak olmuş hərbçilərə rəsmi dövlət ehtiramının məzmunu dəyişdirildi...

Tarix: 06.05.2016 / 00:24
Bölmə: Gündəm

Üzeyir Cəfərov: "Hesab edirəm ki, bu, dövlətin öz müdafiəsinə, əsgərinə verdiyi ən böyük qiymətlərdən biridir"

"Bundan sonra şəhidlərlə bağlı hərbi hissə komandirlərinin verdiyi sənəd önəmli olacaq"

Nazirlər Kabineti "Azərbaycan Respublikasının vəfat etmiş (həlak olmuş) vətəndaşlarına hərbi ehtiram göstərilməsi ilə bağlı Azərbaycan Respublikası Dövlət bayrağının istifadəsi Qaydaları"nda dəyişiklik edib. Qaydaya əsasən, hərbi ehtiram göstərilən zaman tabut Azərbaycan Respublikasının Dövlət bayrağı ilə örtülür.

Cənazə məzara qoyulmamışdan əvvəl Azərbaycan Respublikasının Dövlət bayrağı fəxri qarovulun rəisi tərəfindən götürülür, fəxri qarovul üzvlərinin iştirakı ilə, aypara və səkkizguşəli ulduz təsviri yuxarıda olmaqla, düzbucaqlı üçbucaq şəklində qatlanır.

Dəfn mərasiminin yekununda dəfn komissiyasının rəhbəri, komissiya yaradılmadıqda isə fəxri qarovulun rəisi Azərbaycan Respublikasının Dövlət bayrağını mərhumun ailə üzvlərindən birinə təqdim edir.

Qaydaya əsasən, indiyə qədər Azərbaycan Respublikasının və Naxçıvan Muxtar Respublikasının dövlət hakimiyyəti ali orqanlarının rəhbərləri, ali hərbi rütbələrə malik olan şəxslər, "Azərbaycan Respublikasının Milli Qəhrəmanı" fəxri adı ilə və "Şah İsmayıl" Azərbaycan Respublikasının ali hərbi ordeni ilə təltif olunmuş şəxslər vəfat etdikdə (həlak olduqda), döyüş şəraitində döyüş əməliyyatlarında iştirak edən şəxslər həlak olduqda onlara müvafiq qanunvericiliklə müəyyən olunmuş qaydada hərbi ehtiram göstərilib.

Dəyişikliyə əsasən, artıq tək döyüş şəraitində döyüş əməliyyatlarında iştirak edən şəxslər həlak olduqda deyil, hərbi xidmət vəzifələrinin icrası ilə əlaqədar hərbi qulluqçular və toplanışa çağırılmış hərbi vəzifəlilər vəfat etdikdə (həlak olduqda) onlara hərbi ehtiram göstəriləcək.

Sözügedən məsələ ilə bağlı fikirlərini "Bakı-Xəbər"lə bölüşən hərbi ekspert Üzeyir Cəfərov buna müsbət prizmadan yanaşdı: "Son vaxtlar əhalidə ordu ilə bağlı ruh yüksəkliyini Nazirlər Kabineti bir qədər də zənginləşdirdi. İndiyə qədər şəhidlərin dəfn mərasimləri onsuz da yüksək səviyyədə keçirilirdi. Bundan sonra isə ümumiyyətlə xidməti vəzifələrin icrası ilə əlaqədar müəyyən vəzifələrin yerinə yetirilməsi ilə bağlı dünyasın dəyişənlər yüksək ehtiramla dəfn olunacaq. Onların dəfni dövlət hesabına həyata keçiriləcək. Dəfn mərasimində şəxsi heyətin nümayəndələri iştirak edəcək. Mərasimin sonunda onların xidməti vəzifələri ilə əlaqədar həlak olması ilə bağlı Dövlət bayrağı, müvafiq sənədlər onların valideynlərinə təqdim olunacaq. Bu cür qərarın verilməsi əlbəttə ki, yaxşı haldır. Digər tərəfdən, bir məqamı da qeyd edim ki, bundan sonra şəhidlərlə bağlı hərbi hissə komandirlərinin verdiyi sənəd önəmli olacaq. Çünki Nazirlər Kabineti bununla bağlı iki önəmli qərar qəbul edib. Həmin qərarlarda da açıq şəkildə göstərilib ki, bundan sonra hərbi hissə rəhbərliyinin verdiyi sənədlər vacib sənədlər kimi götürüləcək. Bir sözlə, bu qərarın verilməsi mütərəqqidir və alqışlanasıdır. Hesab edirəm ki, bu, dövlətin öz müdafiəsinə, əsgərinə verdiyi ən böyük qiymətlərdən biridir".

Vidadi ORDAHALLI

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...