Hidayət Orucov Qırğız PA rəsmisi ilə görüşdə Azərbaycanın əsas problemindən danışdı

Tarix: 14.04.2016 / 01:32
Bölmə: Gündəm

2016-cı ilin aprel ayının 13-də Qırğız Respublikası Prezident Aparatı rəhbərinin müavini, Aparatın Beynəlxalq əlaqələr şöbəsinin müdiri Sapar İsakovla Azərbaycan Respublikasının Qırğız Respublikasında Fövqəladə və Səlahiyyətli səfiri Hidayət Orucov arasında görüş keçirilib.

Görüşün əvvəlində Qırğız Respublikası Prezident Aparatı rəhbərinin müavini son günlər Ermənistan-Azərbaycan dövlət sərhədində və qoşunların təmas xəttində müxtəlif istiqamətlərində atəşkəs rejiminin pozulmasından çox narahat olduqlarını bildirib.

Səfir Azərbaycan Respublikasının Ermənistan-Azərbaycan Dağlıq Qarabağ münaqişəsinin tənzimlənməsi üzrə danışıqlar prosesində ölkənin ərazi bütövlüyü, suverenliyi çərçivəsində iştirak etdiyini bildirib. Lakin Ermənistan qeyri-konstruktiv mövqedən çıxış edərək, sülh prosesinə mane olmağa yönəldilmiş siyasətini davam etdirir və son günlər Azərbaycan-Ermənistan qoşunlarının təmas xəttində baş verən gərginliyin növbəti belə addım olduğunu qeyd edib.

Hidayət Orucov deyib ki, Azərbaycan Respublikası Xarici İşlər Nazirliyi tərəfindən ATƏT-in Minsk Qrupunun həmsədr ölkələrinə, həmçinin bütün beynəlxalq təşkilatların diqqətinə çatdırılıb ki Ermənistan tərəfindən atəşkəs pozulduqda layiqincə cavablandırılacaq.

Səfir qeyd edib ki, indiyədək Dağlıq Qarabağ bölgəsi və yeddi ətraf rayonları - Azərbaycan ərazisinin 20%-i Ermənistan silahlı qüvvələrinin işğalı altındadır və bir milyondan artıq insan öz evlərindən məcburi olaraq qaçqın və məcburi köçkün düşüb.

Bildirib ki, BMT Təhlükəsizlik Şurası Dağlıq Qarabağın və ətraf rayonların işğaldan azad olunması ilə bağlı dörd qətnamə qəbul edib, amma bu günə kimi hələ də Ermənistan tərəfindən yerinə yetirilmir.

Səfir xüsusilə qeyd edib ki, Azərbaycan bu münaqişənin sülh yolu ilə həll olunmasının tərafdarıdır, amma Ermənistan bilməlidir ki, hər bir xalq işğala nə vaxta qədərsə dözə bilər və biz öz ərazi bütövlüyümüzü qoruyacaq, işğalçı qoşunlar Azərbaycan ərazisini tərk etməyincə təcavüzə qarşı hər vasitə ilə mübarizə aparacaq. Aprel ayının 2-5-də Ermənistan bizim hərbi gücümüzün şahidi oldu, əsgərlərimizin necə Vətən, Torpaq uğrunda igidcəsinə döyüşdüyünü gördü.

Görüş zamanı tərəflər ölkələr üçün mühüm olan müxtəlif sahələrdə əlaqələrin perspektivləri haqqında müzakirələr aparıb.

Səfir bildirib ki, Azərbaycanın və Qırğızstanın liderləri tərəfindən ölkələrimizarası əməkdaşlığın inkişafına böyük maraq göstərildiyinə görə müxtəlif sahələrdə əlaqələrin möhkəmləndirilməsi müşahidə olunur. Son üç il ərzində həm Bişkekdə, həm Bakıda çoxlu mühüm tədbirlər keçirilib, Azərbaycan həqiqətlərinin Qırğızstanda və Qırğızıstan həqiqətlərinin Azərbaycanda daha yaxından tanıdılması üçün güclü iş aparılıb. Bununla belə, ölkələrarası əməkdaşlığın inkişafı üçün böyük istifadə edilməmiş potensial mövcuddur.

Sapar İsakov deyilənlərlə razılaşaraq, son illər ərzində ölkələr arasında əməkdaşlığın inkişafında Azərbaycanın Qırğızıstanda Səfirliyinin rolunu xüsusilə qeyd edib. Azərbaycanın nailiyyətləri haqqında danışaraq, ölkələrarası müxtəlif sahələrdə əməkdaşlığın genişləndirilməsi, xüsusilə iqtisadi sahədə birgə layihələrin həyata keçirilməsində Qırğızıstan tərəfinin maraqlı olduğunu vurğulayıb.

Görüşdə iki ölkə arasında dostluq münasibətlərinin inkişafından razı qaldıqları bildirilib, dövlət başçıları və müxtəlif strukturlar arasında görüşlərin keçirilməsi yüksək qiymətləndirilib. Bu cür əlaqələrin mövcud siyasi, iqtisadi, mədəni münasibətlərin tərəqqisi üçün yeni imkanların açılmasına yardımçı olması haqqında söhbət aparılıb.

Sonra S.İsakov qeyd edib ki, 2016-cı ilin sentyabr ayının 3-dən - 10-dək İssık-Kulda "II Ümumdünya köcərilər oyunları" keçiriləcək.

Səfir isə bildirib ki, Azərbaycan Respublikasından, "I Ümumdünya köçərilər oyunları"nda olduğu kimi, bu yarışlarda da böyük nümayəndə heyəti iştirak edəcək.

S.İsakov isə öz növbəsində qeyd edib ki, Azərbaycan və Qırğızıstan xalqları qardaş xalqlardır və ölkələrimiz arasında münasibətlər daimi olaraq inkişaf etməkdədir.

Səfir qeyd edib ki, münasibətlərimizin inkişafı ölkə başçılarımızın maraq dairəsindədir.

Görüşdə qarşılıqlı maraq doğuran digər məsələlər də müzakirə olunub.

Xəbər xidməti

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...