Bakıda "milli bayraqların satışında" inanılmaz canlanma...

Tarix: 09.04.2016 / 02:22
Bölmə: Gündəm

Zahid Oruc: "İndi qalib şəhidlərin qanı hesabına bayrağımızın qiyməti qalxıb"

İlqar Hüseynli: "İnsanların acısı və ya sevinci üzərində qazanc əldə etmək doğru olmayan hərəkətdir"

Dörd günlük Qarabağ savaşında əsgərlərimizin şücaəti müqabilində iki kəndin və önəmli döyüş mövqelərinin ələ keçirilməsi cəmiyyətdə ruh yüksəkliyi yaradıb. Döyüş bölgəsində vuruşan əsgərlərə dəstək olmaq məqsədilə paytaxt və rayonlarda aksiyalar keçirildi.

Aksiyada iştirak edənlər əllərində Azərbaycan bayrağını tutub. Tək aksiya iştirakçıları deyil, eyni zamanda, bir çox vətəndaşımız bayrağımızı ya idarə etdiyi avtomobilinə sancıb, ya eyvanından asıb, ya da yolda gəzərkən əlində tutur.

Təbii ki, məlum hadisələrlə bağlı olaraq hər kəs öz vətənpərvərliyini göstərmək üçün bayraq almaq istəyir. Belə olan halda, bayraq satışı artır.

Məlumatlara görə, artıq bayraq satılan dükanlarda milli atributumuz tapılmır. Bəzi dükanlar vəziyyətdən istifadə edib bayraqların satış qiymətini qaldırıb.

Qeyd edək ki, son hadisələrə qədər eni 50, uzunluğu 100 sm. olan bayrağın qiyməti 3-4 manat arasında dəyişirdisə, hazırda qiymətlər yarıbayarı qalxaraq 5-7 manatadır.

Ümumiyyətlə, ölçüsündən asılı olmayaraq, bayraqların satış qiyməti məlum hadisələrdən sonra artıb.

Bayraqların satış qiymətinin süni şəkildə qaldırılmasına millət vəkili Zahid Oruc öz facebook səhifəsində belə yanaşıb: "Vətənin dəyəri, torpağın müqəddəsliyi onu yenidən qazanmaqla ölçüldüyündən, indi hər şeyin mənası dəyişir və əhəmiyyəti artır. Yəqin, sadəcə, materialına çəkilən xərcin hesabına istehsalçı şirkətlər son durumdan yararlanmaq istəyib. Əlbəttə, qoy olsun. Məğlubiyyət hətta ən dəyərli varlığı belə gözdən salır, heçə çevirir. İndi qalib şəhidlərin qanı hesabına bayrağımızın qiyməti qalxıb. Onu uca edən və yüz minlərlə oğlumuza-qızımıza sevdirən də bax budur.

Sezar hər zaman bayrağı əsgərlərə özü ilə aparmağı əmr edərdi. Yəqin qanlı döyüşlərə atılan cəngavərlərin gücünü artıran kətan parçanın nə qədər möhkəm zireh olduğunu qüdrətli imperator da yaxşı bilirmiş. Tarix bayraqları bələk və kəfən etməklə ona ikili tale yaşadıb. Amma bayraqlar heç zaman ölmür və basdırılmır. Yalnız insan övladı başlanğıcdan sona qədər bir libası geyinə bilir. Bəxtəvər o adamın başına ki, son mənzilə yola düşərkən üstünə bayraq çəkilsin. İndi özünüz hesablayın, son geyimin qiyməti neçəyədir?

Görürsünüz, ərəb dünyasındakı münaqişələrin nəticəsi Nyu-York birjalarında necə tez hiss olunur? Çünki müharibələri aparan tanklar, toplar iqtisadiyyatın da əsas çəkici qüvvələridir. Qan və neftin qiymətini sinxronlaşdıranlara isə Azərbaycan əsgəri fərqli bir reallıq təklif etdi. Qoy hər zaman torpağa tökülən insan qanı milli ruhun simvolu olan bayraqların qiymətini qaldırsın!

"İlahi Təpə" dediyiniz o yüksəkliyə hansı qiymətə bayraq alıb sancmaq istərdiniz?".

Sosial sahə üzrə ekspert İlqar Hüseynli bizimlə söhbətində qeyd etdi ki, bayrağın qiymətinin qaldırılması insanların mənəvi ehtiyaclarına dayanan məsələdir: "Xatırladım ki, 1990-cı ildə 20 Yanvar hadisəsi baş verən zaman Bakı kəndləri tonlarla qərənfili şəhərə pulsuz gətirdilər. Amma indi bəzi işbazlar bayrağın qiymətini qaldırıb. İnsanların acısı və ya sevinci üzərində qazanc əldə etmək doğru olmayan hərəkətdir. Nəzərə almaq lazımdır ki, gələcəkdə bizim saysız sayda sevincli günlərimiz olacaq. Hər sevincli günlərimizdən istifadə edənlər dövlət atributunun satış qiymətini süni şəkildə qaldıracaqsa, biz o insanlara necə baxaq?".

Həmsöhbətimiz hesab edir ki, bayrağın satış qiymətinin süni şəkildə qaldırılmasına aidiyyəti qurumlar nəzarət etməlidir. Antiinhisar Komissiya bu məsələdə sərt mövqe ortaya qoymalıdır.

İ.Hüseynlinin fikrincə, dövlət atributlarının satışı xüsusi məkanlarda olmalıdır. Atributların harada gəldi satılması düzgün deyil.

Günel CƏLİLOVA

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...