"ASAN xidmət"dəki "Əsgərə məktublar" cəmiyyətdəki yüksək ruhun daha bir ifadəsi kimi...

Tarix: 08.04.2016 / 00:30
Bölmə: Gündəm

Könül Vaqifqızı: "Əsgərə məktub" layihəsi döyüşçülərimizdə yalnız ruh yüksəkliyinə səbəb ola bilər"

"Döyüş bölgəsində olan hərbçi tanımadığı bir ananın ona yazdığı məktubu oxuyacaq və o gəncin təsəvvüründə öncə öz anası canlanacaq və silaha iki əllə sarılacaq"

"Əziz qardaşım, səni tanımasan belə, sən də bu vətənin bir oğlusan. Biz sənin sayəndə burada rahat yaşayırıq.

Möhkəm ol, yenilmə! Biz sənin qələbə qazanacağına inanırıq!". "Salam, əsgər! Necə olduğunu soruşmuram. Əminəm ki, əlasan! Vətənin keşiyində dayanan şəxsin əhval-ruhiyyəsi başqa cür ola da bilməz!". Bu kimi məzmunlu məktublar Azərbaycan Silahlı Qüvvələrinin əsgərlərinə göstərdiyi möhkəm iradəyə görə dəstək üçün "ASAN Könüllüləri"nin "Əsgərə məktub!" layihəsi çərçivəsində yazılıb.

Hər bir Azərbaycan vətəndaşı "ASAN xidmət" mərkəzlərində ayrılmış xüsusi məntəqələrə yaxınlaşaraq əsgərlərimizə öz mənəvi dəstəyini göstərə bilər.

Xalqımızın birliyini simvolizə edən toplanan bütün məktublar cəbhə bölgəsində döyüşən əsgərlərimizə çatdırılacaq.

"ASAN Könüllüləri" Təşkilatı bəyan edir ki, könüllülərimizin bu təşəbbüsü hər bir vətəndaş tərəfindən dəstək görəcək və ölkəmizin qazanacağı böyük qələbəyə kiçik bir töhfə olacaq.

Azərbaycan Silahlı Qüvvələrinin əsgərlərinə mənəvi dəstək xarakterli bu kimi layihələrin keçirilməsi təqdirəlayiqdir.

Psixoloq Könül Vaqifqızı bizimlə söhbətində qeyd etdi ki, hazırda cəbhə bölgəsində vətənin keşiyini çəkən hərbçilərə dəstək olmaq hər bir Azərbaycan vətəndaşının borcudur: "Biz burada sakit otururuqsa, bunu igid döyüşçülərimizə borcluyuq. Ali məktəblərdə təhsil alan gənclərimiz, o cümlədən orta məktəb şagirdləri belə cəbhədə döyüşən hərbçilərimizə dəstək olmaq xarakterli mitinqlər keçirdilər. Və onların səsləndirdiyi "Bu gün bütün Azərbaycan Qarabağdır, hər kəs qarabağlıdır" tipli şüarlar şəxsən məni kövrəltdi. Mən də qarabağlıyam və doğma yurdumdan didərgin düşmüşəm. Hər kəs kimi mən də doğulduğum doğma torpağa - Laçına getmək arzusundayam".

Həmsöhbətimiz bildirdi ki, "ASAN xidmət" mərkəzlərində "Əsgərə məktub" adlı yeni bir kampaniyaya start verilib. Yaşından və cinsindən asılı olmayaraq hər bir kəs adıçəkilən mərkəzə yaxınlaşıb əsgərə məktub yaza bilər: "Bu layihə əsgərlərimizi daha da ruhlandıracaq. Təsəvvür edin, döyüş bölgəsində olan hərbçi tanımadığı bir ananın ona yazdığı məktubu oxuyur. Təbii ki, o məktubda ruhlandırıcı sözlər yazılacaq. Elə bir məktubu oxuyan gəncin təsəvvüründə ilk öncə öz anası canlanacaq və silaha iki əllə sarılacaq. Psixoloq kimi deyə bilərəm ki, əsgərlərə məktubların göndərilməsi döyüşçülərimizdə ruh yüksəkliyinə səbəb olacaq və onların özünə inamını daha da artıracaq".

Günel CƏLİLOVA

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...