Dünyanın Qarabağda status-kvoya münasibəti kardinal şəkildə dəyişməyə başlayıb

Tarix: 08.04.2016 / 00:28
Bölmə: Gündəm

Azad İsazadə: "Son hərbi əməliyyatlar Qarabağ münaqişəsində status-kvonu dəyişdirdi"

"Bu vəziyyət danışıqlar prosesinin canlandırılmasına yardım edir"

Azərbaycan vətəndaşı artıq neçə gündür qalibiyyət hissini yaşayır. Bu qalibiyyəti bizə daim arxalandığımız ordumuz, torpaq üçün canını fəda edən igid oğullarımız yaşadıb. Son günlər yaşananlar torpaqlarımızın erməni işğalından tam şəkildə təmizlənərək azad olunacağı günün elə də uzaqda olmadığını göstərdi.

Azərbaycan sübut etdi ki, münaqişənin qan tökülmədən, sülh yolu ilə həllinin tərəfdarı olsa da, özünün hərbi gücü ilə hər şeyə qadir ola bilər.

Aprelin 2-dən 5-dək həyata keçirdiyi əməliyyatlarla işğalçı Ermənistan ordusunun mövqelərinə sarsıdıcı zərbə endirən Azərbaycan Ordusu strateji yüksəklikləri ələ keçirdi, düşməni isə həm canlı qüvvə, həm də texnika baxımından ağır itkilərə məruz qoyaraq, onu panik şəkildə geri çəkilməyə məcbur etdi. Ordunun elə ilk həmlələrindən qorxan ermənilər artıq kəndləri boşaldır və digər yerlərə köçürlər. Bu əməliyyatlar həm də sərhədyanı zonada, təmas xəttinin yaxınlığında yerləşən yaşayış məntəqələrimizi ermənilərin daimi təxribatından qurtarıb, ermənilərin intensiv atəşləri altında öz gündəlik həyatını yaşamağa məcbur edilmiş dinc əhalimizin ən əsas hüququ - təhlükəsiz şəkildə yaşaması təmin edilib.

ATƏT-in Minsk Qrupu, beynəlxalq aləm həm də əmin oldu ki, Ermənistan-Azərbaycan, Dağlıq Qarabağ münaqişəsi dondurulmuş münaqişə deyil, hansısa məqamda böyük insan tələfatına səbəb ola biləcək hərbi əməliyyatların başlanması tam realdır. Buna görə də Minsk Qrupu mövcud status-kvonun davam edə bilməyəcəyi qənaətindədir və bu fikir açıq deyilir.

Bütün bunlar status-kvonun yaxşılığa doğru dəyişməsinə nə dərəcədə təsir göstərə bilər?

Sözügedən məsələni dəyərləndirən hərbi ekspert Azad İsazadənin fikrincə, cəbhədə barışıq təkcə qoşunların təmas xəttində dəyişikliyi müəyyən etmədi, həm də münaqişənin özündə status-kvonu müəyyən etdi: "Hərbi üstünlüyə nail olunması təkcə qoşunların irəliləmə məsafəsi ilə ölçülmür, mühüm strateji yüksəkliklərin tutulması ilə ölçülür. Azərbaycan Ordusu Qarabağın şimalında və cənubunda bəzi strateji yüksəklikləri tutaraq möhkəmlənə bildi ki, bu da geniş ərazilərə nəzarət etməyə imkan verir. Bundan əlavə, bu yüksəkliklər Azərbaycanın bəzi yaşayış məntəqələrinin təhlükəsiz olmasına imkan verir. Son hərbi əməliyyatlar Qarabağ münaqişəsində status-kvonu dəyişdirdi. Bu illər ərzində erməni tərəfi bəyan edirdi ki, Azərbaycan cəbhədə mövcud durumu dəyişməyə qadir deyil. Bu, danışıqlarda erməni tərəfə üstünlük verirdi və erməni tərəfi də inadkarlıq nümayiş etdirirdi. Bu gün Azərbaycan bu vəziyyəti dəyişərək göstərdi ki, müstəqil, geriyə baxmadan hərbi əməliyyatlar keçirə bilər və uğur qazanar. Ermənilərin keçilməz müdafiəsi var və Azərbaycan heç zaman vəziyyəti öz xeyrinə dəyişdirə bilməz kimi mif dağıldı. Hərbi əməliyyatlar Azərbaycanın hərbi potensialının 20 il bundan öncəkindən daha güclü olduğunu göstərdi. Rusiyanın neytrallığı şəraitində - bu günlərdə Moskva həqiqətən neytral mövqe tutdu - Azərbaycan öz ərazilərinin güc yolu ilə azad olunması məsələsini tam həll edə bilər. Bu vəziyyət danışıqlar prosesinin canlandırılmasına yardım edir".

Vidadi ORDAHALLI

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...