Qələbə sənin, Qələbə bizim, Qələbə Vətənindir, Azərbaycan Əsgəri!

Tarix: 07.04.2016 / 02:24
Bölmə: Gündəm

Biz son vaxtlar belə ürəkdən sevinməmişdik. Ötən bu üç-dörd gün ərzində böyük bir millət olduğumuzu bizlərə yenidən anladan ordumuzun gücü, qətiyyəti və qələbə əzmi ilə itirilmiş torpaqlarımız uğrunda döyüşlərdə düşmənə sarsıdıcı zərbələr vurması hər birimizi toparlanmağa, həmrəy olmağa səslədi.

Can verən ümidlər, sabaha olan inam hissi hər kəsin dilində bircə sözə-"Biz torpaqlarımızı geri qaytarmağa, hər birimiz əsgər olmağa hazırıq" nidasına çevirildi. Keçən hər an, hər dəqiqə, hər saat cəbhədən xoş xəbərlər eşitmək üçün hamılıqla intizarla gözlədik.

Biz hələ belə ürəkdən sevinməmişdik. Bu sevinci sən bizə bəxş elədin, Vətənimin mərd oğlu, Azərbaycan Əsgəri! Düşmən Kəlbəcərin işğalı günündə sənin vüqarını əzmək, ruhunu öldürmək üçün hücuma keçəndə Sənin onu darmadağın etmək üçün illərlə gözlədiyindən xəbərsiz idi. O elə bilirdi ki, torpağında səngərə sığınan, səngərdən işğal olunmuş yurduna-yuvasına həsrətlə baxan oğulların ruhu sarsılıb, döyüş əzmi ölüb. Düşmən elə bilirdi ki, Azərbaycan Əsgəri papağı günə yandırır...

Addım-addım, qarış-qarış qanın bahasına alınan Vətən torpağında qanı torpağa hopmuş mərd oğullarımızın müqəddəs ruhunun necə sevndiyini yalnız sən hiss edə bilərdin, Azərbaycan Əsgəri. Xocalıda, Kəlbəcərdə, Qaradağlıda soyqırıma məruz qalan körpələrin, anaların, bacıların dağlara, daşlara həkk olunmuş fəryadı sən düşməni qanına bələdiyin gün göy üzündə sevincindən yallı getdi bəlkə də.

Anamız torpağı yazın nəfəsi deyil, sənin nərən, sənin səsin oyatdı.

Ötən illər çox şey aldı bizdən. Vətən, yurd-yuva nisgili ilə dünyasını dəyişənləri elə dərdinə, kədərinə büküb dəfn etdik. İllər öncə çadırda doğulan, çadırda böyüyən körpələr artıq həsrətimizlə yaşıddı, boyları dərdimizdən uzundu. Onlara indi yurd-yuva salmaq üçün Vətən, torpaq lazımdır...

"Başını itirmiş düşmən özünə havadar axtarır, dünyanı ayağa qaldırıb Azərbaycan bizi məhv edir",- deyib hay-həşir salır. Bu onların köhnə adətidir. Tərəflər atəşi dayandırsın deyənlər erməniyə Azərbaycan torpaqlarından "çıx" demək əvəzinə bizi suçlamaq istəyirlər. Qanı tökülən, yurdu-yuvası talan olunan da biz, haqsız olan da? Bu, dünyanın görünməyən üzünün görünən tərəfidir artıq. Bu həm də o deməkdir ki, gərək güclü olasan. Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyev Təhlükəsilik Şurasının iclasında da belə dedi: "Mən bir daha demək istəyirəm ki, Azərbaycanın prinsipial mövqeyi var. Bizim ərazi bütövlüyümüz danışıqlar mövzusu deyil, olmayıb və heç vaxt olmayacaqdır. Bu münaqişə ölkəmizin ərazi bütövlüyü çərçivəsində öz həllini tapmalıdır. Bunun başqa yolu yoxdur. O ki, qaldı Dağlıq Qarabağda yaşayan erməni əhalisinə, onlar gələcəkdə Azərbaycan vətəndaşları kimi Azərbaycanda rahat yaşaya bilərlər. Azərbaycan çoxmillətli, çoxkonfessiyalı ölkədir. Azərbaycan bir çox ölkələr üçün nümunədir, multikulturalizm məkanıdır, tolerantlıq diyarıdır.

Bütün münaqişələr öz həllini bir prinsip əsasında tapmalıdır. Xalqların öz müqəddəratını təyinetmə prinsipi ölkələrin ərazi bütövlüyünü pozmamalıdır və Helsinki Yekun Aktı məhz bunu diktə edir. Ona görə bir daha demək istəyirəm ki, biz münaqişənin həlli ilə bağlı öz prinsipial mövqeyimizdən dönməyəcəyik. Bununla bərabər, biz danışıqlara sadiqik, bundan sonra da çalışacağıq ki, bu münaqişə sülh yolu ilə öz həllini tapsın. Bununla bərabər, biz ordumuzun gücünü daha da artıracağıq. Ona görə artıracağıq ki, bax, bu təxribatlar, erməni təxribatları cavabsız qalmasın. Hesab edirəm ki, bu gün - aprelin 2-si onlar üçün yaxşı dərs olacaqdır..."

Sənin hər addımın, hər atdığın güllə böyük qələbədən xəbər verir, Azərbaycan Əsgəri! Möhkəm ol, mətin ol, səngərdə bir şəhidin yerini yüzlərlə oğul tutacaq, buna inan və bunu unutma.

Hələ qarşıda may ayı var. Şuşanın işğal günü var. Bu tarixi də unutmayaq. Təqvimin hər günündə bir şəhid vermişik bu torpaq uğrunda. Elə bir ay yoxdur ki, həmin ayda torpağımız işğal olunmasın. İndi itirilənləri geri qaytarmağın zamanıdır. Dəniz kənarında dalğalanan dev bayrağımız sənin əlinlə Şuşaya sancılmalıdır. Dayansan, dayansaq bu fürsət əldən gedəcək, zamanı itirəcəyik.

Bəsdir, başıaşağı, gözü nəmli, dili qəmli gəzdik. Dünya xəritəsində kiçik görünməyimizə baxma, Vətən oğlu, biz Böyük Azərbaycanı yenidən qurmalıyıq və onu qorumalıyıq. Cənab Prezidentimizin rəhbərliyi altında qururuq da, qoruyuruq da. Qələbə sənin, Qələbə bizim, Qələbə Vətənindir, Azərbaycan Əsgəri!

Hafiz Təmirov, polis mayoru

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...