Prezidentin 2014-cü il "cəbhə sərəncamının" iki il sonrakı nəticələri...

Tarix: 07.04.2016 / 01:17
Bölmə: Gündəm

Həsən Yusifli: "Sənədin siyasi əhəmiyyəti ondan ibarətdir ki, Qarabağ məsələsində Azərbaycanın mövqeyi qətiyyətli və birmənalıdır"

"Hesab edirəm ki, ölkə başçısının imzaladığı həmin sərəncamın xeyrini son proseslərdə gördük"

Cəbhədə yaranan gərginlikdə, kiçik istisnalar olmaqla, ümumilikdə mediamız özünü qənaətbəxş apardı. Bu razılıq müxtəlif rəsmilərin dilindən də səsləndirilib. Eyni zamanda, Mətbuat Şurası da əvvəlkilərlə müqayisədə yerli medianın ölçülü-biçili davranışından razılıq ifadə edib.

Şübhəsiz ki, bu məsələdə Azərbaycan Prezidenti cənab İlham Əliyevin "Azərbaycan Respublikası Silahlı Qüvvələrinin Ermənistan Respublikası Silahlı Qüvvələri ilə təmas xəttində bəzi təhlükəsizlik tədbirləri haqqında" imzaladığı 2014-cü il 24 sentyabr tarixli Sərəncamının xüsusi önəmi olub. Bu barədə ekspertlər nə düşünür?

Ekspert Həsən Yusifli qəzetimizə bildirdi ki, məlum sərəncam siyasi və hərbi baxımdan böyük əhəmiyyət kəsb edir: "Sənədin siyasi əhəmiyyəti ondan ibarətdir ki, Qarabağ məsələsində Azərbaycanın mövqeyi qətiyyətli və birmənalıdır. Ermənistan-Azərbaycan münaqişəsinin həlli ilə bağlı sülh danışıqlarının getməsinə baxmayaraq, cəbhədəki son gərginlik problemin çox ciddi olduğunu bir daha göstərdi. Proseslər onu deməyə əsas verir ki, danışıqlar öz bəhrəsini verməsə, ölkəmizin ərazi bütövlüyü təmin olunmasa, Azərbaycan beynəlxalq hüquqa söykənərək hərbi yolla torpaqlarını işğaldan azad edəcək. Dövlət başçısının sərəncamının hərbi baxımdan əhəmiyyətinə gəlincə, qeyd edim ki, sənəddə mühüm məsələlər nəzərdə tutulur. Əhalinin cəbhə bölgəsində sayıqlığını artırmaq üçün könüllülərdən ibarət patrul dəstələrinin formalaşdırılması çox əhəmiyyətlidir. Çünki, bəzi hallarda, erməni hərbi birləşmələri dinc əhalini hədəfə alır. Bunun nəticəsində öz təsərrüfatında çalışan insanlar, hətta uşaqlar da həlak olur. Bu hallar bütövlükdə Azərbaycan ictimaiyyətini narahat edir. Fikrimcə, sərəncamın bu hissəsi həmin problemlərin qarşısını almağa yönəldi. Çünki əhalinin özü artıq müdafiə prosesində könüllü iştiraka can atırdı.

Eyni zamanda, bu sənəd müharibə şəraitində olan ölkənin əhalisinin bu şəraitə daha yaxşı hazırlığını gücləndirməyə xidmət etdi.

Hazırda Azərbaycanın müdafiə imkanları artıb, iqtisadiyyatımız güclənib, geopolitik durum çox dəyişib. Ona görə də biz 1990-cı illərin əvvəlində qəbul olunmuş bir çox qanunlara yenidən baxmalıyıq.

Cəbhə bölgəsi ilə əlaqədar kütləvi informasiya vasitələrində yayılan informasiyalar da həssas məsələdir. Bununla əlaqədar ölkə Prezidentinin sərəncamında mühüm məqamlar əksini tapır. Hələ bir müddət öncə Azərbaycan Prezidenti Administrasiyasının rəhbəri, akademik Ramiz Mehdiyevin yanında dövlət qurumlarının mətbuat xidmətinin rəhbərləri və KİV təmsilçiləri ilə keçirilən toplantıda kütləvi informasiya vasitələrində, sosial şəbəkələrdə cəbhə bölgəsi ilə bağlı qanunların imkan verdiyi çərçivədə məlumatların yayılması tövsiyə edilmişdi. Çünki bir sıra məlumatlar düşmən tərəfindən istifadə oluna bilər. Hesab edirəm ki, ölkə başçısının imzaladığı həmin sərəncamın xeyrini son proseslərdə gördük".

Məhəmmədəli QƏRİBLİ

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...