Azərbaycanlı qadınların "Cəbhə batalyonları"...

Tarix: 06.04.2016 / 01:52
Bölmə: Gündəm

Növrəstə Yusifova: "Qadınlardan ibarət batalyon yaradıla bilər"

Mehriban Zeynalova: "Qadın batalyonunun hazırkı situasiyada yaradılması siyasi baxımdan düzgün deyil və bu, düşmən tərəfindən birmənalı qarşılanmaz"

Hazırda cəbhə bölgəsində Qarabağ uğrunda döyüş gedir. Əsgərlərimiz işğal altında olan torpaqların geri alınması istiqamətində mübarizə aparır.

Cəbhə bölgəsində olmayan hər bir kəsin tək düşüncəsi döyüşçülərimizin sağ-salamat torpaqları işğaldan azad etməsidir. Hətta bir qrup qadın cəbhə bölgəsinə gedib döyüşçülərə kömək etmək istəyir.

Tərtər rayonunda yaşayan qadınlar Rayon İcra Hakimiyyəti başçısına düşmənlə döyüşə hazır olduğunu bildirib. Qadınlar icra başçısı Müstəqim Məmmədova silahla təmin olunması üçün müraciət edib. İcra başçısı torpaqlarımızı müdafiə edən güclü peşəkar ordumuzun olduğunu deyib, qadınları döyüşə göndərməyə ehtiyac olmadığını bildirib.

Qadın sosial şəbəkə istifadəçiləri də döyüşə getməyə hazır olduqlarını bəyan edir. Hətta belə bir təklif irəli sürürlər ki, qadınlardan ibarət batalyon yaradılsın.

Qadınlardan ibarət batalyonun yaradılmasına münasibət fərqli oldu. 1992-1993-cü illərdə Qarabağ uğrunda gedən döyüşlərdə iştirak edən snayperçi qadın, Qarabağ Əlilləri və Veteranları Cəmiyyətinin sədri Növrəstə Yusifova "Bakı-Xəbər"ə açıqlamasında qeyd etdi ki, o hər zaman döyüşdə iştirak etməyə hazırdır: "Xatırladım ki, 1992-ci ildə də Qarabağ uğrunda gedən döyüşlərdə iştirak etmişəm. Döyüşdə olarkən tək istəyim ön cəbhədə olan döyüşçülərə kömək etmək və dəstək olmaq olub". Snayperçi qadının dediyinə görə, qadınlardan ibarət batalyon yaradılmasına pis baxmır: "Qadın və ya kişi fərqi yoxdur, insan hər bir şeyi bacarmalıdır. İstər qadın, istərsə də kişi olsun, həyatın bütün çətinliklərinə, əzab-əziyyətinə qatlaşmalı, həyat yolunda təkbaşına addımlamağı bacarmalıdır. Təbii, istərdim ki, Azərbaycanda qadınlardan ibarət batalyon yaradılsın. Qadınlarımız əsgəri xidmətə çağırılsın. Torpağımızın qorunub mühafizəsində onların da rolu olsun". N.Yusifova bildirdi ki, Azərbaycan qadınları çox əzmkar, mərd və döyüşkəndir. Azərbaycanın ərazi bütövlüyü uğrunda müharibəyə, torpaqlarımızın ermənilərdən müdafiəsinə qadınlarımız da öz töhfələrini verib: "Milli qəhrəmanlardan Salatın Əsgərova və Gültəkin Əsgərovanın adını çəkə bilərəm. Mən Qarabağ müharibəsində könüllü iştirak etmək üçün müraciət etmişdim. O vaxt böyük çətinliklərdən sonra məni döyüş bölgəsinə yolladılar".

"Təmiz Dünya" Qadınlara Yardım İctimai Birliyinin sədri Mehriban Zeynalova qadın batalyonunun yaradılmasının hələ 1992-ci ildə gündəmdə olmasını dilə gətirdi: "O vaxt bu məsələ çox aktual idi. Hətta orduya könüllü olaraq qadınlar yazıldı. Həmin vaxt ordu da çox zəif idi, formalaşmamışdı. Orduda qadın olması təbii ki, yaxşıdır. Əslində bu bir az da ruhlandırıcı xarakter daşıyır. Dünya miqyasında qadın snayperlər var ki, heç də kişilərdən geri qalmır. Amma ayrıca batalyonun yaradılması və könüllü kimi cəlb edilməsi elə də vacib olan məsələ deyil. Əslində bu, ruhlandırıcı və ideoloji xarakter daşıyır, amma indiki vəziyyətdə bu o qədər də önəmli deyil. Bu həm də siyasi məsələdir. Qadınlar o vaxt müharibəyə gedir ki, artıq müharibədə ağır itkilər var və döyüş üçün adam tapmırlar, çox çətindir. Şükür ki, Azərbaycanda bu problem yoxdur".

M.Zeynalovanın sözlərinə görə, orduda qadınların xidməti qanunvericilikdə də yer alıb: "Əvvəl orduya kifayət qədər qadın gedirdi və müəyyən sahələrdə onlar iştirak edirdilər. Amma xüsusi qadın batalyonunun hazırkı situasiyada yaradılması siyasi baxımdan da yanlış addım olar və bu, düşmən tərəfindən birmənalı qarşılanmaz. İnformasiya müharibəsində bu məsələ bizim əleyhimizə işləyə bilər".

Günel CƏLİLOVA

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...