Ermənilərin 23 ildə möhkəmləndirdiyi mövqeləri bir anda qaytarmaq - hərbi güc fərqlərinin real nümayişi...

Tarix: 06.04.2016 / 02:39
Bölmə: Gündəm

Üzeyir Cəfərov: "Bütün bunlar onu göstərdi ki, erməni ordusu və qurduqları müdafiə xətti bir mifdir"

"İstənilən halda, işğalçı tərəf çox ağır zərbə aldı"

Aprelin 2-dən bu günə qədər Ermənistan silahlı birləşmələrinin cəbhənin təmas xəttindəki təxribatlarının qarşısının alınması nəticəsində düşmənin 350-dən artıq hərbi qulluqçusu, 15 tankı, 12 zirehli texnika və 15 artilleriya qurğusu məhv edilib.

Qeyd edək ki, aprelin 2-nə keçən gecə və gün ərzində bütün cəbhə boyu mövqelərimiz və yaşayış məntəqələrimiz düşmən tərəfindən intensiv atəşə məruz qalıb. Bunun nəticəsində mülki əhali arasında ölən və yaralananlar olub. Bu təxribatın qarşısının alınması, mülki əhalinin təhlükəsizliyinin təmin olunması məqsədilə Silahlı Qüvvələrimizin komandanlığı tərəfindən Ağdərə-Tərtər-Ağdam və Xocavənd-Füzuli istiqamətlərində cavab tədbirlərinin görülməsi barədə qərar qəbul edilib.

Daha sonra Ermənistan silahlı qüvvələrinin işğal olunmuş ərazilərdə fəaliyyət göstərən komanda-qərargah məntəqəsi qoşunlarımızın vurduğu dəqiq cavab atəşi ilə darmadağın edilib. Düşmənin çoxlu sayda hərbi qulluqçusu - polkovnik və general rütbəli zabitləri də zərbə nəticəsində məhv edilib.

Onu da qeyd edək ki, 1994-cü ilin mayında atəşkəs imzalanandan sonra 23 il idi işğalçıların qurduğu müdafiə xətti barədə müxtəlif fərziyyələr irəli sürülürdü. Müxtəlif xarici ekspertlər bəyan edirdilər ki, torpaqlar işğal edildikdən sonra yüksəkliklər ermənilərin əlində olduğu üçün onlar bu müddət ərzində güclü müdafiə xətti yaradıblar. O üzdən, guya cəbhə xəttini yarıb nəticə əldə etmək olmaz və s. Ancaq Azərbaycan Ordusunun əks-hücumu bütün bu mifi darmadağın etdi. O baxımdan Azərbaycan Ordusunun bu qələbəsi nə deməkdir?

Məsələyə münasibət bildirən hərbi ekspert Üzeyir Cəfərovun sözlərinə görə, son döyüşlər göstərdi ki, müasir texnologiyalar dövründə insan əli hər şeyə qadirdir: "Düşmənin nə cür səngər yaratmasının elə bir əhəmiyyəti yoxdur. Belə ki, uzun illər idi erməni tərəfi bununla bağlı boş mif yaratmışdı. Müxtəlif nağıllar uydururdular ki, müdafiə xətti keçilməzdir və s. Azərbaycan əsgəri çox qısa bir müddətdə cəbhənin bir neçə istiqamətində xətti yararaq, Azərbaycan xalqına sevinc hissləri bəxş etdi. Bunun davamı olacaq. Yaxın saatlarda Müdafiə Nazirliyi bəzi məlumatları verəcək. İstənilən halda, erməni tərəfi çox ağır zərbə aldı. İndiyə kimi orduları barəsində yazdıqları heçə endi. Məlum oldu ki, Ermənistan ordusu döyüşmək istəmir. Hətta məsələ o yerə gəlib çatıb ki, xidmətdən boyun qaçırdığı üçün 17 əsgəri güllələyiblər. Meyitləri döyüş meydanında qoyub qaçıblar. Ona görə də bütün bunlar onu göstərdi ki, erməni ordusu və qurduqları müdafiə xətti bir mifdir. Həmin mif haçansa dağılmalı idi. Azərbaycan Ordusu nəyə qadir olduğunu bir daha göstərdi. Bütün bunlar ordunun rəşadətinin göstəricisidir. Belə ki, bunun belə olacağı gözlənilən idi".

Vidadi ORDAHALLI

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...