Ermənilər mülki azərbaycanlıların qətliamını ötən gün də davam etdirdilər...

Tarix: 06.04.2016 / 01:21
Bölmə: Gündəm

Ağdamın kəndi atəşə tutuldu, üç ev dağıldı, yaralı var

Erməni silahlı qüvvələri Ağdamın cəbhə xəttindən xeyli uzaqda yerləşən Üçoğlan kəndini reaktiv artilleriyadan və toplardan atəşə tutub. APA-nın Qarabağ bürosunun əməkdaşının verdiyi xəbərə görə, atəş nəticəsində kənd sakinlərindən Bəxtiyar Bəhmən oğlu İbrahimovun evi tamamilə yanıb.

Kənd sakini Bəylər Köçəri oğlu Əkbərov və Ədalət Kamran oğlu Məhərrəmovun evlərinin dam örtüyü və həyətlərindəki tikililər isə dağılıb.

Hadisə nəticəsində Ədalət Məhərrəmovun bacısı qızı, 16 yaşlı Pakizə Məhərrəmli baş nahiyəsindən yaralanıb. P.Məhərrəmli Ağdam Mərkəzi rayon Xəstəxanasına çatdırılıb.

Ermənilər Azərbaycan FHN-in əməkdaşını da yaraladı

Erməni silahlı qüvvələrinin atəşi nəticəsində bir yanğınsöndürən yaralanıb.

APA-nın Qarabağ bürosunun məlumatına görə, yaralananlardan biri Fövqəladə Hallar Nazirliyinin Ağdan Dövlət Yanğından Mühafizə Xidmətinin əməkdaşı Akif Mustafayev olub.

O, Ağdamın Əfətli ərazi nümayəndəliyinin Qaradağlı kəndini ermənilərin iri çaplı silahlardan atəşə tutması nəticəsində evlərdə baş vermiş yanğını söndürən zaman top mərmisindən yaralanıb.

Qarın boşluğundan xəsarət almış A.Mustafayev Ağdam Mərkəzi rayon Xəstəxanasına yerləşdirilib və onun üzərində cərrahiyyə əməliyyatı aparılıb.

Orta Qərvənddə daha iki dinc sakin yaralanıb

Erməni silahlı qüvvələrinin atəşi nəticəsində Azərbaycanın daha 2 dinc sakini yaralanıb.

APA-nın Qarabağ bürosunun məlumatına görə, dünən axşam saatlarında Ağdam rayonunun Orta Qərvənd kənd sakinləri - 1968-ci il təvəllüdlü Heydərov Fərhad Lənkəran oğlu və 1989-cu il təvəllüdlü Heydərov Rəşad Qulu oğlu da ermənilərin açdığı atəş nəticəsində baş nahiyəsindən yaralanıb.

Hər iki sakin Ağdam Mərkəzi rayon Xəstəxanasına yerləşdirilib. Onların üzərində cərrahiyyə əməliyyatı aparılıb.

Füzulidə evinə top mərmisi düşən dinc sakin yaralandı...

Erməni silahlı bölmələrinin dinc sakinlərin yaşadığı əraziləri atəşə tutması nəticəsində daha bir nəfər yaralanıb.

APA-nın Qarabağ bürosunun xəbərinə görə, hadisə Füzuli rayonunun Alxanlı kəndində qeydə alınıb. Ermənilərin atdığı top mərmilərindən biri 30 yaşlı Elvin Rəhimovun evinin həyətinə düşüb. Nəticədə ev sahibi xəsarət alıb. Füzuli rayon Diaqnostika Mərkəzindən APA-ya verilən xəbərə görə, E.Rəhimov sağ dizindən qəlpə yarası alıb, həmçinin, ayağında sınıqlar var.

Erməni mərmisi İranda mülki evi uçurdu

İranın Şərqi Azərbaycan əyalətində bazar ertəsi günü Ermənistan tərəfindən atılan minomyot mərmisi evi uçurub.

"Trend"in İSNA agentliyinə istinadən verdiyi məlumata əsasən, bunu əyalətin general-qubernatorunun müavini Səid Şəbistari Xiyabani deyib. Onun sözlərinə görə, mərminin erməni tərəfinə aid olduğu İran ekspertlərinin araşdırmalardan sonra müəyyən edilib.

Qeyd olunur ki, İran XİN-i bu məsələni erməni tərəfi ilə müzakirə edəcək.

Tərtərdə bir evə mərmi düşdü, 16 yaşlı qız həlak oldu

Ermənilərin yaşayış məntəqələrini artilleriya zərbələri ilə atəşə tutması nəticəsində 16 yaşlı qız həlak olub.

Bu barədə "Trend"ə Tərtər rayon İcra Hakimiyyətinin başçısı Müstəqim Məmmədov məlumat verib.

İcra başçısı bildirib ki, hadisə dünən səhər saatlarında Tərtər rayonunun Həsənqaya kəndində baş verib. Ermənilərin ağır artilleriyadan açdığı atəş nəticəsində kənddə evlərdən birinə mərmi düşüb. Hadisə nəticəsində evdə olan Kəlbəcər rayonundan olan məcburi köçkün, 2000-ci təvəllüdlü Həsənova Turanə Kamandar qızı həlak olub.

Kəlbəcər rayonundan məcburi köçkün olan Həsənovlar ailəsi Həsənqaya kəndində məskunlaşıb.

Baş Prokurorluğun mətbuat xidmətindən "Trend"ə verilən məlumatda bildirilir ki, aprelin 5-də saat 11:00 radələrində Həsənqaya kəndində məskunlaşmış Kəlbəcər rayon sakini, 2000-ci təvəllüdlü Həsənli Turanə Kamandar qızı, yaşadığı evə atılmış mərminin partlaması nəticəsində çoxsaylı qəlpə xəsarətləri alaraq hadisə yerində həlak olub.

Faktla bağlı Rayon Prokurorluğunda Cinayət Məcəlləsinin müvafiq maddəsi ilə cinayət işi başlanıb, istintaq aparılır.

Ağdamda artilleriya atəşilə dağılan yarımstansiya bərpa olunur

Ermənilərin ağır artilleriyadan açdığı atəş nəticəsində Ağdam rayonunun 11 kəndini elektrik enerjisi ilə təmin edən elektrik yarımstansiyasının bir hissəsi sıradan çıxıb. Bu barədə "Trend"ə Ağdam rayon İcra Hakimiyyətinin başçısı Raqub Məmmədov məlumat verib.

İcra başçısı bildirib ki, srağagün axşam saatlarında baş verən hadisə nəticəsində bir neçə kəndə elektrik enerjisinin verilişində fasilə yaranıb: "Gecə saatlarında rəhbərliyimlə əraziyə baxış keçirildi, dəymiş ziyan müəyyənləşdirildi və hazırda bərpa işləri gedir. Yaxın saatlarda yarımstansiyanın digər hissəsindən kəndlərin elektrik enerjisi ilə təminatı bərpa ediləcək".

R.Məmmədov bildirib ki, Ağdam sakinləri hazırda mənzillərində yaşayır, çünki atəş səsləri onları qorxutmur: "Bütün işlər öz qaydasında davam edir. Əhali Azərbaycan Ordusunun qələbəsinə hazırlaşır".

Ağdama edilmiş 5 hücum faktı ilə bağlı cinayət işi başlandı

Ağdam rayonunun bir sıra yaşayış məntəqələri, o cümlədən Sarıçoban, Əhmədağalı, Orta Qərvənd, Qaradağlı və Səfərli kəndləri aprelin 4-də erməni silahlı birləşmələri tərəfindən növbəti dəfə artilleriya qurğularından intensiv atəşə məruz qalıb.

Baş Prokurorluğun mətbuat xidmətindən baki-xeber.com-a verilən məlumatda bildirilir ki, həmin tarixdə saat 16:00 radələrində rayonun Sarıçoban kəndinin ərazisinə düşmüş 3 ədəd mərminin partlaması nəticəsində kənd sakini, 1968-ci il təvəllüdlü Cəfərov İlqar Hidayət oğlu qəlpə yarası xəsarəti alaraq xəstəxanaya yerləşdirilib.

Saat 17:00 radələrində rayonun Əhmədağalı kəndinin ərazisində yerləşən məscidin yaxınlığına düşmüş mərminin partlaması nəticəsində orada qoyun otaran kənd sakini, 1954-cü il təvəllüdlü Dadaşov Qaraş Şahmar oğlu qəlpə yarası xəsarətləri alaraq hadisə yerində ölüb, 30-a qədər qoyun-quzu tələf olub.

Rayonun Orta Qərvənd kəndinin ərazisinə atılmış mərminin partlaması nəticəsində kənd sakini, 1989-cu il təvəllüdlü Heydərov Rəşad Qulu oğlu və 1968-ci il təvəllüdlü Heydərov Fərhad Lənkəran oğlu qəlpə yarası xəsarətləri alaraq xəstəxanaya yerləşdirilib.

Saat 20:00 radələrində rayonun Qaradağlı kəndi ərazisində mərminin partlaması nəticəsində yanmış ev rayon dövlət yanğın mühafizə hissəsinin işçiləri tərəfindən söndürülərkən həmin yerə atılmış digər mərminin partlaması nəticəsində yanğını söndürən rayon dövlət yanğın mühafizə hissəsinin manqa komandiri, 1974-cü il təvəllüdlü Mustafayev Akif Musa oğlu qəlpə yarası xəsarətləri alaraq xəstəxanaya yerləşdirilib.

Rayonun Səfərli kəndinin ərazisinə düşmüş mərminin partlaması nəticəsində kənd sakini, 2000-ci il təvəllüdlü Məhərrəmova Pakizə Fərman qızı qəlpə yarası xəsarəti alaraq xəstəxanaya yerləşdirilib.

Hər beş fakt üzrə Ağdam Rayon Prokurorluğunda Cinayət Məcəlləsinin müvafiq maddələri ilə cinayət işi başlanıb, istintaq aparılır.

Türkiyədən Ermənistanın Azərbaycanın mülki əhalisini atəşə tutmasına etiraz

Türkiyə azərbaycanlıları cəbhə xəttindəki vəziyyətlə əlaqədar mətbuat konfransı keçirib. Diasporla İş üzrə Dövlət Komitəsindən "Trend"ə verilən məlumata görə, Türkiyədəki Azərbaycan diaspor təşkilatları - Türkiyə - Azərbaycan Dərnəkləri Federasiyası və Ankara Azərbaycan Evi Dərnəyi erməni silahlı qüvvələrinin cəbhə xəttində yaratdığı gərginliklə əlaqədar mətbuat konfransı keçirib.

Mətbuat konfransında Ermənistanın Azərbaycan torpaqlarına təcavüzü pislənib, Türkiyə azərbaycanlıları adından Azərbaycan dövlətinə və xalqına dəstək ifadə olunub.

Çıxış edənlər bildirib ki, Azərbaycan hər zaman sülh prinsiplərinə sadiqdir və atəşkəsin pozulması Ermənistan dövlətinin işğalçılıq siyasətindən irəli gəlir. Ermənistan Silahlı Qüvvələri tərəfindən cəbhə xəttində Azərbaycanın mülki əhalisinin atəşə tutulması sülh prinsiplərinə və beynəlxalq hüquq normalarına ziddir. Həmçinin, dünya ictimaiyyəti baş verənlərə biganə yanaşmamağa çağırılıb.

"Xocalıda qırğın törədən birinin indi dövlətə başçılıq etməsi çox təəccüblüdür. Bundan daha təəccüblüsü isə beynəlxalq hüququn bu həqiqətə göz yummasıdır" - deyə Ankara Azərbaycan Evi Dərnəyinin rəhbəri Erdoğan Çeçen bildirib.

Xəbər xidməti

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...