"İsrail Ədliyyə Nazirliyi hələ Rusiya və İsrail vətəndaşı olan bloqçu Aleksandr Lapşinin ekstradisiyası ilə bağlı Azərbaycan Ədliyyə Nazirliyinə müraciət etməyib". Bu barədə Sputnik Azərbaycan-a Lapşinin vəkili Eduard Çernin məlumat verib.
"Hər şey İsrail tərəfindən asılıdır. Lapşin artıq Ədliyyə Nazirliyinə İsrailə ekstradisiya olunmaq arzusunda olduğunu bildirib və müvafiq müraciət ünvanlayıb. İndi hər şey İsraildən asılıdır. İsrailin isə bu prosesə nə vaxt başlayacağı hələlik məlum deyil" — vəkil deyib.
Qeyd edək ki, bloqçu Aleksandr Lapşin İsrailə ekstradisiya olunmaq üçün, bu ölkənin Azərbaycandakı səfirliyinə üç həftə əvvəl ərizə ilə müraciət etsə də, hələ ki, İsrail tərəfindən cavab almayıb.
