Pentaqon son günlərdə artan regional təhdidlər səbəbindən Yaxın Şərqdəki bazalarındakı qoşunlarının sayını azaldır.
ABŞ hökumətinin bir rəsmisi və yüksək vəzifəli ABŞ hərbi rəsmisi CBS News kanalına bildirib ki, Yəməndə artan münaqişə, eləcə də İrandan gələn birbaşa təhdidlər səbəbindən ordunun Yaxın Şərqdəki obyektlərində iştirakını gizli şəkildə azaldır.
"Biz missiyaya hazırlığı optimallaşdırmaq üçün Amerika qoşunlarını və avadanlıqlarını müntəzəm olaraq hərəkət etdiririk. Əməliyyat təhlükəsizliyi səbəblərinə görə bu hərəkətlərin təfərrüatlarını müzakirə etmirik" – deyə məlumatı şərh edən ABŞ Mərkəzi Komandanlığının (CENTCOM) sözçüsü kapitan Tim Hokins CBS News-a bildirib
Kanal qeyd edib ki, ABŞ Dövlət Departamenti bir sıra husi hücumlarından sonra ABŞ səfirliyinin vacib olmayan işçilərinə və onların ailə üzvlərinə Səudiyyə Ərəbistanını tərk etməyi əmr edib.
Tahir TAĞIYEV
