Salam Elçin! Bu gün sənin doğum günün..həm də özəl döğum günün... Adətən belə günlərdə yaşanmış gözəl, isti xatirələr danışılır...xoş niyyətli arzular yağış seli kimi dayanmaq bilmir... Mən də adətimə xəyanət etmədən hər il olduğu kimi bu il də tələbələrimə "Bir az yaxın əyləşin... bu gün sizə bir işıqlı ziyalımızdan söhbət açacam... " deyib...ürəyimin ən şirin küncündəki xatirələrimi dilə gətirib səndən örnək olan çox...lap çox nümunələr çəkəcəm.... Nağılları çox sevdiyin üçün elə hər dəfə söhbətə nağıl kimi başlayacam...
Biri var idi ..biri yox idi... əfsanəvi gözəl Barat xanımın Elçin adlı bir oğlu var idi... Oğlunu dəlicəsinə..məhz dəlicəsinə sevən ana səhnəyə olan sevgisindən istədiyi qədər balaca Elçinə vaxt ayıra bilmirdi... ancaq ürəyi çox arxayın idi... onun Solmaz kimi qayğıkeş qızı hər zaman köməyinə çatırdı... illər ötür ... Elçin böyüyür... tüzliklə həm evdəkilər həm də yaxın ətraf əmin olur ki.. bu bədəncə iri cüssəli , şirin baxışlı sarışın oğlanın iç dünyasında baş qaldıranlar çoxlarından fərqlənir.... küsdümü.... barışmağı çətin... Ürəyi tər-təmiz olsa da, bircə dəfə yalan dedinsə....işin bitdi... kimisə nahaqdan incidiblərsə.....qarşında Elçini görəcəksən.. necə deyərlər uşaqlıqdan ömrünün sonuna qədər özgə dərdinə biganə qalmadı.... və ən əsas olan bir məqama diqqət verin uşaqlar..... atası dahi sənətkarəmız Mehdi Məmmədovdan, anası - əfsanəvi , ecazkar səsilə bu gün də qanımızı isidən Barat xanım Şəkinskayanın genetik kodundakı bütün müsbət enerjini özündə daşıyırdı.... "Dədə Qorqud"dakı Çoban rolunu bir anlığa xatırlayın...və bir də "Yeddi oğul istərəm"dəki Mirpaşanı... hər iki obrazda Elçinin özünü görürsən... xeyrxah, qorxmaz, sözü çəkinmədən üzə demək...Ürəyindən su içib ..tablolara köçürdüyü əsərlərdən danışmaq çox çətindir... ən azından rəsmlərə baxmaq..və ordan insanlara, həyata olan sevgisini hər kəs baxıb özü əmin olmalıdır.... Uşaqlar.. bir söz deyim gülməyin...və inanın... sözün tam mənasında qarışqanı tapdamayan, milçəyi qovub evdən çıxartmaq gücündə olmayan bir insan idi Elçin....Cahil, savadsız, ikiüzlü, insanlardan gücü çatdığı qədər qaçırdı. Onun üçün insanın daxili azadlığı hər şey idi... Bu işıqlı , içi sevgi dolu bir insanı yaxından tanımaq şansını tanrı mənə də nəsib etdi.... Bütün bu dediklərim mənə əsas verir ki, bu gün də..sabah da. Elçinlə keçmiş zamanda deyil.... üzbəüz qarşımda dayanmış kimi söhbət edirəm... bax belə...
Əzizimiz Elçin, 70 yaşın mübarək!!!..
Jalə Cəfərova
Milli Mədəniyyətin Təbligi İctimai Birliyinin sədri
PS.....Tələbələrimlə nə qədər gülümsəyərək danışsam da.....əslində işığı kəsilən...daha boylanmadığım yetim qalmış bir pəncərəm var....ordan nə Barat xanımın, nə də Elçinin səsi gəlir...
