Bakı qlobal təhlükəsizliyin iki günlük müzakirə mərkəzinə çevrilir...

Tarix: 10.03.2016 / 01:10
Bölmə: Gündəm

Arzu Nağıyev: "Belə Forumun əsas məqsədi Azərbaycanın dünyada imici deməkdir"

"Azərbaycanın mövqeyinin nədən ibarət olduğunu dünyaya bildirmək üçün bir fürsətdir"

Bu gün Bakıda Diasporla İş üzrə Dövlət Komitəsinin (DİDK) dəstəyi, Nizami Gəncəvi Beynəlxalq Mərkəzinin təşkilatçılığı ilə "İnterAaction Council", Madrid Klubu, İsgəndəriyyə Kitabxanası, Roma Klubu, Dünya Elmlər və Mədəniyyət Akademiyası ilə əməkdaşlıq çərçivəsində IV Qlobal Bakı Forumu keçiriləcək.

DİDK-nin mətbuat xidmətindən verilən məlumata görə, Forumda Albaniya, Monteneqro, Bolqarıstan, Makedoniya, Bosniya və Herseqovina və Gürcüstan prezidentləri iştirak edəcək. Bundan başqa, 27 sabiq prezident və 23 sabiq baş nazir də daxil olmaqla, 53 ölkədən 300-dən çox nümayəndənin iştirakı gözlənir.

"Çoxqütblü dünyaya doğru" mövzusuna həsr edilən Forumda münaqişələrin qarşısının alınmasında dinlərarası dialoqun rolu, miqrasiya, multikulturalizm və inteqrasiya məsələləri, o cümlədən qlobal təhlükəsizliyin təmin olunmasında radikallaşma və miqrasiya amillərinin rolu kimi mühüm məsələlər müzakirə olunacaq. Bundan başqa, enerji və qlobal idarəçiliyin gələcək perspektivləri ilə bağlı məsələlər də Forumun gündəliyinə daxildir.

Qeyd edək ki, bu Forum Diasporla İş üzrə Dövlət Komitəsinin dəstəyi və Nizami Gəncəvi Beynəlxalq Mərkəzinin təşkilatçılığı ilə keçirilən dördüncü toplantıdır. İlk Forum (Cənubi Qafqaz Forumu) 2013-cü ilin 5-8 may tarixlərində 29 ölkədən 142 nümayəndənin iştirakı ilə "Müştərək cəmiyyətlər və qadın azadlıqları" mövzusunda təşkil olunub.

İkinci Forum (Açıq Cəmiyyətlər Forumu) 2014-cü il 27-29 aprel tarixlərində "Post 2015 gündəliyi və müştərək cəmiyyətlər" mövzusunda keçirilib. II Forumda 42 ölkədən 165 nümayəndə iştirak edib.

2015-ci ilin 28-29 aprel tarixlərində keçirilmiş III Qlobal Bakı Forumunun mövzusu isə "Yeni dünya düzənində etimadın bərpa edilməsi" olub və bu Foruma dünyanın 72 ölkəsindən 350-dən çox nümayəndə qatılıb.

Hər üç forumda Azərbaycan Respublikasının Prezidenti İlham Əliyev iştirak edib və nitq söyləyib.

Forum barədə fikirlərini bizimlə bölüşən politoloq Arzu Nağıyev bildirdi ki, tanınmış, nüfuzlu siyasi xadimlərin Forumda iştirakı Azərbaycanın dünyadakı nüfuzuna müsbət təsir göstərən amillərdəndir: "Məlumdur ki, keçiriləcək Forum Diasporla İş üzrə Dövlət Komitəsinin dəstəyi, Nizami Gəncəvi Beynəlxalq Mərkəzinin təşkilatçılığı ilə baş tutacaq. Bu, Azərbaycanda keçirilən IV Forumdur. I, II və III Qlobal Açıq Cəmiyyətlər Forumu da 2013-cü, 2014-cü və 2015-ci illərdə Bakı şəhərində keçirilib. Bu toplantılarda bir sıra ölkələrin dövlət və hökumət başçılarının, habelə tanınmış nüfuzlu siyasi xadimlərin iştirakı Azərbaycanın dünyadakı nüfuzna müsbət təsir göstərən amillərdəndir. Bundan başqa, Avropa İttifaqı, Almaniya, Avstriya, Argentina, İtaliya, İsrail, Niderland, Norveç, İsveçrə, İspaniya və Bolqarıstanın da tanınmış simalarının iştirakı bu gün dünyada baş verən proseslərin kontekstində Azərbaycan reallığının göstərilməsi üçün çox vacib məsələdir".

Politoloq IV Qlobal Bakı Forumunda 300-ə yaxın nümayəndənin iştirakını çox vacib məsələ kimi dəyərləndirdi: "Bu gün dünyada dini və etnik zəmində baş verən qanunsuzluqlara qarşı çoxsaylı dövlətin nümayəndələrinin məhz Bakıda bir araya gəlməsi də çox müsbət haldır və təbii ki, bununla bağlı müvafiq sənəd imzalanacaq. Bundan başqa, demokratiyanın inkişafı, təhsil, ekologiya, enerji təhlükəsizliyi sahəsindəki qlobal problemlərin də müzakirəsi gözlənir. Belə Forumun əsas məqsədi, təbii ki, Azərbaycanın dünyada imici deməkdir. Məlumdur ki, 2016-cı il Multikulturalizm ilidir, tolerantlıq ilidir. Bu bir çox dini icmanın bir dövlətdə sülh şəraitində yaşaması deməkdir. Məhz Dağlıq Qarabağ münaqişəsinin də bu kontekstdə həllinin mümkünlüyünü dünyaya bəyan etmək vacibdir. Bundan başqa, dinlərarası dialoq yolu ilə radikallaşmaya və ekstremizmə qarşı yeni və effektiv həll yollarının tapılması istiqamətində də Azərbaycanın mövqeyinin nədən ibarət olduğunu dünyaya bildirmək üçün bir fürsətdir. Bütün bunların isə əsas meyarı insanların rifahıdır".

Keçmiş prezidentdən Bakının dünyəvi rolu barədə önəmli bəyanat...

Qlobal Bakı Forumu siyasi elita və vətəndaş cəmiyyətinin bir çox maraqlı və hörmətli nümayəndələrini öz məkanına toplayıb. Bunu "Trend"ə Bolqarıstanın keçmiş prezidenti Petar Stoyanov deyib.

Onun sözlərinə görə, Qlobal Bakı Forumu dünya qarşısında dayanan ciddi çağırışların müzakirəsi üçün ən yaxşı məkandır.

P.Stoyanov qeyd edib ki, Bakı belə müzakirələr üçün ən yaxşı yerdir, çünki dinlərarası dialoqun vacibliyindən danışarkən Bakı məcsidləri, kilsələri və sinaqoqları bir arada görə biləcəyimiz məhz həmin məkandır.

Sabiq prezident əlavə edib ki, Azərbaycan terrorçuluğa qarşı mübarizə məsələsində də vacib rol oynayır.

Qeyd edək ki, bu gün Bakıda "Çoxqütblü dünyaya doğru" mövzusunda "V Qlobal Bakı Forumu öz işinə başlayır.

İki gün davam edəcək tədbirdə qlobal etimadsızlıq və təhlükəsizlik (İŞİD və terrorizm; Suriya, Ukrayna münaqişələri); regional dinamiklik və təhlükələr (İran, Xəzər regionu, Suriya və daha geniş Avropa); iqtisadi amillərin əhəmiyyəti və qeyri-bərabərliyi, Qərbin zəifləməsi və qlobal iqtisadi çətinliklərin ciddi nəticələri; iqlim dəyişikliyi və enerji siyasəti: neft istehsal edən ölkələrin rolu; multikulturalizm, dinlərarası dialoq və qarşılıqlı inteqrasiya kimi mühüm istiqamətlər üzrə müzakirələr aparılacaq.

"Müasir dövrün qlobal çağırışı" adlı açılış sessiyasında bir sıra digər dövlət və hökumət rəhbərləri çıxış edəcək, habelə, videomüraciətlər nümayiş etdiriləcək.

Plenar sessiyada və panel iclaslarında dövlət və hökumət başçıları, tanınmış ictimai-siyasi xadimlər, nüfuzlu ekspertlərin iştirakı ilə gündəlikdə nəzərdə tutulmuş mövzular ətrafında müzakirələr və fikir mübadiləsi aparılacaq.

Forumun işində 7 fəaliyyətdə olan prezident, 1 vitse-prezident, 27 sabiq prezident, 23 sabiq baş nazir və çoxlu sayda fəaliyyətdə olan və keçmiş rəsmi şəxs, həmçinin nüfuzlu beynəlxalq təşkilatların rəhbərləri və yüksək vəzifəli nümayəndələri, tanınmış siyasətçilər, ekspertlər iştirak edəcək.

"V Qlobal Bakı Forumunda dünyada iqtisadi, siyasi və humanitar proseslər, qlobal təhlükəsizlik, etnik, dini və siyasi zəmində baş verən münaqişələr, insan hüquqları, gənclər, miqrasiya, multikulturalizm, inteqrasiya və digər mühüm məsələlər müzakirə ediləcək, mövcud problemlərin həlli yolları araşdırılacaq.

Məhəmmədəli QƏRİBLİ

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...