ABŞ-da prezident Donald Trampın siyasi gələcəyi və siyasətdə güc balansı üçün çox vacib olan ara seçkilərdə Demokratlar böyük fərqlə qalib gəlir.
Tramp da artıq Respublikaçıların məğlub olduqlarını etiraf edib. O, seçki nəticələri ilə bağlı sosial media paylaşımında yazır: "Mənim adım seçki bülletenində yox idi və əgər olsaydı, böyük səs çoxluğu ilə qalib gələrdik".
“New York Times” qəzetinə verdiyi müsahibədə isə Tramp ara seçkilərin nəticələrini qəbul edəcəyini və Demokratlarla əməkdaşlığa hazır olduğunu bildirib: "Mən bu nəticələri qəbul etməyə tamamilə hazıram. Demokratlarla əməkdaşlıq edəcəyik. Onlarla işləməyi səbirsizliklə gözləyirik. Yəqin ki, onlarla işləmək üçün bir həll yolu tapacağıq".
Tramp, seçki nəticələrinin İrana qarşı siyasətinə təsirini dəyərləndirərkən, bir çoxlarının neft qiymətlərinin İran səbəbindən artması barədə tənqidinə diqqət çəkib: "Mən ölkəmizin və hətta dünyanın uzunmüddətli xeyri üçün İranla bağlı verdiyim qərarın doğru olduğuna və olmağa da davam etdiyinə tamamilə əminəm".
Daha sonra Tramp sosial media hesabında üzərində VETO sözü olan papağın şəklini paylaşıb. Bir neçə gün əvvəl Tramp Demokratların Senatda çoxluq qazanacağı təqdirdə "Veto" olacağını və bütün qanun layihələrinə veto qoyacağını demişdi.
Tahir TAĞIYEV
