Ermənistan ordusunda hərbi xidmət keçən əsgər azərbaycanlı dostuna etiraf məktubu göndərib. Baki-xeber.com-un "Vestnik Kavkaza" saytına istinadən xəbərinə görə, həmin məktubu "Epress.am" saytı dərc edib.
Saytın xəbərində bildirilir ki, rus dilində yazılan məktubu müxbirə əsgər özü verib və dərc olunmasını, ya da sayta yerləşdirilməsini istəyib. Beləliklə, adının məlum səbəblərdən gizli qalmasını istəyən erməni əsgəri yazır: "Məni hərbi xidmətə çağırdılar və mən 2 il ən nifrət etdiyim yerdə olacağam. Bir çox millətçilər, psevdovətənpərvərlər və sairə arasında mən də xidmət edəcəyəm. Erməni milləti və erməni ordusu haqqında nə eşitsən, bil ki mən də ordayam - böyük bir ikrahla və seçim imkanı olmadan... "- deyə məktub müəllifi etiraf edir. Bildirir ki, yeganə təsəllisi 2 il sonra buranı tərk edib azad insan olacağıdır.
Məktubun sonunda azərbaycanlı dostuna uğur arzulayan erməni əsgəri "onu bil ki, burada mənim kimi düşünənlər az deyil" sözlərini xüsusi vurğulayır...
Baki-xeber.com
