Ədliyyə naziri Fikrət Məmmədov iyulun 14-də Daşkəsən rayonunda vətəndaşların qəbulunu keçirəcək.
Daşkəsən şəhəri, Heydər Əliyev meydanı 2 ünvanında yerləşən inzibati binada keçiriləcək qəbulda Daşkəsən, Göygöl və Kəlbəcər rayonlarından olan vətəndaşların ədliyyə fəaliyyəti ilə bağlı müraciətlərinə baxılacaq.
Vətəndaşlar qəbula Gəncə regional ədliyyə idarəsi (ünvan: Gəncə şəhəri, Yeni Gəncə qəsəbəsi, 28 may küçəsi; əlaqə telefonu: (022) 254-48-15,(022) 254-48-21), habelə Ədliyyə Nazirliyinin 510-10-01 (əlavə 2104), 055-925-37-41 nömrəli telefonları, contact@justice.gov.az elektron poçt ünvanı vasitəsilə yazıla bilər.
Eyni zamanda, vətəndaşların rahatlığı üçün ədliyyə nazirinin həmin gün keçiriləcək qəbuluna elektron qaydada birbaşa yazılmaq imkanı yaradılıb. Bu məqsədlə Ədliyyə Nazirliyinin elektron xidmətlər portalına (www.exidmet.justice.gov.az) müraciət etmək lazımdır.
Məlumatı Ədliyyə Nazirliyinin mətbuat xidməti yayıb.
Baki-xeber.com
