Azərbaycan Prezidenti Administrasiyasında yeni struktur formalaşdırılıb. Trend-in məlumatına görə, Administrasiyanın yeni strukturu aşağıdakı kimidir:
Azərbaycan Respublikası Prezidentinin Administrasiyasının rəhbəri Ramiz Mehdiyev
Azərbaycan Respublikası Prezidentinin köməkçisi Cəmilə Abbasova
Azərbaycan Respublikasının Birinci vitse-prezidentinin Katibliyinin rəisi - Altay Həsənov
Prezidentin aqrar siyasət məsələləri üzrə köməkçisi - şöbə müdiri Azər Əmiraslanov
Prezidentin ərazi-təşkilati məsələləri üzrə köməkçisi - şöbə müdiri Zeynal Nağdəliyev
Prezidentin hüquq mühafizə orqanları ilə iş və hərbi məsələlər üzrə köməkçisi - şöbə müdiri Fuad Ələsgərov
Prezidentin xarici siyasət məsələləri üzrə köməkçisi - şöbə müdiri Novruz Məmmədov
Prezidentin ictimai-siyasi məsələlər üzrə köməkçisi - şöbə müdiri Əli Həsənov
Prezidentin iqtisadi məsələlər üzrə köməkçisi - şöbə müdiri Əli Əsədov
Prezidentin iqtisadi siyasət və sənaye məsələləri üzrə köməkçisi - şöbə müdiri Natiq Əmirov
Prezidentin Katibliyinin rəisi - Prezidentin köməkçisi Dilarə Seyidzadə
Prezidentin mətbuat katibi Azər Qasımov
Prezidentin protokol xidmətinin rəisi Elçin Bağırov
Dövlət qulluğu və kadr məsələləri şöbəsinin müdiri Tələt Məcidov
Dövlət nəzarəti şöbəsinin müdiri Eldar Nuriyev
Gənclər siyasəti və idman məsələləri şöbəsinin müdiri Yusuf Məmmədəliyev
Qanunvericilik və hüquq ekspertizası məsələləri şöbəsinin müdiri Şahin Əliyev
Sənədlərlə və vətəndaşların müraciətləri ilə iş şöbəsinin müdiri Süleyman İsmayılov
Strateji araşdırma və planlaşdırma şöbəsinin müdiri Səadət Yusifova
Prezident Adminstrasiyasında müşavirlik institutu ləğv olunub. APA-nın məlumatına görə, İqtisadi siyasət məsələləri üzrə Dövlət müşaviri və Millətlərarası, multikulturalizm və dini məsələlər üzrə Dövlət müşaviri vəzifələri ləğv edilib.
İqtisadi siyasət məsələləri üzrə Dövlət müşaviri vəzifəsinin bazasında İqtisadi siyasət və sənaye məsələləri şöbəsi yaradılıb. İndiəyədək Prezidentin istisadi islahatlar üzrə köməkçisi olmuş Natiq Əmirov İqtisadi siyasət və sənaye məsələləri şöbəsinin müdiri - Prezidentin köməkçisi təyin olunub.
Millətlərarası, multikulturalizm və dini məsələlər üzrə Dövlət müşaviri postunun bazasında isə Prezidentin millətlərarası münasibətlər, multikulturalizm və dini məsələlər üzrə köməkçisi-şöbə müdiri vəzifəsi yaradılıb. Bu vəzifəyə hələlik təyinat yoxdu.
Qeyd edək ki, İqtisadi siyasət məsələləri üzrə Dövlət müşaviri postunu Vahid Axundov, Millətlərarası, multikulturalizm və dini məsələlər üzrə Dövlət müşaviri postunu isə Kamal Abdulla tuturdu.
APA-nın məlumatına görə, dövlət başçısının yeni köməkçiləri də təyin olunub. Dilarə Seyidzadə prezidentin köməkçisi, Azər Əmiraslanov prezidentin aqrar siyasət məsələləri üzrə köməkçisi, Zeynal Nağdəliyev prezidentin ərazi-təşkilati məsələləri üzrə köməkçisi, Fuad Ələsgərov prezidentin hüquq mühafizə orqanları ilə iş və hərbi məsələlər üzrə köməkçisi, Novruz Məmmədov prezidentin xarici siyasət məsələləri üzrə köməkçisi təyin edilib.
Prezidentin hərbi məsələlər üzrə köməkçisi indiyədək Vahid Əliyev idi.
Bundan başqa, Prezident Administrasiyasında Millətlərarası münasibətlər, multikulturalizm və dini məsələlər üzrə şöbə yaradılıb. Şöbənin müdiri həm də prezidentin köməkçisi olacaq.
Bu posta hələlik təyinat olmayıb.
Prezident Administrasiyasında Gənclər siyasəti və idman məsələləri şöbə də yaradılıb. Bu şöbəyə isə Yusuf Məmmədəliyev müdir təyin edilib.
Altay Həsənov isə Azərbaycanın I vitse-prezidentinin Katibliyinin rəisi təyin olunub. A. Həsənov 2002-ci ildən etibarən Azərbaycan Gimnastika Federasiyasının vitse-prezidentidir.
Azərbaycan Prezidentinin müdafiə məsələləri üzrə köməkçisi Vahid Əliyev vəzifəsindən azad olunub. APA-nın məlumatına görə, onun səlahiyyətləri Fuad Ələsgərova həvalə olunub.
F. Ələsgərov prezidentin hüquq-mühafizə orqanları və hərbi məsələlər üzrə köməkçisi təyin olunub.
Azərbaycan Prezident Administrasiyasının Humanitar siyasət məsələləri şöbəsinin müdiri Fatma Abdullazadə də vəzifəsindən azad olunub. Prezident Administrasiyasının yeni strukturunda Humanitar siyasət məsələləri şöbəsinin müdiri vəzifəsi boşdur.
General-leytenant Məhərrəm Əliyev də Azərbaycan Respublikası Prezidentinin Müdafiə məsələləri üzrə köməkçisi xidmətinin müdafiə məsələləri şöbəsinin müdiri vəzifəsindən azad olunub. Prezident Administrasiyasının strukturunda edilmiş son dəyişikliklə Prezidentinin Müdafiə məsələləri üzrə köməkçisi xidməti ləğv olunub.
Bununla əlaqədar həmin xidmətin müdafiə məsələləri şöbəsi də avtomatik ləğv olunmuş, M. Əliyev isə şöbə müdiri vəzifəsini itirmiş sayılır. O, hələlik yeni təyinat almayıb.
