Rasim Quliyev: “Azərbaycan hüquq-mühafizə orqanları tərəfindən cinayət işi açılmış və ölkəyə girişi qadağan olunmuş Türkiyə vətəndaşlarını Türkiyə iqtidarı və cəmiyyəti...”
Azərbaycan Türkiyənin 31 vətəndaşını sosial şəbəkələrdə və media platformalarında ölkənin suverenliyinə, milli təhlükəsizliyinə qarşı çıxışlar, radikalizm və ya hakimiyyətin zorla dəyişdirilməsi ilə bağlı çağırışlar səbəbindən "arzuolunmaz şəxs" (persona non grata) elan edib. Sözsüz, bu suveren dövlətin diplomatik və hüquqi səlahiyyətidir.
Lakin Türkiyənin hakim partiyası (AKP iqtidarı) həmin şəxslərə qarşı hüquqi prosed başlatmayıb.
AKP iqtidarı Azərbaycanın “arzuolunmaz şəxs” elan etdiyi 31 nəfər barədə hər hansı hüquqi prosedur başlatmalı idimi?
“Resurs” Analitik İnformasiya Mərkəzi İctimai Birliyinin sədri, politoloq Rasim Quliyev baki-xeber.com-a bildirdi ki, Türkiyə vətəndaşları olaraq Azərbaycan dövləti əleyhinə və Azərbaycanda konstitusiya quruluşun və mövcud qanunların zorla dəyisdirilməsinə çağırışlar edən və müxtəlif platformalarda çıxışlar yayımlayan bir çox şəxslər barədə Azərbaycan hüquq və mühafizə orqanları, eyni zamanda digər aidiyyəti qurumlar tərəfindən müvafiq hüquqi prosedurlar başladılıb və tətbiq istiqamətində yönləndirilibdir. “Türkiyə vətəndaşları olan bu şəxslərin bir neçəsinə müvafiq maddələrlə cinayət işi açılsa da, 31 nəfərin isə Azərbaycana girişi yasaqlanıb. Məsələyə sualın qoyuluşundan baxsaq ki, AKP iqtidarı həmin şəxslər bardə Azərbaycan cinayət işi açmazdan əvvəl hər hansı hüquqi prosedur başlatmalı idimi? Məncə xeyir, AKP iqtidarı həmin şəxslər bardə hüquqi prosedur başlatmalı deyildi, çünki konkret olaraq bu iqtidarın münasibətindən daha çox hüquqi müstəvidə yanaşma tələb edir. Tutaq ki, Türkiyə ərazisində Türkiyə vətəndaşının İsrailin, ABŞ-nin, Rusiyanın, yaxudda İranın dövlət quruluşu əleyhinə hər hansı çağırışna görə hüquqi qiymət nəzərdə tutulubsa və bu təşəbbüs kimin tərəfindən olmalıdırsa həmin prosedur baxımından yanaşmalıyıq. Bəlkə də heç Türkiyə qanunlarında həmin çağırış və çıxışlara görə cinayət işi nəzərdə tutulmayıb?! Amma Azərbaycan hüquq-mühafizə orqanları Türkiyə vətəndaşlarının məlum çağırışlarının bizim qanunlarla cinayət tərkibi olduğunu sübut edərək beynəlxalq və ölkələrarası hüquqi öhdəliklər üzrə proses başlaya və bu istiqamətdə iş apara bilər. Eyni zamanda 31 nəfərin Azərbaycana girişinin yasaqlanması, yəni “arzuolunmaz şəxs”lər elan edilməsi də müvafiq hüquqi normalar əsasında tənzimlənir. “Arzuolunmaz şəxs”lərin kimliyinə də qısa nəzər yetirsək, DEM partiyasından olan bir millət vəkili - Omər Faruk əsasən QHT xətti ilə insan haqları müdafiəçisi kimi Avropa təşkilatları qarşısında öhdəliyi olan şəxslərdəndir. Yeni Refah Partiyasının sədri Fatih Erbakan isə Türkiyə iqtidarına və Türkiyə Prezidentinə qarşı çox kəskin münasibət sərgiləyən şəxsdir və digərləri də onlar kimi. Yəni Azərbaycan hüquq-mühafizə orqanları tərəfindən cinayət işi açılmış və ölkəyə girişi qadağan olunmuş Türkiyə vətəndaşlarını Türkiyə iqtidarı və cəmiyyəti qınaya və məzəmmət edə bilərlər, mənəvi münasibət sərgiləyə bilərlər...”
R.Quliyev qeyd etdi ki, amma hüquqi münasibət üçün mütləq həmin dövlətin qanunlarına müvafiq olaraq hüquqi pozuntu qeydə alınmalıdır.
İradə SARIYEVA
