PayPal və Palantir şirkətlərinin həmtəsisçisi, milyarder respublikaçı investor Piter Tel Prezident Donald Trampın İrana qarşı müharibəsinin legitimliyinə şübhə ilə yanaşaraq, deyib ki, ABŞ bu münaqişəni başlatmamalı idi.
"Mən bu müharibəyə şübhə ilə yanaşıram. Məncə onu başlamamalı idik. Bir çox səhvlərə yol verildi", - deyə Tel bildirib.
O, həmçinin ABŞ-ın müharibədə uğur qazanmaq şansını da şübhə altına alaraq, ölkənin hərbi cəhətdən kifayət qədər güclü olmadığını və qlobal təsir uğrunda mübarizəni uduzacağını irəli sürüb.
Telin açıqlamaları Respublikaçıların qanunverici orqana nəzarəti saxlamağa çalışdığı ara seçkilərdən cəmi iki həftə əvvəl verilib.
Milyarder həmçinin neokonservatorlara və Yaxın Şərqdəki müharibələrə qarşı çıxdığını vurğulayıb.
Tahir TAĞIYEV
