Dünya azərbaycanlılarından İlham Əliyevə birmənalı dəstək - Azərbaycanın yeni güc nümayişi...

Tarix: 07.06.2016 / 03:17
Bölmə: Gündəm

Samir Adıgözəlli: "Olduqca önəmli olan bu məsələ ətrafında diasporumuzun əldə etdiyi monolitlik alqışlanmalıdır"

"Təbiidir ki, bütün bu amillər Azərbaycanın dünyadakı mövqeyinin daha da güclənməsinə xidmət edəcək"

Bakıda Dünya Azərbaycanlılarının IV Qurultayının yekun iclasında qurultayın nümayəndələrinin Azərbaycan Prezidenti İlham Əliyevə müraciəti qəbul edilib. Müraciətdə qurultayın təşkilinə göstərdiyi diqqət və dəstəyə görə Prezident İlham Əliyevə minnətdarlıq ifadə olunub.

Müraciətdə bildirilib ki, bu qurultay Azərbaycan diasporunun tarixində yeni bir mərhələnin əsasını qoyacaq, milli birlik və həmrəyliyin daha da möhkəmlənməsinə öz töhfəsini verəcək.

Müraciətdə Azərbaycanın regionun lider dövlətinə çevrildiyi vurğulanıb. Qeyd olunub ki, Azərbaycanla bağlı antitəbliğat kampaniyalarının qarşısının alınmasında "hücum taktikası"na keçən diaspor təşkilatlarımız bu sahədə yeni təbliğat mexanizmlərindən geniş istifadə edir.

Müraciətdə daha sonra bildirilib ki, hər il Azərbaycanda keçirilən mühüm beynəlxalq tədbirlər təhlükəsizliyin, sabitliyin, sülhün tərəfdarı kimi Azərbaycanın artıq beynəlxalq aləmi narahat edən aktual məsələlərin müzakirə olunduğu mühüm məkana çevrildiyini bariz göstərir.

Qurultay nünayəndələri bəyan edib ki, Azərbaycan Prezidenti İlham Əliyevin Dağlıq Qarabağ münaqişəsinin həlli istiqamətində səy və təşəbbüslərini birmənalı şəkildə dəstəkləyirlər.

Daha sonra müraciətdə qeyd olunur: "Cənab Prezident, Sizi əmin edirik ki, Azərbaycanın haqq səsinin bütün dünyaya çatdırılması, milli-mədəni irsimizin yaşadılması və təbliği, həmçinin, doğma Vətənin milli maraqlarının təmin olunması naminə dünya azərbaycanlılarının daha mütəşəkkil qaydada təşkilatlanmaları istiqamətində bundan sonra da bütün imkan və bacarığımızı səfərbər edəcəyik".

Qurultay nümayəndələri tərəfindən Prezident İlham Əliyevə və onun yürütdüyü siyasətə verilən birmənalı dəstəyin Azərbaycanın dünyadakı mövqeyinin güclənməsinə hansı səviyyədə təsiri olacaq?

Qurultayda iştirak edən Beynəlxalq Diaspor Mərkəzi və Dünya Azərbaycanlıları Konqresinin aparat rəhbəri Samir Adıgözəlli qəzetimizə açıqlamasında bildirdi ki, bu qurultay əvvəlkilərdən xeyli fərqləndi: "Orada iştirak edən bir nümayəndə kimi deyə bilərəm ki, bu qurultayda diasporumuzun gücü aydın hiss edilirdi. Bəli, hər 5 ildən bir, bir növ, hesabat xarakteri daşıyan qurultayda biz bunu görürük. Ölkə başçısının etdiyi proqram xarakterli çıxışında biz bir sıra vacib məqamları özümüz üçün qeyd etdik və hesab edirik ki, həmin istiqamətdə fəaliyyəti gücləndirməliyik. Ölkə başçısı xüsusilə də xarici mətbuatla iş sahəsində tədbir iştirakçılarının qarşısında tapşırıq qoydu. Soydaşlarımıza təmsil olunduqları ölkələrin ictimai-siyasi həyatında fəal olmaları tapşırıldı. Yəqin ki, biz bu tapşırıqların necə yerinə yetirildiyinin gələn qurultayda şahidi olacağıq. Ölkə başçısı bildirdi ki, bu istiqamətdə dövlət olaraq istənilən dəstəyi verməyə hazırıq. Təbii ki, bu cür yanaşma bizim diaspor nümayəndələrimizin daha da fəal olmasına şərait yaradacaq. Biz onları təmsil olunduqları ölkələrin parlamentləri, vəzifələrində görəcəyik. Eyni zamanda, qurultay nümayəndələri adından ölkə başçısı İlham Əliyevə ünvanlanan müraciətdə onun, xüsusilə də Dağlıq Qarabağla bağlı yürütdüyü siyasət kursunun birmənalı şəkildə dəstəklənməsi qeyd edilir. Azərbaycanın qarşısında duran ən ciddi problem məhz Dağlıq Qarabağ münaqişəsidir. Bu istiqamətdə bizim bütün səylərimizin birləşdirilməsi olduqca önəmlidir. Bizim bütün soydaşlarımızın bu istiqamətdə bütün zərbəni bir nöqtəyə vurması çox effektiv olacaq. Çünki ermənilər bizimlə yalnız hərbi mübarizə aparmır. Onlar informasiya savaşına da böyük önəm verir ki, bu da vacib faktor sayılır.

Diaspor nümayəndələrimizin bu istiqamətdə ölkə başçısına birmənalı dəstək verməsi bizim gücümüzü daha da artıracaq.

Olduqca önəmli olan bu məsələ ətrafında diasporumuzun əldə etdiyi monolitlik alqışlanmalıdır. Təbiidir ki, bütün bu amillər Azərbaycanın dünyadakı mövqeyinin daha da güclənməsinə xidmət edəcək".

Məhəmmədəli QƏRİBLİ

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...