Əli Həsənov postneft dövrünün iri iqtisadi nəticələrindən birini rəqəmlə formula etdi

Tarix: 01.06.2016 / 02:58
Bölmə: Gündəm

Pərviz Heydərov: "Azərbaycan hökuməti qeyri-neft sektorunun inkişafı istiqamətində müvafiq radikal addımlar atmağa başlayıb"

"Bu çox böyük əhəmiyyət kəsb edən bir sənəddir"

Azərbaycanın iqtisadi siyasətinin təməlində yalnız nefti satıb ondan əldə olunan gəlirlərdən bəhrələnmək praktikası dayanmır. Bunu Azərbaycan Prezidentinin ictimai-siyasi məsələlər üzrə köməkçisi Əli Həsənov mətbuata açıqlamasında deyib.

Onun sözlərinə görə, Azərbaycan ilk neft pulları daxil olan təxminən 2003-cü ildən başlayaraq iqtisadiyyatın şaxələndirilməsi, qeyri-neft sektorunun inkişaf etdirilməsi və Azərbaycan əhalisinin bütün potensialından ölkə iqtisadiyyatının inkişaf etdirilməsi istiqamətində istifadə olunur: "2008-ci ildən dünyada yaşanan maliyyə böhranı, neft qiymətlərinin kəskin şəkildə 3 dəfə aşağı düşməsi Azərbaycanı təxminən 2014-cü ildə yaxaladı. Amma buna qədər hakimiyyət lazımi tədbirləri görmüşdü. Əvvəla neftdən gələn pullar Azərbaycanda səmərəli şəkildə iqtisadiyyata yatırılmışdı. Baxın, Azərbaycanda bu gün nə qədər sənaye parkları yaradılıb. Zaman var idi ki, Azərbaycan bütün qida məhsullarını xarici ölkələrdən idxal edirdi. İndi özümüz istehsal edirik, Azərbaycan bu müddətdə kənd təsərrüfatına ciddi yatırımlar qoyub".

Prezidentin ictimai-siyasi məsələlər üzrə köməkçisinin fikrincə, ölkədə qeyri-neft sektorunun və özəl sahibkarlığın inkişafına ciddi stimul verilib: "Bu gün Azərbaycanın ümumdaxili məhsulunun 80 faizə yaxını özəl sektorun hesabına formalaşır. Azərbaycanda qeyri-neft sektorunun payı artıq 50 faizdən yuxarı qaldırılıb, hazırda neftdən asılılıq 50 faizdən aşağıdır. Azərbaycan neftin qiymətinin birdən-birə aşağı düşməsindən kifayət qədər hazırlıqlı vəziyyətdə çıxa bildi".

Ə.Həsənov onu da qeyd edib ki, ölkə başçısının yürütdüyü sosial siyasət çərçivəsində 2016-cı il üçün nəzərdə tutulan bütün layihələr icra olunur. Bəzi icrası dayandırılan layihələrin isə gələcəkdə realizəsi bərpa olunacaq.

Görünən odur ki, Azərbaycanda həqiqətən də iqtisadiyyatın neftdən asılılığının azaldılması istiqamətində sistemli tədbirlər görülür. Büdcədə neftin bir barrelinin 25 dollardan götürülməsi bu istiqamətdə görülən ciddi işlərdən biridir. Bütövlükdə, ekspertlər neftdən asılılığın azaldılması istiqamətində görülən işləri necə dəyərləndirir?

İqtisadçı-ekspert Pərviz Heydərov hesab edir ki, dünya bazarında neftin qiymətinin aşağı olması Azərbaycanda qeyri-neft sektorunun inkişafı üçün stimul ola bilər: "Neftin qiymətinin aşağı olması bəlkə də bizim üçün qeyri-neft sektorunun inkişafını sürətlə həyata keçirmək baxımından daha da sərfəlidir. Azərbaycan hökuməti qeyri-neft sektorunun inkişafı istiqamətində müvafiq radikal addımlar atmağa başlayıb. Buna misal olaraq investisiyaların təşviqi ilə bağlı əlavə tədbirlər haqqında bu ilin yanvarında Prezident tərəfindən imzalanan fərmanı qeyd etmək istərdim. Bu çox böyük əhəmiyyət kəsb edən bir sənəddir. Bundan başqa, cari ildə üçüncü özəlləşdirmə prosesinin başlayacağı da gözlənir. Digər tərəfdən, qeyri-neft sektorunun inkişafı və məhsuldarlığın artım tempi bizdən asılı olan bir məsələdir. Beynəlxalq iqtisadi təşkilatlar da belə qiymətləndirir ki, Azərbaycan qarşıya qoyulan islahatları həyata keçirərsə, bu, 2017-2018-ci illər üçün ÜDM-də öz ciddi müsbət effektini tapacaq".

Vidadi ORDAHALLI

DİGƏR XƏBƏRLƏR

Tarix: 10.05.2026 / 11:58

Qeyri-adi yetənəyi ilə məşhurlar siyahısına düşən soydaşımız - Günay Həsənova

Tarix: 09.05.2026 / 06:39

Bu gün QƏLƏBƏ günüdür

Tarix: 09.05.2026 / 06:14

İran BMT-yə çağırış etdi - “ABŞ-ı qınayın”…

Tarix: 09.05.2026 / 06:04

Trampı tabutda təsvir etdi, altına “kaş ki…” yazdı - Ağ Ev şokda…

Tarix: 06.05.2026 / 14:30

Türk Dünyasında İnteqrasiya və Texnoloji dönüş: Bakıda strategiya və qardaşlıq vurğusu

Tarix: 06.05.2026 / 08:39

Meloni “deepfake”i “təhlükəli silah” adlandırdı - zarafatından da qalmadı

Tarix: 06.05.2026 / 08:29

Pentaqonun delfin-kamikadzeləri? - Hegseth inkar etmədi…

Tarix: 06.05.2026 / 08:09

Moskva Qələbəni “İD məğlubiyyəti” ilə keçirəcək - İnternetsiz…

Tarix: 06.05.2026 / 07:56

ABŞ müharibəyə “qaldığı yerdən” davam edəcək - İranla danışıqlar uğursuz olarsa…

Tarix: 06.05.2026 / 07:41

İran BƏƏ-yə hücum iddialarını rədd edir - "dağıdıcı və təəssüf doğuran cavab" gündəmdə…

Tarix: 05.05.2026 / 21:37

Arxiyepiskop tərəfdarları səsini Makrona çatdıra bilmədi - Gümrüdə…

Tarix: 04.05.2026 / 17:22

Tenderlərin MMC-lər arasında şübhəli "ötür-ötürü" ölkəni bürüyüb - Bakı İH nümunəsi...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.05.2026 / 17:38

Prezident İlham Əliyev və Mehriban Əliyeva Şükürbəyli kəndinə köçən sakinlərlə görüşdü - FOTO/YENİLƏNDİ

Tarix: 07.05.2026 / 22:18

Gürcüstanla Rusiya Zəngəzur dəhlizinə alternativ hazırlayır - qonşumuzdan yeni davranış...

Tarix: 07.05.2026 / 17:18

Azərbaycandan keçən yollar Avrasiyada müharibələrdən təsirlənməyən yeganə marşrut oldu...

“Böyük qayıdış” müasir şəhərsalma mədəniyyətinə böyük töhfələr verir...