Mətbuat Şurasında tanınmış jurnalist Təbriz Vəfalının memarlıq işlərindən ibarət sərgi açılıb

Tarix: 20.04.2016 / 01:53
Bölmə: Gündəm

MŞ sədri Əflatun Amaşov jurnalist-memarı Şuranın diplomu ilə təltif etdi

Çoxlarımızın 40 yaşımızı təntənə ilə keçirməyə hünərimiz çatmır, bu yaşın üstündən sükutla keçməyə çalışırıq. Belə bir deyim var ki, 40 yaşı qeyd etməyin düşəri-düşməzi olur. Qətiyyən hissə qapılmağın tərəfdarı deyiləm. Düşünürəm ki, digər yuvarlaq yaş hədləri kimi 40 yaşı da böyük ruh yüksəkliyi ilə qeyd etməliyik. Tanınmış jurnalist, "Həftə içi" qəzetinin redaktoru, tədqiqatçı, şair-yazıçı, memar Təbriz Vəfalı aprelin 13-də 40 yaşı arxada qoyub.

Aprelin 19-u Azərbaycan Mətbuat Şurasında Təbriz Vəfalının memarlıq işlərindən ibarət sərginin açılışı oldu. Jurnalistik fəaliyyətlə paralel olaraq memarlıq işləri hazırlayan Təbriz Vəfalı sərgini 40 yaşına həsr etdiyini qeyd etdi. Respublikanın tanınan qələm adamlarının, memarın ailəsinin, dostlarının iştirak etdiyi sərgidə T.Vəfalının son aylar ərsəyə gətirdiyi çeşidli əsərləri təqdim edildi.

T.Vəfalının sərgisində Azərbaycan həyatını, kənd ab-havasını, məişət dünyasını əks etdirən memarlıq işləri ilə yanaşı, mənəvi dəyərlərimizi, milli, dini dünyagörüşümüzü özündə ehtiva edən memarlıq nümunələri də sərgilənirdi.

Ekspozisiyada yer alan məscidlər silsiləsi, müqəddəs Kəbə evi, qədim rus evi, ferma, odun doğranması mənzərəsi, qalalar, istehkamlar, müxtəlif məişət əşyaları konfet, meyvə qabları, güldanlar və digər memarlıq işləri diqqətimizi cəlb etdi. Təbrizin bu maraqlı işləri nəinki Azərbaycanda, eləcə də bir neçə xarici ölkədə populyardır. Onu da bildirək ki, T.Vəfalı olduqca istedadlı insandır və ərsəyə gətirdiyi hər bir iş Azərbaycanın təbliğinə həsr edilib.

T.Vəfalının sərgisini giriş sözü ilə açan Mətbuat Şurasının sədri, millət vəkili Əflatun Amaşov sərginin əhəmiyyətindən danışdı. Ə.Amaşov qeyd etdi ki, T.Vəfalı 27 ildir media sahəsində çalışır və üç ildən sonra onun mətbuata gəlişinin 30 ili tamam olacaq. Şura sədri T.Vəfalının 5 ildir memarlıq işləri düzəltdiyini və indiyə qədər 5 min işin müəllifi olduğunu qeyd etdi. Ə.Amaşov Mətbuat Şurasında açılan sərgidə T.Vəfalının 50 memarlıq işinin nümayiş olunduğunu dedi: "T.Vəfalı Azərbaycan mətbuatında tanınan imza sahiblərindən biridir. Eyni zamanda da şeirlər, povestlər yazır, çox az adam bilir ki, onun sözlərinə həm Azərbaycanda, həm də xaricdə mahnılar bəstələnib. 5 ildir memarlıq işləri düzəldir və bu illər ərzində 5 mindən artıq memarlıq işinin müəllifi olub. Onun memarlıq işlərində bizim milli-mənəvi dəyərlərimiz əksini tapıb. İndiyə qədər Təbriz müəllimin sərgiləri açılıb, yanılmıramsa Şurada açılan sərgi T.Vəfalının sayca üçüncü sərgisidir".

Ə.Amaşov qeyd etdi ki, T.Vəfalı indiyə qədər bir neçə diplom, mükafat alıb. Şura sədri T.Vəfalını Azərbaycan Mətbuat Şurasının diplomu ilə təltif etdi.

Azərbaycan Mətbuat Şurasının sədr müavini, "İki sahil" qəzetinin baş redaktoru Vüqar Rəhimzadə də çıxışında bildirdi ki, T.Vəfalının jurnalistikada xidmətləri çoxdur. V.Rəhimzadə vurğuladı ki, jurnalistin memarlıqla da məşğul olması diqqətçəkəndir. Memarlıq işlərinin böyük zəhmət hesabına ərsəyə gəldiyini deyən baş redaktor dedi ki, T.Vəfalının memarlıq işlərində milli ruh, əhval, çalarlar öz əksini tapıb.

Jurnalistlərin Həmkarlar İttifaqının sədri Müşfiq Ələsgərli isə T.Vəfalının memarlıq fəaliyyətindən xəbərsiz olduğunu bildirdi. T.Vəfalıya uğurlar arzu edən M.Ələsgərli bildirdi ki, onun jurnalistik fəaliyyəti ilə yaxından tanışdır.

Sonda T.Vəfalı sərginin təşkilində böyük rolu olan Mətbuat Şurasının sədri, millət vəkili Əflatun Amaşova təşəkkürünü bildirdi. O qeyd etdi ki, memarlıq işlərini maddiyyat naminə hazırlamır.

Bunun sırf yaradıcılıq işi olduğunu vurğulayan T.Vəfalı nəzərə çatdırdı ki, indiyə qədər bir neçə ölkədən memarlıq işlərinin satışı üçün dəvət alıb, lakin o, əsərlərini satmayıb. Azərbaycana, azərbaycançılığa, ana vətənimizə xidmət etdiyini deyən T.Vəfalı bildirdi ki, sərgini 40 yaşına ithaf edib.

"Bakı-Xəbər" qəzeti kollektivinin adından T.Vəfalını təbrik edir, ona yeni-yeni yaradıcılıq uğurları arzulayırıq.

İradə SARIYEVA

DİGƏR XƏBƏRLƏR

Tarix: 10.05.2026 / 11:58

Qeyri-adi yetənəyi ilə məşhurlar siyahısına düşən soydaşımız - Günay Həsənova

Tarix: 09.05.2026 / 06:39

Bu gün QƏLƏBƏ günüdür

Tarix: 09.05.2026 / 06:14

İran BMT-yə çağırış etdi - “ABŞ-ı qınayın”…

Tarix: 09.05.2026 / 06:04

Trampı tabutda təsvir etdi, altına “kaş ki…” yazdı - Ağ Ev şokda…

Tarix: 06.05.2026 / 14:30

Türk Dünyasında İnteqrasiya və Texnoloji dönüş: Bakıda strategiya və qardaşlıq vurğusu

Tarix: 06.05.2026 / 08:39

Meloni “deepfake”i “təhlükəli silah” adlandırdı - zarafatından da qalmadı

Tarix: 06.05.2026 / 08:29

Pentaqonun delfin-kamikadzeləri? - Hegseth inkar etmədi…

Tarix: 06.05.2026 / 08:09

Moskva Qələbəni “İD məğlubiyyəti” ilə keçirəcək - İnternetsiz…

Tarix: 06.05.2026 / 07:56

ABŞ müharibəyə “qaldığı yerdən” davam edəcək - İranla danışıqlar uğursuz olarsa…

Tarix: 06.05.2026 / 07:41

İran BƏƏ-yə hücum iddialarını rədd edir - "dağıdıcı və təəssüf doğuran cavab" gündəmdə…

Tarix: 05.05.2026 / 21:37

Arxiyepiskop tərəfdarları səsini Makrona çatdıra bilmədi - Gümrüdə…

Tarix: 04.05.2026 / 17:22

Tenderlərin MMC-lər arasında şübhəli "ötür-ötürü" ölkəni bürüyüb - Bakı İH nümunəsi...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.05.2026 / 17:38

Prezident İlham Əliyev və Mehriban Əliyeva Şükürbəyli kəndinə köçən sakinlərlə görüşdü - FOTO/YENİLƏNDİ

Tarix: 07.05.2026 / 22:18

Gürcüstanla Rusiya Zəngəzur dəhlizinə alternativ hazırlayır - qonşumuzdan yeni davranış...

Tarix: 07.05.2026 / 17:18

Azərbaycandan keçən yollar Avrasiyada müharibələrdən təsirlənməyən yeganə marşrut oldu...

“Böyük qayıdış” müasir şəhərsalma mədəniyyətinə böyük töhfələr verir...