Yaralı hərbçilərimizin döyüş ruhu yüksəkdir

Tarix: 19.04.2016 / 01:45
Bölmə: Gündəm

Bu il aprelin ilk günlərində Qarabağ cəbhəsində düşmənin törətdiyi təxribatlar nəticəsində vəziyyətin gərginləşməsi ordumuz və bütövlükdə cəmiyyətimiz üçün bir sınaq məqamı oldu. Son döyüşlərdə Silahlı Qüvvələrimiz öz döyüş qabiliyyətini nümayiş etdirdi. Azərbaycan zabiti və əsgəri düşmənin deyil, onun qoruduğu ön mövqelərin keçilməz olduğunu canı və qanı ilə isbatladı.

Ordumuzun düşmənlə təmas xəttində qazandığı uğurlar ölkəmizdə böyük bir coşqu yaratdı. Cəmiyyətimizin bütün təbəqələri, habelə xaricdə yaşayan həmvətənlərimiz vahid hədəf uğrunda həmrəylik göstərməyi bacardı.

Bu gün şəhid ailələrinin, yaralı hərbi qulluqçularımızın və düşmənin hərbi təcavüzündən zərər çəkmiş mülki vətəndaşlarımızın bizim diqqət və qayğımıza ehtiyacı var. Sevindirici haldır ki, istər dövlət rəhbərliyi səviyyəsində, istərsə də sadə vətəndaşlar tərəfindən belə bir münasibətin şahidi oluruq. Şəhidlərin dəfnində müşahidə etdiyimiz qələbəlik, bu vətən fədailərinə son mənzilə yola salınarkən göstərilən ehtiram, habelə yaralanmış döyüşçülərimizə mənəvi dəstək, onların müalicə olunduğu hərbi hospitallara gələnlərin arası kəsilməyən axını qürur doğuran gerçəklikdir.

Respublikamızın veteran təşkilatları da son döyüşlərlə bağlı xalqımızın həmrəyliyinə qoşularaq ordumuza mənəvi dəstəyini ifadə edib. Ölkəmizdə ordu quruculuğunda xidmətləri olan, ərazi bütövlüyümüz uğrunda döyüş yolu keçmiş veteranların belə həssas məqamda nümayiş etdirdiyi vətəndaşlıq mövqeyi təqdirəlayiqdir.

10 ildən çox müddətdir fəaliyyət göstərən, gənclərin vətənpərvərlik tərbiyəsi missiyasını uğurla yerinə yetirən Daxili İşlər Nazirliyi Daxili Qoşunlarının Veteranlar Şurası son aprel döyüşləri günlərində öz üzvlərinin yığıncağını keçirərək Daxili Qoşunlar komandanına yenidən silaha sarılmağa hazır olduğunu ifadə edən müraciət ünvanlayıb. Daxili Qoşunların veteranları ön cəbhədə onların döyüş və xidmət təcrübəsindən istifadə olunması təşəbbüsü ilə çıxış ediblər. Son iki həftə ərzində Daxili Qoşunlar veteranlarının hərbi kollektivlərdə keçirdiyi görüşlər daha intensiv xarakter alıb. Bu görüşlərdə şəhidlik zirvəsi, döyüşçü qardaşlığı, müharibənin sərt reallıqları, hərbi andın müqəddəsliyi, ordumuzun inkişaf və formalaşma salnaməsi, Daxili Qoşunların döyüş təcrübəsi, milli qəhrəmanlarımız mövzularında geniş məzmunlu söhbətlər aparılıb.

Aprelin 17-də Daxili Qoşunlar veteranlarının bir qrupu Müdafiə Nazirliyinin Mərkəzi Hərbi Hospitalında müalicə olunan yaralı hərbi qulluqçularımıza baş çəkdi. Daxili Qoşunların Veteranlar Şurasının sədri Murad Mürsəlov, veteranlar Səfxan Bayramov, Elxan Mirzəyev, Beytulla Baxşıyev, Əlixan Bünyadov və onlarla birgə bu yazının müəllifi olaraq mən hərbi hospitalın ayrı-ayrı palatalarında olduq. Görüşünə getdiyimiz yaralı hərbi qulluqçulara müəyyən sovqat və Daxili Qoşunların "Əsgər" qəzetinin sonuncu sayından nüsxələr aparmışdıq. "Əsgər" qəzetinin həmin sayında DQ Veteranlar Şurasının ön cəbhədəki vəziyyətlə bağlı müraciəti, eləcə də veteran şairimiz Elxan Xəzərin cəsur döyüşçülərimizə həsr etdiyi şeirləri dərc olunub.

Vətən yolunda öz fədakarlığını əsirgəməyən bu ləyaqətli oğullarla görüşümüz çox nikbin ovqatda keçdi. Azərbaycanın müxtəlif bölgələrindən hərbi xidmətə çağırılan, ayrı-ayrı hərbi rütbələrin daşıyıcısı olan bu ərənlərin vətən sevgisi, qorxmazlığı rəğbət doğurmaya bilməz. Yaralanma dərəcəsindən asılı olmayaraq, onların hər birinin döyüş ruhu yüksəkdir. Söhbətlərdə "biz sağalıb səngərdəki qardaşlarımızın yanına dönmək istəyirik" fikri xüsusi vurğulanırdı. İlk döyüş sınağından keçən bu cəngavərlər 23-24 il bundan əvvəl müharibənin hər üzünü görmüş, acılarını dadmış veteranların o günlərlə bağlı xatirələrini, hərbi xidmətlə əlaqədar tövsiyə və nəsihətlərini maraqla dinlədilər.

Bu döyüşçülər arasında bir neçə il öncə əsgəri xidmətini Daxili Qoşunların sıralarında keçmiş hərbi qulluqçularla da tanış olduq. Daxili Qoşunların veteranı olaraq bundan iftixar hissi yaşadıq. Bu, hərbi xidmətin ilk mərhələsində aparılan mənəvi-psixoloji hazırlığın, mənimsənilən hərbi biliklərin sonrakı təlim prosesi ilə birgə döyüşçülərin yetişdirilməsinə ciddi zəmin yaratdığını göstərir.

Yaralılara baş çəkərkən Mərkəzi Hərbi Hospitalda gördüyümüz müasir standartlara cavab verən şərait, zabit, gizir, çavuş və əsgərlərin qayğı ilə əhatə olunması, hərbi nizam-intizama riayət edilməsi müsbət təəssürat yaratdı. Biz veteranlar hesab edirik ki, döyüş sınaqlarından alnıaçıq çıxan vətənin bu ləyaqətli müdafiəçiləri hərbi xidmətə hazırlaşan gənclərə şərəf, hünər, qeyrət örnəyi göstərdilər. Onları tərbiyə etmiş valideynlərə, müəllimlərə, onlara təlim keçmiş komandirlərə təşəkkürümüzü əsirgəməyək.

Yalçın QAYA

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...