Postneft dövrünün rayon icra başçıları - ayaqlaşa bilməyənlərin gedişi...

Tarix: 05.03.2016 / 00:12
Bölmə: Gündəm

Qulu İsmayılov: "Bu estafet həm də böyük rəqabət və məsuliyyət yaradacaq"

"İcra başçılarının məsuliyyəti gördükləri işlərə və əldə etdikləri nailiyyətlərə uyğun şəkildə müəyyənləşəcək"

Vəzifəli şəxslər qanunu pozursa, vəzifə borclarını yerinə yetirə bilmirsə, mütləq cəzalandırılacaq. Bunu Laçın və Cəbrayıl rayon icra hakimiyyətləri başçılarının Prezident İlham Əliyevin sərəncamı ilə tutduqları vəzifədən azad edilməsinə münasibət bildirən Prezident Administrasiyası rəhbərinin müavini, Ərazi idarəetmə orqanları ilə iş şöbəsinin müdiri Zeynal Nağdəliyev deyib.

O qeyd edib ki, Azərbaycan Respublikasının Prezidenti cənab İlham Əliyev son müşavirədə yerli icra hakimiyyəti orqanlarının rəhbərləri qarşısında mühüm tələblər qoyub və qeyd edib ki, onlar insanlara xidmət göstərməli, əhalinin problemlərini həll etməli, qayğıları ilə yaşamalıdırlar, dövlət məmurları və onların ailə üzvləri özlərini təvazökar aparmalı, xalqla birlikdə olmalıdırlar və məhz bu amillərə görə onların fəaliyyətinə qiymət veriləcək.

Onun sözlərinə görə, əhalidən gələn şikayətlər, aparılan təhlillər göstərib ki, bəzi yerli icra hakimiyyəti orqanlarının rəhbərləri qeyd edilənlərdən nəticə çıxarmamışlar. Buna görə də Laçın və Cəbrayıl rayonlarının icra hakimiyyəti başçıları da məhz elə o səbəbdən cənab Prezidentin müvafiq sərəncamları ilə tutduqları vəzifələrindən azad edilmişlər. Onlar öz fəaliyyətini cənab Prezidentin qarşıya qoyduğu tələblər səviyyəsində qura bilməmiş, vətəndaşların problemlərinə laqeydlik, biganəlik göstərmiş, insanlarla münasibətdə qeyri-səmimilik və kobudluq nümayiş etdirmiş, təvazökarlıqdan uzaq hərəkətlərə yol vermişlər. Z.Nağdəliyev vurğulayıb ki, bu gün vəzifədən azad edilən başçılar amiranəlik, təkəbbürlük, qərəzçilik, tənqidə qarşı dözümsüzlük nümayiş etdirmişlər və nəticədə rayonun problemlərindən uzaq düşmüş, sakinlərin haqlı tələblərinə məhəl qoymamış, əhali arasında nüfuzdan düşmüşlər.

Z.Nağdəliyevin fikrincə, adları qeyd olunan sabiq icra hakimiyyəti başçıları cənab Prezidentin etimadını doğrulda bilməmişlər, daha dəqiq desək, etibarını itirmişlər.

Qeyd edək ki, Prezident İlham Əliyev "Regionların sosial-iqtisadi inkişafı" Dövlət Proqramının ikinci ilinin yekunlarına həsr olunmuş toplantıda vurğulayıb ki, ölkədə heç kəs toxunulmaz deyil, əgər bəzi yüksək vəzifəli şəxslər qanunu pozursa, öz vəzifə borclarını yerinə yetirə bilmirsə, onlar mütləq cəzalandırılacaq.

Artıq bunun ilkin işartıları özünü göstərməyə başlayıb. Hazırkı şəraitdə ölkə yeni iqtisadi model üzrə hərəkət edir. Artıq ölkədə postneft dövrünün tələblərinə uyğun şəkildə uğurlu siyasət yürüdülür. Bu uğurlu siyasətin həyata keçirilməsində icra hakimiyyəti başçılarının məsuliyyəti hansı qaydada müəyyən edilməlidir?

İqtisadçı Qulu İsmayılovun sözlərinə görə, işdən azad edilən başçılarla bağlı rəsmi şəkildə verilən açıqlamadan da göründü ki, Prezident Administrasiyası İlham Əliyevin rəhbər vəzifəli şəxslərin necə davranması ilə bağlı məsələni dərindən araşdırır: "Həmin tövsiyələrə lazım olan səviyyədə əməl etməyənlərlə bağlı müvafiq tədbirlərin görüldüyü və gələcəkdə də görüləcəyinə dair siyasi iradənin olması nəzərə çarpır. Ancaq yadınızdadırsa, Prezident yerli icra başçılarının qarşısında yalnız etik normalara uyğun davranışla bağlı məsələ qoymayıb. Bunu etmək hər bir məmurun vəzifə borcudur. Onlara həmçinin rayonlara sərbəst şəkildə xarici investisiyanın cəlbi ilə bağlı da göstəriş verilib. Təbii ki, hazırda dövlətimizin rayonları dotasiyadan azad etməyə böyük ehtiyacı var. Postneft dövrünün tələbləri də bunu diqtə edir. Artıq rayonlar bu marafona qoşulublar. Yeni iqtisadi dövr üçün xarakterik olan məsələlərdən biri də qeyri-neft sektorunun inkişafıdır. Bunun üçün də icra başçıları rayonlarda kənd təsərrüfatının və fermerlərin inkişafına böyük önəm verməlidir. Bu estafet həm də böyük rəqabət və məsuliyyət yaradacaq. İcra başçılarının da məsuliyyəti gördükləri işlərə və əldə etdikləri nailiyyətlərə uyğun şəkildə müəyyənləşəcək".

Məhəmmədəli QƏRİBLİ

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...