İctimaiyyət-polis münasibətlərinə dair yeni struktur geniş rezonans doğurub

Tarix: 04.03.2016 / 02:55
Bölmə: Gündəm

Mehman Muradlı: "Vətəndaş evində oturub və qonşu onu əsassız yerə narahat edirsə..."

"Bu istiqamətdə maarifləndirməyə böyük önəm verilsə, yeni qanunlardan irəli gələn müddəaların prosesə yalnız müsbət təsiri olacaq"

Prezident İlham Əliyev "İctimai asayişin qorunmasında vətəndaşların iştirakının təmin edilməsi barədə" Fərman imzalayıb. Fərman qanunçuluğun və hüquq qaydasının qorunmasında vətəndaşların geniş iştirakının təmin edilməsi, polis orqanlarına ictimai dəstəyin təşviqi, polis-vətəndaş münasibətlərinin daha da möhkəmləndirilməsi məqsədilə verilib.

Sənədlə "İctimai asayişin qorunmasında vətəndaşların iştirakı Qaydası" təsdiqlənib.

Nazirlər Kabinetinə Azərbaycan Respublikası Prezidentinin aktlarının bu fərmana uyğunlaşdırılması ilə bağlı təkliflərini üç ay müddətində hazırlayıb Prezidentə təqdim etmək, Nazirlər Kabinetinin normativ-hüquqi aktlarının bu fərmana uyğunlaşdırılmasını üç ay müddətində təmin edib Azərbaycan Respublikasının Prezidentinə məlumat vermək, mərkəzi icra hakimiyyəti orqanlarının normativ-hüquqi aktlarının bu fərmana uyğunlaşdırılmasını nəzarətdə saxlamaq və bunun icrası barədə beş ay müddətində Azərbaycan Respublikasının Prezidentinə məlumat vermək, ictimai asayişin qorunmasına vətəndaşların cəlb edilməsi ilə bağlı zəruri maliyyə və maddi-texniki təminat məsələlərini, bu fərmandan irəli gələn digər məsələləri həll etmək tapşırılıb.

Daxili İşlər Nazirliyinə vətəndaşların ictimai asayişin qorunmasında iştiraka cəlb edilməsi üçün zəruri tədbirlər görmək tapşırığı verilib.

Ədliyyə Nazirliyinə mərkəzi icra hakimiyyəti orqanlarının normativ-hüquqi aktlarının və normativ xarakterli aktların bu fərmana uyğunlaşdırılmasını təmin edib Nazirlər Kabinetinə məlumat vermək tapşırılıb.

Bu fərmanın ictimai asayişin qorunmasına nə kimi təsiri olacaq?

Hüquqşünas Mehman Muradlının sözlərinə görə, vətəndaşlarımızın bu prosesdə iştirakı olduqca zəruridir: "Biz sovetlər dövründə yaşayanda belə bir sistem vardı. Polisə könüllü kömək edənlərin adına "drujinniklər" deyirdilər. Çox böyük effekti olurdu. Quruluş dağılandan sonra həmin təcrübədən, demək olar ki, istifadə olunmadı. Düzdür, hüquq-mühafizə orqanları işlərini agentura ilə yaxşı qura bilir, ancaq bu, cinayətlərin açılması və nəzərdə tutulan, planlaşdırılan kriminal əməllərin qarşısının alınması baxımından önəmlidir. İctimai asayişin qorunmasında isə sadə vətəndaşların iştirakı çox vacibdir. Dünyanın ən inkişaf etmiş ölkələrində bu praktikadan istifadə olunur. Nəticəsi də çox gözəldir. Hər vətəndaş öz ictimai məsuliyyətini dərk etməlidir. Anlamalıdır ki, belə əməllərdə pis nəsə yoxdur. Orta məktəblərdən başlayaraq bu istiqamətdə maarifləndirmə aparılmalıdır. KİV-lər prosesə aktiv dəstək verməlidir ki, ictimai asayişin qorunması istiqamətində polislə əməkdaşlıq etmək istəyənlər təklikdə qalmasın. Belə olacağı təqdirdə onlara kənardan psixoloji təsir edilə bilməyəcək. Məsələn, bununla bağlı Avropanın inkişaf etmiş ölkələrinin praktikasından bir misal çəkə bilərəm. Vətəndaş evində oturub və qonşu onu əsassız yerə narahat edirsə, o gedib həmin adamın qapısını döyüb irad bildirmir. Birbaşa polisə zəng edir. Əslində, bu pis hal deyil. Çünki ictimai asayişin qorunmasına insanları polis dəvət etməlidir. Bu istiqamətdə maarifləndirməyə böyük önəm verilsə, yeni qanunlardan irəli gələn müddəaların prosesə yalnız müsbət təsiri olacaq".

Məhəmmədəli QƏRİBLİ

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...