Şou-biznesimizin insan alveri ilə bağlılığı yenidən gündəmdə...

Tarix: 04.02.2015 / 01:11
Bölmə: Mədəniyyət

Əli Mirəliyev: "Müğənnilərin adının insan alverində hallanması təəssüf doğurur"

Telman Ələkbərov: "Bəzi müğənnilər məşhurluğundan istifadə edərək çirkli bizneslərini qurur və çirkli pullar qazanır"

Bu günə qədər ölkədə baş verən bir sıra səs-küylü cinayətlərin arxasında tanınmış şou-biznes nümayəndələrinin adı hallanıb. Hazırda şou-biznes aləmindən olan bir neçə şəxsin insan alverində ittiham olunması geniş ictimai rezonans doğurub.
Xatırladaq ki, bir neçə gün öncə insan alverində günahlandırılan prodüser Vəfa Məmmədova Nərimanov Rayon Məhkəməsinin qərarına əsasən iki ay müddətinə həbs olundu.
Qeyd edək ki, V.Məmmədova tanınmış müğənni Nüşabə Ələsgərlinin prodüseri idi.
Fevralın 2-də müğənni Maral Tahirqızı da insan alverində təqsirləndirilərək Xətai Rayon Polis İdarəsində ifadə verib. Son bir həftə ərzində iki şou-biznes nümayəndəsi barəsində eyni ittiham səslənir - insan alveri.
Hər gün televiziya ekranlarında villalarının, bahalı "inomarka" avtomobillərinin qiymətini şəstlə dilə gətirən, tamaşaçı qarşısında özünü reklam edən müğənniləri görəndə hər normal insanda belə bir sual yaranır: görəsən, bu qədər var-dövlət bunlarda hardandır? Deməli ki, bəziləri "qara biznes"lə məşğuldur. Təbii ki, burada bir neçə adama görə
bütün şou-biznesin adını ləkələmək olmaz. Amma etiraf etmək lazımdır ki, bu günə kimi şou-biznes aləminin bir sıra tanınmış siması məhz insan alverində ittiham olunub. Bir müğənninin anası və bacısı qadın alverinə görə həbs edilib, bir başqası birbaşa özü insan alverində ittiham olunub, digərinin xarici ölkədə bu işlə məşğul olması haqda xəbərlər yayılıb. Yəni bu gün Azərbaycan şou-biznesinin bəzi nümayəndələri kriminal işlərlə məşğuldur. Hüquq-mühafizə orqanlarının apardığı uğurlu iş nəticəsində bu cinayətlərin üstü açılır.
Məsələ ilə bağlı fikir bildirən tanınmış müğənni Əli Mirəliyev qeyd etdi ki, müğənnilərin adının insan alverində hallanması təəssüf doğurur: "Ayıb olsun həmin insanlara. İnsan alveri ilə məşğul olan normal insan ola bilməz. Bu gün Azərbaycan musiqisini bu insanlar pis günə salıb. O insanlara görə müsiqi və mədəniyyətə hörmət qoyulmur. O ki qaldı Maralın istintaqa cəlb olunmasına, mən bu barədə heç nə deyə bilmərəm. Maral haqqında nə deyim ki? O, oxuyan deyil axı. Sadəcə, sosial şəbəkə vasitəsilə məşhur olub. Səsi yox, avazı yox. Sadəcə özü-özünü tərifləyir ki, guya zil səsli müğənnidir. Zil səsli müğənnilər heç özünü elə tərifləmir".
Müsiqişünas Telman Ələkbərovun sözlərinə görə, insanların öz populyarlığından istifadə etməsi halı dünyanın hər yerində var: "Azərbaycanda bir az da artıqdır. Görürsən, bir müğənni yol hərəkəti qaydasını pozur, amma yol polisi ona güzəşt edir, deyir, "xalqımızın sənətkarıdır, saxlayası deyilik ki?!". Müğənnilər də göstərilən bu hörmətdən sui-istifadə edir. Xarici ölkələrdə narkotik istifadəçisinin tanınmış və ya qeyri-tanınmış olmasına baxmadan cinayət əməlində iştirakı olanları həbsə alırlar.
Dəfələrlə müşahidə etmişik ki, Türkiyədə bir çox tanınmış sənətçilər, aktyorlar, müğənnilər narkotik vasitələrdən qanunsuz istifadəyə görə həbs edilib. Bizdə də bir-iki dəfə belə hallar olub, amma əksər hallarda repçilərlə bağlı. Mərhum Hüseyn Dərya, səhv etmirəmsə, Elşad Xose də narkotik vasitələrdən qanunsuz istifadəyə görə məsuliyyətə cəlb edilib. Təsəvvür edin ki, bu insanlarla bağlı hansı danılmaz faktlar olub ki, artıq hüquq-mühafizə orqanları onları məsuliyyətə cəlb etməkdən vaz keçə bilməyib. Polis onların hamısına nəzarət edəsi deyil. Sadəcə, bu insanlar məşhurluğundan istifadə edərək çirkli biznesini qurur və çirkli pullar qazanır. Efirdə isə özlərini aydan arı, sudan duru kimi təqdim edərək camaatın gözünə kül üfürürlər".

DİGƏR XƏBƏRLƏR

Tarix: 10.10.2026 / 17:17

Mollanəsrəddin lətifələrində memarlıq cizgiləri...

Tarix: 10.10.2026 / 11:07

Yazıçılar Birliyi üzvlük haqqını ödəməyənlərə növbəti dəfə xəbərdarlıq etdi - məsuliyyətli davransınlar...

Tarix: 08.10.2026 / 17:49

Susqun fırçanın ölməz fəryadı: Bəhruz Kəngərlinin rəngli irsi...

Tarix: 08.10.2026 / 17:03

Noyabrın 1-dək üzvlük haqqını ödəməyənlər Yazıçılar Birliyindən xaric edəcək - XƏBƏRDARLIQ...

Tarix: 07.10.2026 / 16:58

HAMAM SANDIĞININ İZİ İLƏ: SƏDİDƏN ŞƏKİYƏ, POEZİYADAN MADDİ MƏDƏNİYYƏTƏ

Tarix: 07.10.2026 / 07:03

Ustad aşıq Hüseyn Saraçlının 110 illik yubileyinə həsr olunan beynəlxalq elmi konfrans keçiriləcək

Tarix: 06.10.2026 / 22:01

Nizaminin qəzəli, Xətainin türkcə şeirləri hələ də Ermənistanda əsir saxlanılır...

Tarix: 06.10.2026 / 14:14

Beynəlxalq memarlıq arenasında Azərbaycan memarlığının yeri və rolu: Tarixi irslik və müasir parametrlər...

Tarix: 05.10.2026 / 21:34

Afina ilə Londonun “incəsənət davası” Azərbaycanın da sərvətlərini yada saldı...

Tarix: 03.10.2026 / 15:15

Faiq Ələkbərlinin Türk fəlsəfəsinə həsr olunmuş əsərinə dair düşüncələrim

Tarix: 30.09.2026 / 22:20

Dağlıq ərazilərdə unudulmuş və dağılmış Alban məbədlərinin bərpası gündəmdə...

Tarix: 29.09.2026 / 11:02

Şair-publisist Dəyanət Osmanlının yeni nəşrləri oxuculara təqdim edilib

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 08.10.2026 / 18:55

Erməni təcavüzündən hələlik 32 kütləvi məzarlıq qalıb - Xarici dipkorpusun mövqeyi...

Tarix: 08.10.2026 / 18:27

Prezident Əliyevin məntiqi - “Belə nankor qonşusu olanlar daim öz hərbi gücünü artırmalıdır...”

Tarix: 08.10.2026 / 15:19

1000-5000 pensiya alanların artımı nə qədər olacaq?..

Dövlətçilik tarixinə siyasi-ideoloji baxış, milli-mədəni mühitin mühafizəsi...