“Azərbaycanda terror hazırlıqları DTX-nın əməkdaşlar tərəfindən vaxtında zərərsizləşdirilib”
Azərbaycanda müvafiq qurumlarla birgə planlı şəkildə işlər aparılır ki, azərbaycanlı gənclər səhv yollara uyub getməsinlər. Trend-in məlumatına görə, bunu Dövlət Təhlükəsizliyi Xidmətinin rəisi Mədət Quliyev deyib.
M.Quliyev bildirib ki, Azərbaycan sivil dövlətdir, böyük sürətlə və tərəqqi ilə inkişaf edən dövlətdir: "Xalqımız möhtərəm Prezident ətrafında sıx birləşib, idman, mədəniyyət, incəsənət artıq Azərbaycanı bütün dünyada tanıtdırır. Belə bir dövlətdə gedib qara-qara işlərlə məşğul olmaq təbii ki, yaxşı hal deyil".
“Azərbaycanda da xeyli sayda terrora cəhd hazırlığı görənlər olub” deyən M.Quliyev bildirib ki, terror hazırlıqları DTX-nın əməkdaşlar tərəfindən vaxtında zərərsizləşdirilib: "Azərbaycanın hüquq-mühafizə orqanları bu gün dövlət başçısının tələblərini yerinə yetirərək bu kimi cəhdlərin qarşını vaxtında ala bilirlər".
“Azərbaycanda dövlətə xəyanət edən hərbçilərin istintaqı davam etdirilir”. Bunu da Dövlət Təhlükəsizlik Xidmətinin rəisi deyib. DTX rəisi qeyd edib ki, hərbi qulluqçuların dövlətə xəyanət etməsi ilə bağlı görülən işlər məxfi olduğuna görə ətraflı məlumat vermək düzgün deyil: "Bu istiqamətdə hər zaman işlər görülür. Təbii ki, bir sıra dövlətlər bu kimi yırtıcı cəsusları işlədir. Dövlətin hüquq-mühafizə orqanları bununla mübarizə aparır".
M.Quliyev rekert jurnalistlərin həbsi ilə bağlı məsələyə də münasibət bildirib: "5-6 ildə belələri respublikada çox idi. Bunların da qarşısı alınır".
