Xələf Xələfov isə…
Bu gün Bakıda Milli Məclis, AvroNest Parlament Assambleyasının Sosial məsələlər, təhsil, mədəniyyət və vətəndaş cəmiyyətləri üzrə komitəsi, Əhali və İnkişaf üzrə Avropa Parlament Forumunun və BMT-nin Azərbaycandakı ofisinin birgə təşkilatçılığı ilə “Dayanıqlı İnkişaf Məqsədləri üzrə gender bərabərliyinin və qadın sağlamlığının təşviqinə dair Şərq Tərəfdaşlığı ölkələri parlamentlərinin cəlb edilməsi” mövzusunda konfans keçirilir.
Trend-in məlumatına görə, tədbirdə çıxış edən Azərbaycanın AvroNest PA-da nümayəndə heyətinin rəhbəri Fuad Muradov bildirib ki, Ermənistan Azərbaycan torpaqlarının 20 fazini işğal edib. Həmin ərazilər 25 ildir ki, işğal altında saxlanılır.
Onun sözlərinə görə, Ermənistanın Azərbaycan torpaqlarını işğalda saxlaması uğur əldə etməyimizə mane olan əsas səbəblərdən biridir: “1 milyondan çox azərbaycanlı qaçqın və məcburi köçkündür. Onlardan 50 faizini qadın, 5 faizini isə uşaqlar təşkil edir. Məqsəd Dayanıqlı İnkişaf Məqsədlərinin həyata keçirilməsində hər bir təşkilatın öz vəzifəsini yerinə yetirməsidir”.
F.Muradov qeyd edib ki, AvroNest Parlament Assambleyası çərçivəsində ildə bir neçə dəfə tədbir keçirilir: "İnanıram ki, bugünkü tədbirlərimizdə müzakirələr aparılacaq və bu, gələcək fəaliyyətimizə təsir göstərəcək".
Milli Məclisin vitse-spikeri Bahar Muradova isə bildirib ki, Azərbaycan müstəqilliyini əldə etdikdən sonrakı ötən müddətdə mühüm nailiyyətlər əldə edib: "Ölkəmiz iqtisadi inkişaf üçün mühüm şəraitin yaradılması, yaxın və uzaq ölkələrlə əlaqələrin qurulması sahəsində ciddi işlər görüb və çox məsuliyyətli tərəfdaş olduğunu sübut edib".
Belə bir tədbirin Azərbaycanda keçirilməsinin olduqca əhəmiyyətli olduğunu deyən vitse-spiker qeyd edib ki, Dayanıqlı İnkişaf Məqsədlərinin inkişafının əsasında sağlam həyat, sağlam ekoloji mühit dayanır.
Onun sözlərinə görə, qadınlar, uşaqlar və onların problemləri istənilən cəmiyyət üçün prioritet təşkil edir: "Azərbaycan bu gün Dayanıqlı İnkişaf Məqsədlərinə nail olma sahəsində konkret nəticələrə malikdir və Dayanıqlı Inkişaf Məqsədlərinə nail olmaq üçün konkret işlər görüb. Bizim imkanlarımız, resurslarımız imkan verir ki, problemləri həll edək. Lakin bəzən bizdən asılı olmayan bəzi problemlər onların həllinə, qarşımıza çıxan çağırışlara nail olmağa imkan vermir”.
Bütün parlament nümayəndələrini fəal olmağa çağıran B.Muradova qeyd edib ki, Azərbaycan təcrübəsinin ölkələr arasında yayılması da önəmli olar.
Azərbaycan Avropa İttifaqının (Aİ) etibarlı tərəfdaşıdır və Aİ ilə ümumi maraqlara söykənən əməkdaşlığa önəm verir. Bunu isə Azərbaycanın xarici işlər nazirinin müavini Xələf Xələfov deyib.
Onun sözlərinə görə, Azərbaycan Aİ-nin enerji sahəsində strateji tərəfdaşıdır: "Mövcud əməkdaşlığın daha da geniçşləndirilməsi hər iki tərəfin maraqlarına xidmət edir. Ermənistan Aİ-nin Şərq Tərəfdaşlığı Proqramının üzvü olaraq, torpaqlarımızın 5-də birini işğal altında saxlayır. Ermənistan işğal altındakı torpaqlarımızda abidələrimizi, məscidlərimizi talan edir. Ermənistan işğal edilmiş ərazilərimizdə məskunlaşma siyasəti aparır, demoqrafik vəziyyətin dəyişməsinə çalışır. Xarici ölkələr bu siyasətə uymamamlıdırlar”.
X.Xələfov qeyd edib ki, Azərbaycan Ermənistan-Azərbaycan, Dağlıq Qarabağ münaqişəsinin tezliklə həllində maraqlıdır: “Biz səylərimizin dünya birliyi tərəfindən dəstəklənəcəyinə ümid edirik.
Azərbaycan gender bərabərliyi sahəsində yaxşı irəliləyişlərə nail olub. Azərbaycan qanunvericliyi qadınlara qarşı bütün növ ayrı-seçkiliyin aradan qaldırılmasına imkan verir. Bunu BMT-nin Azərbaycandakı Rezident Əlaqələndiricisi və BMTİP-in Rezident Nümayəndəsi Qulam İsakzai deyib.
Onun sözlərinə görə, heç bir qadın, uşaq diqqətdən kənarda qalmalı deyil və cəmiyyətin bütün tələbləri bunda nəzərə alınmalıdır: “Hökumətlərdən, parlamentlərdən xahiş olunur ki, birləşsinlər və insanların ehtiyaclarına cavab verən, siaysi məfkurədən uzaq qanunlar qəbul etsinlər. Əsl dəyişikliyə nail olmaq üçün gender bərabərliyi diqqətdə olmalıdır. Mən dayanlıqlı inkişaf üçün Azərbaycan Prezidentinin göstərdiyi səyləri alqışlayıram. Azərbaycanda Dayanıqlı İnkişaf üzrə Milli Əlaqələndirmə Şurası yaradılıb. Bu şura yüksək səviyyəli hesabat hazırladı. Şadıq ki, Azərbaycanın hesabatında əsas mesajlardan biri gender bərabərliyi idi”.
