Ermənistan XİN başçısının müavini Şavarş Köçəryan Nalbandyanın Qarabağ nizamlanması üzrə səsləndirdiyi son bəyanat ətrafında yaranmış ajiotajı anlamır.
Baki-xeber.com-un xəbərinə görə, bu barədə o, Nalbandyanın Ermənistanın Dağlıq Qarabağ ətrafındakı əraziləri qaytarmağa hazır olduğu barədə fikirlərinin yayılmasının ardından bildirib. Maraqlıdır ki, Köçəryan öz nazirinin sözügedən bəyanatını təkzib etməyə çalışıb. Bildirib ki, “heç kəs heç kəsə heç bir ərazi təslim etməyə hazırlaşmır”. Onun sözlərinə görə, Nalbandyan aprel müharibəsini xatırladaraq iki məsələni qabardıb ki, bunlardan birincisi kifayət qədər geniş və təhlükəsiz dəhliz məsələsidir. “İkinciyə gəldikdə isə, söhbət ərazilərdən gedirsə, Dağlıq Qarabağın tam təhlükəsizliyi təmin olunmalıdır”. Beləliklə, Nalbandyan yalnız müzakirə olunan paketə iki tələb əlavə edib. Sadəcə bu...”- deyə o bildirib.
Xatırladaq ki, bu günlərdə erməni diasporunun Vİ qurultayında çıxışında Ermənistanın XİN rəhbəri edvard Nalbandyan Dağlıq Qarabağ ətrafında ölkəsinin işğal altında saxladıqları rayonları Azərbaycana qaytarmağa hazır olduğunu bildirmişdi.
