Yarım milyard insanı Bakıya yönəldən unikal yarış başladı

Tarix: 18.06.2016 / 01:10
Bölmə: Gündəm

Xarici turistlər yarışdan əvvəl Bakının özünə məftun olduqlarını gizlətmədilər

Dünən Bakıda "Formula 1" üzrə dünya çempionatının 8-ci - Avropa Qran-Pri yarışlarına start verilib. Hər biri iki pilotla təmsil olunan 11 komandanın birincilik uğrunda mübarizə aparacağı yarış trekinin uzunluğu 6 kilometrdir. Bakı Şəhər Halqasında dünyanın ən məşhur pilotları - Luis Hamilton, Fernando Alonso, Niko Rosberq, Sebastian Fettel, Valtteri Bottas və digərləri yarışacaq. Layihənin müəllifi bütün müasir "Formula 1" treklərinin memarı olan Herman Tilkedir.

Trekin ən geniş yerinin eni 13, ən dar hissəsinin eni isə İçərişəhər ətrafında, o cümlədən 7-ci və 8-ci döngələrdə 7,6 metr təşkil edir. Yarışın start və finiş xətti Azadlıq meydanında olacaq. Burada, həmçinin, "Paddok klub", komandaların boksları və pit-leyn qurulub. Ümumən, dünya üzrə azı 500 milyon insan bu yarışmanı izləyəcək.

Yarışı izləmək üçün bir çox ölkələrdən Bakıya turistlər də gəlib. Onlardan bəziləri Azərbaycan haqqında, yarışın təşkilatçılığı ilə bağlı təəssüratlarını bölüşüblər."Bakı şəhəri çox gözəl, sakit və təmiz şəhərdir və burada "Formula 1" yarışmasının keçirilməsi şəhərə tam uyğundur". Bunu "Trend"ə Bakıda "Formula 1" yarışmasını izləməyə gəlmiş britaniyalı turist Enson Berri deyib.

O, ümid etdiyini bildirib ki, Bakı dünyaya möhtəşəm bir şou nümayiş etdirəcək: "Əlbəttə, bu, Azərbaycanın dünyada tanınması üçün çox gözəl bir imkandır. Bakıya gəlməkdən çox şadıq".

"İlk baxışdan Bakıya vuruldum"

Britaniyadan gəlmiş Kets Events isə deyib ki, Bakıda "Formula 1" Avropa Qran Prisi yüksək səviyyədə təşkil edilib. O bildirib ki, Bakı çox gözəl şəhərdir: "Hələ şəhəri gəzmək üçün kifayət qədər vaxtımız olmayıb, ancaq ilk baxışdan Bakını çox bəyəndik. Yarışmadan sonra, təbii ki, Bakını gəzmək, Azərbaycanın milli mətbəxinin dadına baxmaq istəyirik".

Britaniyalı qonaq hesab edir ki, "Formula 1" yarışması Azərbaycan üçün çox əhəmiyyətlidir: "Bu cür yarışlar ölkələri çox tanıdır, çünki dünyada milyonlarla insan bu yarışmanı izləyir. Bakıda keçirilən yarış iştirakçılarının hər birinə uğurlar arzulayıram".

"Bakıya gələnlər bir də gələcək"

İngiltərəli turist Adrian Andrey deyib ki, "Formula 1" yarışması Bakıya gələn turistlərin sayını və ümumilikdə Azərbaycana marağı xeyli artırır. O bildirib ki, Bakı çox gözəl şəhərdir: "Formula 1" Azərbaycanı daha da tanıdacaq. İnanıram ki, bu yarışmanı izləmək üçün Bakıya gələn insanlar yenidən Bakıya turist kimi gələcək və başqa insanların da Azərbaycana gəlməsini təşviq edəcək".

A.Andrey Bakıda möhtəşəm şou izləyəcəyinə inandığını bildirib: "İnanırıq ki, Bakı şousu "Formula 1" tarixində xüsusilə yadda qalacaq".

"Bakıya daha çox turist cəlb olunacaq"

"Bakı gözəl şəhərdir və hesab edirəm ki, "Formula 1" yarışmasının Bakıda keçirilməsi şəhərə daha çox turist cəlb edəcək". Bunu isə "Formula 1" yarışmasını izləyən şotlandiyalı Devid Kembl deyib.

Qonaq qeyd edib ki, bu cür beynəlxalq yarışlar ölkələri dünyada daha yaxşı tanıdır: "Bu baxımdan "Formula 1" yarışının Bakıda keçirilməsi Azərbaycanın dünyada daha yaxşı tanınmasına şərait yaradacaq".

D.Kembl, həmçinin, Bakının təhlükəsiz şəhər olduğunu bildirib.

"Formula 1" Bakının gözəlliyini dünyaya nümayiş etdirəcək"

"Formula 1" yarışması Bakının gözəlliyini dünyaya, o cümlədən Avropaya nümayiş etdirəcək". Bu sözlər isə belçikalı qonaq Enn Veyzerə məxsusdur. O bildirib ki, Bakı bu yarışmanı yüksək səviyyədə təşkil edib: "Bakıya gəlməyimə görə çox şadam. Gözəl şəhəriniz var, həm də milli mətbəx nümunələriniz dadlıdır. Yarış iştirakçılarına da uğurlar arzulayıram".

"Bakı həm də

təhlükəsiz şəhərdir"

Moskvalı turist Nikolay Putilin deyir ki, Bakı qədim və müasir memarlığı özündə çox gözəl birləşdirir. O bildirib ki, Bakı gözəl və təhlükəsiz şəhərdir.

Turist qeyd edib ki, ailəsinin burada hər şey çox xoşuna gəlir.

Bakı kiyevli turisti hayıl-mayıl etdi...

"Formula 1" yarışlarını izləməyə gəlmiş İrina Kostyuçek deyib ki, Bakı çox gözəl şəhərdir. Onun sözlərinə görə, şəhər onlarda çox xoş təəssürat yaradıb.

Turist qeyd edib ki, Azərbaycan mətbəxi çox gözəldir: "Bura yenə gəlməyi düşünürük".

Bakıda "Formula 1"in test yürüşündə pilotlar yolu səhv saldılar

Bakıda "Formula 1" Avropa Qran Prisinin birinci test yürüşündə "Haas" komandasının pilotu Esteban Qutyerres və "Red Bull Racing"in pilotu Daniil Kvayt yolu səhv salıblar.

"Trend"in məlumatına görə, trekin 16-cı döngəsində sola dönməli olan pilotlar düz istiqamətdə hərəkət ediblər və yolun bağlı olduğunu görüblər.

Pilotlar dərhal bolidlərini doğru istiqamətə sürərək mübarizəyə davam ediblər.

Qeyd edək ki, dünən Bakıda "Formula 1" üzrə dünya çempionatının 8-ci - Avropa Qran Prisi yarışlarına start verilib.

"Formula 1"i izləmək üçün bilet alanlar arasında Rusiya vətəndaşları daha çoxdur

Azərbaycan Alpaqut Federasiyasının prezidenti "Formula 1" kimi yarışların Azərbaycanda təşkil olunmasını ölkənin uğuru sayır

Bakıda keçirilən "Formula 1" Avropa Qran-pri yarışlarını izləmək üçün 37 ölkədən bilet alınıb. Bunu "Trend"ə Bakı Şəhər Halqası Əməliyyat Komitəsinin Marketinq və kommunikasiya şöbəsinin rəhbəri Nigar Arpadarai deyib.

Onun sözlərinə görə, "Formula 1" yarışlarını izləmək üçün xarici ölkələr arasında daha çox bilet alan ölkə Rusiyadır. Ən çox bilet alın ikinci ölkə isə Böyük Britaniyadır.

Avropa ölkələri, Ukrayna, Niderland, ərəb ölkələrinin vətəndaşları da ən çox bilet alan ölkələr sırasındadır: "Bundan başqa, "Formula 1"in bütün komandaları, 22 pilot, 400-ə yaxın media nümayəndəsi artıq buradadır. Bunun gün artıq ilk test yürüşünə başlayırıq".

"Bu gündən Azərbaycan növbəti beynəlxalq və əhəmiyyətli yarışmaya ev sahibliyi edir. "Formula 1" yarışmasının Azərbaycanda keçirilməsinin böyük əhəmiyyəti var". Bu fikirləri isə dünən Azərbaycan Alpaqut Federasiyasının prezidenti Aqil Acalov deyib.

O əlavə edib ki, yarışmanın Azərbaycanda təşkil olunması, ilk növbədə, Azərbaycanın nüfuzunu göstərir və dövlətimizə olan etimadla bağlıdır: "İdman həm də bir siyasətdir. Belə beynəlxalq səviyyəli populyar idman yarışları harada keçirilirsə, dünyanın diqqəti də ora yönəlir. Bu baxımdan da Formula 1-in Bakıda keçirilməsi dünyanın diqqətinin burada olacağı anlamına gəlir. Belə olan halda, həm də xarici media Azərbaycanla bağlı xəbərlərə üstünlük verir ki, bu da ölkənin təbliğatı üçün böyük strateji əhəmiyyət daşıyır. Eyni zamanda yarışın yüksək səviyyədə təşkil olunması Azərbaycanın imicini daha da möhkəmləndirir".

A.Acalov bildirib ki, ölkənin tanınması həm də iqtisadi sahədə irəliləyişlər üçün dividendlər qazandırır: "Yarışmanı televiziyada izləyən əcnəbilər Azərbaycanı daha yaxından görmək istəyir ki, bu da yaxın perspektivdə ölkəyə turistlərin cəlb edilməsi üçün mühüm əhəmiyyət kəsb edir. Həmçinin yarışmaya gələn və hazırda Azərbaycanda olan turistlərin özləri də Azərbaycan iqtisadiyyatına töhfə verirlər. Bu cür yarışmaların burada təşkil olunması Azərbaycanın uğurudur".

"Formula 1" Azərbaycana iqtisadi baxımdan çox fayda verəcək"

"Formula 1" Azərbaycana iqtisadi baxımdan çox fayda verəcək, çünki bu yarışma turistləri ölkəyə cəlb edir". Bu isə niderlandlı turist Tovrets Elen deyib.

O bildirib ki, bu yarışmanın ardıcıl olaraq beş il Azərbaycanda keçirilməsi ölkənin turizm sənayesinin inkişafına xeyli təkan verəcək.

T.Elen vurğulayıb ki, Azərbaycan yarışmanı yüksək səviyyədə təşkil edib.

Niderlandlı qonaq Bakını çox bəyəndiyini deyib. O bildirib ki, Azərbaycanın çox gözəl və dadlı mətbəx nümunələri var.

O, həmçinin Bakı sakinlərinin mehriban və qonaqpərvər olduğunu deyib.

"Formula 1" ölkəyə çoxlu sayda turist cəlb edir"

Gürcüstanlı qonaq David Apriaşvili isə deyib ki, "Formula 1" yarışması çox böyük bir idman bayramıdır və ölkəyə çoxlu sayda turist cəlb edir.

O bildirib ki, bu yarışma yalnız turizm baxımından önəmli deyil: "Formula 1" həm də ölkənin beynəlxalq aləmdə nüfuzunu artırır. Çox istərdim ki, bu yarışma Gürcüstanda da keçirilsin".

D.Apriaşvili bir neçə il öncə də Bakıda olduğunu deyib: "Mən Bakıya sonuncu dəfə gəldiyim müddətdən indiyə qədər şəhər çox dəyişib, gözəlləşib. Azərbaycanla Gürcüstan mehriban qonşu və dost ölkədir və bu cür möhtəşəm yarışmanın Azərbaycanda keçirilməsi bizi çox sevindirir".

"Bakıda "Formula 1"in keçirilməsi gənc nəslin inkişafına xidmət edir"

Rusiyalı turist Kseniya Şulokova deyib ki, Bakıda Formula 1-in keçirilməsi gənc nəslin inkişafına xidmət edir.

Onun sözlərinə, nüfuzlu beynəlxalq tədbir olan "Formula 1" Azərbaycanın statusunu artırır.

Turist qeyd edib ki, "Formula 1" kimi yüksək tədbirlərin keçirilməsi şəhər infrastrukturunun inkişafına, daha çox turistin cəlb olunmasına xidmət edir.

O, həmçinin, Bakının gözəlliyini vurğulayıb.

Amerikalı azarkeş Bakı trasını "Formula 1"in digər şəhər trasları ilə müqayisə etdi

Amerikalı azarkeş Ted Leffler Bakı trasının Formula 1-in digər şəhər trasları ilə müqayisədə daha yaxşı olduğunu deyib.

Onun sözlərinə görə, Bakıda trekin böyük hissəsi genişdir və sürətin çox yüksək olacağı zonalar var.

Azarkeş Bakının memarlığına heyran qaldığını deyib: "Ötən gecə Bakıya gəlsəm də, şəhəri gəzə bilmişəm. Xüsusilə memarlığa və qədim qala divarlarına vuruldum".

"Bakı gözəl şəhərdir və əla təəssürat bəxş edir"

Ukraynalı turist Anna Alekseyeva isə deyib ki, Bakı gözəl şəhərdir və əla təəssürat bəxş edir. Onun sözlərinə görə, "Formula 1" yarışları Azərbaycana daha çox turist cəlb edəcək.

Turist qeyd edib ki, Bakıda gəzinti xeyli gözəl təəssüratlar bəxş edir və hər il bura gəlmək istəyirsən: "İnsanlar ünsiyyətcildir, hər şey çox xoşumuza gəlir".

DİGƏR XƏBƏRLƏR

Tarix: 10.05.2026 / 11:58

Qeyri-adi yetənəyi ilə məşhurlar siyahısına düşən soydaşımız - Günay Həsənova

Tarix: 09.05.2026 / 06:39

Bu gün QƏLƏBƏ günüdür

Tarix: 09.05.2026 / 06:14

İran BMT-yə çağırış etdi - “ABŞ-ı qınayın”…

Tarix: 09.05.2026 / 06:04

Trampı tabutda təsvir etdi, altına “kaş ki…” yazdı - Ağ Ev şokda…

Tarix: 06.05.2026 / 14:30

Türk Dünyasında İnteqrasiya və Texnoloji dönüş: Bakıda strategiya və qardaşlıq vurğusu

Tarix: 06.05.2026 / 08:39

Meloni “deepfake”i “təhlükəli silah” adlandırdı - zarafatından da qalmadı

Tarix: 06.05.2026 / 08:29

Pentaqonun delfin-kamikadzeləri? - Hegseth inkar etmədi…

Tarix: 06.05.2026 / 08:09

Moskva Qələbəni “İD məğlubiyyəti” ilə keçirəcək - İnternetsiz…

Tarix: 06.05.2026 / 07:56

ABŞ müharibəyə “qaldığı yerdən” davam edəcək - İranla danışıqlar uğursuz olarsa…

Tarix: 06.05.2026 / 07:41

İran BƏƏ-yə hücum iddialarını rədd edir - "dağıdıcı və təəssüf doğuran cavab" gündəmdə…

Tarix: 05.05.2026 / 21:37

Arxiyepiskop tərəfdarları səsini Makrona çatdıra bilmədi - Gümrüdə…

Tarix: 04.05.2026 / 17:22

Tenderlərin MMC-lər arasında şübhəli "ötür-ötürü" ölkəni bürüyüb - Bakı İH nümunəsi...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.05.2026 / 17:38

Prezident İlham Əliyev və Mehriban Əliyeva Şükürbəyli kəndinə köçən sakinlərlə görüşdü - FOTO/YENİLƏNDİ

Tarix: 07.05.2026 / 22:18

Gürcüstanla Rusiya Zəngəzur dəhlizinə alternativ hazırlayır - qonşumuzdan yeni davranış...

Tarix: 07.05.2026 / 17:18

Azərbaycandan keçən yollar Avrasiyada müharibələrdən təsirlənməyən yeganə marşrut oldu...

“Böyük qayıdış” müasir şəhərsalma mədəniyyətinə böyük töhfələr verir...