"Aprel müharibəsi"nin Azərbaycan cəmiyyətində doğurduğu ab-hava"

Tarix: 17.06.2016 / 01:41
Bölmə: Gündəm

Mütəxəssislər deyir ki, aprel döyüşləri cəmiyyətin özünə inamını artırdı

"Aprel döyüşləri bir şəhid övladı kimi məndə ruh yüksəkliyi yaratdı. Döyüşçülərimizin göstərdiyi qəhrəmanlıqları eşidəndə əmin oldum ki, gec-tez atamın qanı yerdə qalmayacaq. Ən böyük arzum Qarabağ döyüşlərində iştirak etmək, mənim və şəhid övladlarının atasız qaldığı günlərin intiqamını ermənilərdən almaqdır. Allah qismət eləsə, cəbhəyə gedən ilk adamlardan olacağam. Qardaşımla mənim boynumuzda yük var: atamızın qanı yerdədir".

Bu sözləri bizimlə söhbətində Kəlbəcər uğrunda gedən döyüşlərdə şəhid olan İsgəndər Qocayevin kiçik oğlu Azər bildirdi. Azər deyir ki, nə qədər ki, aramızda Murad Mirzəyev, Samit İmanov, İsgəndər Qocayev və digərləri, öz əsgərlərindən qabaq döyüşə atılan komandirlərimiz var, qalib olmamaq mümkün deyil.

Etiraf edək ki, "aprel müharibəsi"nin Azərbaycan cəmiyyətində doğurduğu ab-havanın necə olacağını bilmirdik. Bu döyüş bizə çox şeyi qazandırdı. Ən əsası özümüzə inamımız artdı. Şəhid övladı da, yaşlımız da, gəncimiz də, uşağımız da anladı ki, qalib olmaq, qalibiyyətin suyunu içmək mümkündür. Bunun üçün kifayət qədər silah-sursatımız, ordumuzda ölümün üzünə dik baxan, qəhrəmanlıq salnaməsi yaza biləcək oğlanlarımız, arxa cəbhədə isə övladlarından şücaət gözləyən atalarımız, analarımız, nənələrimiz, babalarımız var...

Yana-yana qürur duyan valideynlər...

Sosioloq Əhməd Qəşəmoğlu qəzetimizə açıqlamasında bildirdi ki, aprel döyüşləri ilə həm özümüzə, həm düşmənlərimizə, həm də beynəlxalq aləmə nümayiş etdirdik ki, Azərbaycan xalqı öz vətəni, torpağı uğrunda yüksək səviyyədə birləşmək qabiliyyətinə malikdir: "Cəmiyyətimizdə uzun müddət idi ki, ruh yüksəkliyi aşılaya bilmirdik. Azərbaycan Ordusunun cəbhədə qələbələri, torpaqlarımızın az hissəsini geri qaytarmağımız belə bizim özümüzə inamımızı möhkəmləndirdi. Böyükdən-kiçiyə hamıda döyüş əhval-ruhiyyəsi, vətənpərvərlik coşqusu yarandı. Məlum oldu ki, şərait yaransa, daha böyük uğurlar əldə edə bilərik. Hərbi qüdrətimiz də yoxlandı. Biz bu müharibədə istər mənəvi, istər siyasi, istərsə də strateji baxımdan nə qədər qüdrətli olduğumuzu gördük, həm də düşmənlərə göstərdik. Bizdə özünə inam, erməni cəmiyyətində isə həm dövlət səviyyəsində, həm də hərbçilər və əhali arasında çaxnaşma yarandı. Onlar başa düşdülər ki, Rusiyaya və Qərb ölkələrinə arxayın olmaqla iş bitmir".

Ə.Qəşəmoğlu valideynlərin öz övladlarının vətən yolunda qurban getməsinə yana-yana qürur duyduqlarının da diqqətçəkən məqamlardan olduğunu vurğuladı: "Biz həm göstərdik və həm də gördük ki, bizim mübariz, qorxmaz, vətənini canından da çox sevən döyüşçülərimiz var. Məhz qəhrəmanlıq salnamasi yazan döyüşçülərimizin sayəsində özümüzə qayıtdıq, özümüzə inandıq, öz gücümüzə güvəndik, ordumuzda ölümün üstünə mərdi-mərdanə gedən döyüşçülərimizin nə qədər çox olduğunun şahidi olduq".

Psixoloji hazırlıq istənilən nəticə verir

Psixoloq Orxan Oruc bizimlə söhbətində qeyd etdi ki, son döyüşlərdə düşməndən qisas almaq hissi ilə əlində silah tutan hərbçilərimizin ruh yüksəkliyi, bütün xalqın eyni hiss ilə orduya mənəvi dəstəyi, könüllü gənclərin hərbi səfərbərlik tələbi və s. işğal olunmuş torpaqlarımızın azad edilməsi üçün ən vacib davranış göstəricisi idi: "Hansısa fəaliyyətə psixoloji hazırlıq həmin fəaliyyətin istənilən nəticə ilə bitməsinə birbaşa təsir edir. Şübhəsiz ki, son 20 il ərzində vətənpərvərlik istiqamətində aparılan işlər öz təcrübi nəticəsini bu ilin aprel döyüşlərində göstərdi. Bu döyüşlərdə istər hərbçilər, istərsə də mülki əhalinin ruh yüksəkliyi nümayiş etdirməsi bizim psixoloji üstünlüyü əldə etdiyimizi göstərdi".

Orxan Oruc deyir ki, cəbhədə baş verən son hadisələr sosioloqlar və psixoloqlar üçün cəmiyyəti müşahidə və analiz etmək baxımından çox geniş imkanlar yaratdı: "Müşahidələrimizin ən önəmlisi cəmiyyətin özünə inamının formalaşmasını və vahid məqsəd ətrafında birləşə bilmə bacarığının olduğunu görmək idi. İnsanların, xüsusilə Qarabağı yalnız şəkil və videolarda görmüş gənclərin vətənpərvərlik hisslərini yüksək səviyyədə nümayiş etdirməsi onu göstərdi ki, vətənpərvərlik duyğularının heç də bu duyğuları daşıyanın geyim, musiqi, həyat tərzi, zövqləri ilə əlaqəsi yox imiş. Son hadisələr, təhsilindən, dünyagörüşündən, yaşından asılı olmayaraq, hamıdan vahid yanaşmanı tələb edirdi və belə də oldu. 20 ildən çoxdur orta məktəblərin bütün dərsliklərində, hər gün televiziya efirlərində işğal olunmuş torpaqların xatırladılmasının, bütün bayramlarımızda Qarabağın azad edilməsinin arzu olunmasının vətəndaşlarımızı vahid məqsəd ətrafında birləşdirə bilməsi ilə bağlı praktik nəticə verməsi çox sevindirici haldır".

Gənclərin Qarabağı təxəyülləri ilə deyil, real şəkildə görmək istəyi...

Psixoloqun fikrincə, uzun illərdir Xocalı soyqırımını il ərzində ən azından bir dəfə xatırlayan, düşmənin soydaşlarımıza yaşatdığı zülmlərə qulaq şahidi olan hər bir vətəndaşımızın qəlbində saxladığı nifrət və qisas hissinin boşaldılması üçün yaranmış real şəraiti də kütləvi vətənpərvərlik nümayişinin səbəblərindən biri kimi düşünə bilərik: "Məğlub olmuş insan hər zaman məğlubiyyət hissindən qurtulmaq üçün ən kiçik fürsəti belə dəyərləndirməyə çalışır. Cəmiyyət də şəxsiyyət kimidir. Erməni idmançını məğlub edib yarışda medal qazanan idmançımızı elə həmin yarışda hollandiyalı rəqibinə qalib gəlib qızıl medal qazanmış digər idmançımızdan daha qəhrəman hesab edən cəmiyyətin düşmən üzərində qələbəyə olan ehtiyac hissi təbiidir. Bu ehtiyac hissinin ödənilməsi üçün yaranmış real vəziyyəti cəmiyyətimiz illərdir gözlədiyi bir şans kimi dəyərləndirdi".

İnsan psixikasında qadağan olunmuş davranışa daha çox marağın olmasından danışan müsahibimiz 20 ildən çoxdur Qarabağa getməkdən məhrum olduğumuzu xatırlatdı: "Bu qadağanı pozmaq istəyi və yeni, gənc nəslin Qarabağı öz təxəyülləri ilə deyil, real şəkildə görmək istəmə həvəsini də ümumi vətənpərvərlik hissinin yaranma səbəblərindən biri kimi qiymətləndirmək olar. Sadaladığım ayrı-ayrı elementlər hər bir soydaşımızı qürurlandıracaq kütləvi vətənpərvərlik nümayişi ilə nəticələnən və bununla da müharibə şəraitində psixoloji qələbənin qazanılmasına müsbət təsir edən faktorlardır. Uzun illərdir Qarabağla bağlı həyata keçirilən daxili təbliğatın müsbət nəticələrini görmək qələbəyə və işğal olunmuş torpaqlarımızın azad olunmasına olan inam hissinə birbaşa təsir edir".

Bizə sevinc bəxş edənlər...

Azərbaycan və Türkdilli Xalqların Əməkdaşlıq Mərkəzinin sədri, Mətbuat Şurasının İdarə Heyətinin üzvü İlham İsmayılov publika.az-a açıqlamasında bildirib ki, aprel hadisələri bir daha göstərdi ki, ötən illər ərzində qazanılan təcrübə, alınan silahlar və texnikalar hədər deyil: "Bu hadisələrə qədər ermənilər hər zaman xəyallarında düşünürdülər ki, ötən əsrin 90-cı illərində olduğu kimi, indi də istədikləri zaman gəlib torpaqları işğal edə bilərlər. Ermənilərin bütün bu düşüncələri aprel əməliyyatları zamanı alt-üst oldu. Ermənistan cəmiyyətində böyük təşviş və çaxnaşma əmələ gəldi. Ancaq biz dönə-dönə deməliyik ki, bütün bu qələbəni və sevinci bizə Murad Mirzəyev, Samit İmanov kimi milli qəhrəmanlar bəxş etdi".

"Xalq olaraq çox nəhəng potensialımız var"

Mövzu ilə bağlı suallarımızı cavablandıran yazıçı Seyran Səxavətin fikrincə, Qarabağda baş verən son olaylar bizim hissiyyatımıza toxundu: "Nəinki gənclərimiz, yeniyetmələrimiz, orta yaşlılarımız, yaşlılarımız da bu məsələdə elə bil ilahi bir mərkəzdən idarə olunurdu. Bizim bir xalq olaraq çox nəhəng potensialımız var. Bu potensialı son olaylar zamanı gördük. Gəncliyimiz necə ayağa durdu... Mən televizorun qarşısından kənara çəkilmirdim. Son olaylar zamanı insanlar necə doğmalaşdılar. Bu doğmalığın nüvəsində necə bir sevinc, necə bir-birinə etibar, necə bir qürur var idi. Elə bil ki, Azərbaycan xalqı özü boyda, öz tarixi boyda, öz qeyrəti boyda nəhəng bir bədənnüma güzgünün qabağında dik qalxıb özünə əməlli-başlı baxdı və qiymət verdi".

Erməni əsgəri ölmək istəmirsə...

Sosioloq Asif Bayramov isə bizimlə söhbətində vurğuladı ki, qələbəmiz insanların son illər öləziməkdə olan vətənpərvərlik duyğusunu, qələbə inamını, əzmini həm özünə qaytardı, həm də möhkəmləndirdi: "Azərbaycan xalqı tarixən dövlət qurmuş və dövlətçilik şüuru, təfəkkürü ilə yaşayan, dövlətçilik mədəniyyəti yaratmış, onu qorumuş və bu günə çatdırmış bir xalqdır. Dünyada 3500-dən artıq xalq yaşayır. Onun 194-nün dövləti var. 194 millət içərisində özünə milli dövlət qura bilmiş bir xalqın milli dövlətçilik şüuru, təfəkkürü, psixologiyası bəllidir ki, yüksək səviyyədədir. Bizim yaşadığımız bölgə şimaldan Rusiya, cənubdan İran, qərbdən Ermənistan tərəfdən ideoloji həmlələrə məruz qalır və bu ideoloji mühasirədə milli dövlətçilik şüurumuzu və vətənpərvərliyimizi qoruyub saxlamaq məcburiyyətindəyik".

Yazını Ali Baş Komandan İlham Əliyevin sözləri ilə bitirmək istərdik: "Biz öz torpaqlarımızı qoruyuruq və bizim işimiz haqq işidir. Azərbaycan Ordusu düşmənə öz yerini göstərib, müasir və çox keyfiyyətli silahlarla onları - erməniləri yerində oturdub. Biz öz torpağımızda vuruşuruq, Ermənistan torpağını işğal etməmişik. Əgər erməni əsgəri ölmək istəmirsə, Azərbaycan torpağından rədd olsun".

Günel CƏLİLOVA

Yazı Azərbaycan Mətbuat Şurasının Azərbaycanlıların və Digər Türkdilli Xalqların Əməkdaşlıq Mərkəzi ilə birlikdə "Milli Ordumuzun aprel sınağı: vətənpərvərliyin Qarabağ vəhdəti və yeni qəhrəmanlıq salnaməsi" mövzusunda keçirdiyi müsabiqəyə təqdim olunur.

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...