Prezidentlərin iyunda Qarabağ görüşünün şansları getdikcə uzaqlaşır

Tarix: 14.06.2016 / 00:58
Bölmə: Gündəm

Üzeyir Cəfərov: "Hətta iyunun sonlarına planlaşdırılan görüş baş tutsa belə, formal xarakter daşıyacaq"

"Ermənistan tərəfinin bu danışıqlara hazırlaşdığını demək olmaz"

Azərbaycanın Rusiyadakı səfiri Polad Bülbüloğlu müsahibəsində bildirib ki, Azərbaycan xalqı, Azərbaycan Prezidenti ermənilərə heç vaxt bir santimetr torpağı belə güzəştə getməyəcək: "Bunu hər kəs anlamalıdır - həm Ermənistan, həm dünya ictimaiyyəti, həm həmsədrlər...

Azərbaycan Prezidenti, XİN də bunu dəfələrlə bəyan edib. Amma bizi nə eşidirlər, nə də eşitmək istəyirlər. Aprel hadisələri göstərdi ki, "status-kvo" qəbuledilməzdir".

Vyana görüşünə toxunan diplomat həmin görüşdə prezidentlərin iyun ayında yenidən danışıqlar aparmaq barədə razılığa gəldiyini xatırladıb: "Görüşün yeri ilə bağlı müxtəlif təkliflər oldu. Rusiya XİN-in saytında Sankt-Peterburqda üçtərəfli görüşün olacağı barədə xəbər yerləşdirildi, lakin nəyə görəsə sonradan çıxarıldı. Mən görüşün harada, nə vaxt keçiriləcəyi barədə danışmağa səlahiyyətli deyiləm. Lakin düşünürəm ki, görüş iyunda baş tutacaq. Bu görüş bizim üçün çox vacibdir. Görüşdə Dağlıq Qarabağ münaqişəsinin tənzimlənməsi ilə bağlı gələcək addımların vektorları müəyyənləşdiriləcək".

Göründüyü kimi, səfir Rusiya XİN-in rəsmi saytından Sankt-Petrburqda üçtərəfli görüşün keçiriləcəyilə bağlı xəbərin silindiyinə eyham vurub. Bu, prezidentlərin iyunda nəzərdə tutulan görüşünün baş tutmayacağına işarə sayıla bilərmi?

Hərbi ekspert Üzeyir Cəfərovun fikrincə, bu görüşün baş tutacağına dair heç bir zəmin hazırlanmayıb. Ekspert hesab edir ki, əksinə, cəbhə xəttində və diplomatik müstəvidə gərginlik hökm sürür: "İllərdir bir təcrübə var ki, Azərbaycan və Ermənistan ölkə başçılarının görüşü ərəfəsində cəbhə xəttində ciddi gərgin günlər yaşanır. Cəbhə xəttindəki bu gərginlik bəzən o qədər ciddiləşir ki, hətta genişmiqyaslı müharibə olacağını ehtimal edənlər də olur.

İyun ayının sonlarına doğru intensiv atışmaların və təxribat hallarının sayı kəskin artacaq. Adətən bu təcrübə təkrarlanır, mühüm danışıqlar ərəfəsində tərəflər arasında gərginliklər yaşanır. İndi də iyun ayının sonlarına doğru gözlənilirdi ki, Rusiyanın vasitəçiliyi ilə Sankt-Peterburqda Ermənistan və Azərbaycan ölkə başçılarının görüşü reallaşsın. Təbii ki, yerlə bağlı məsələ dəqiqləşməsə də, Rusiyada keçiriləcəyi ciddi şəkildə ehtimal edilir. Ancaq Rusiya XİN-in verilən məlumatı saytından silməsi görüşün reallaşacağını bir qədər şübhə altına salır. Hətta iyunun sonlarına planlaşdırılan görüş baş tutsa belə, formal xarakter daşıyacaq. Çünki Ermənistan tərəfinin bu danışıqlara hazırlaşdığını demək olmaz. Belə ki, yenə sərsəm bəyanatlar səsləndirir və torpaq azad etmək fikirləri yoxdur. Ermənistan öz havadarları vasitəsilə Azərbaycanla diktə dili ilə danışır. Təbii ki, azərbaycanlılar bu durumun uzun müddət davam etməsi ilə barışmayacaq. Danışıqlardan sonra da ortaya konkret nəticə qoyulmayacaqsa, onda Azərbaycan tərəfi danışıqların heç bir əhəmiyyətini görməyəcək. Yəqin ki, bu istiqamətdə konkret qərar qəbul edəcəyik. Bu qərar da yəqin ki, ərazi bütövlüyümüzün bərpası istiqamətində ən qəti addımların atılması olacaq".

Məhəmmədəli QƏRİBLİ

DİGƏR XƏBƏRLƏR

Tarix: 10.05.2026 / 11:58

Qeyri-adi yetənəyi ilə məşhurlar siyahısına düşən soydaşımız - Günay Həsənova

Tarix: 09.05.2026 / 06:39

Bu gün QƏLƏBƏ günüdür

Tarix: 09.05.2026 / 06:14

İran BMT-yə çağırış etdi - “ABŞ-ı qınayın”…

Tarix: 09.05.2026 / 06:04

Trampı tabutda təsvir etdi, altına “kaş ki…” yazdı - Ağ Ev şokda…

Tarix: 06.05.2026 / 14:30

Türk Dünyasında İnteqrasiya və Texnoloji dönüş: Bakıda strategiya və qardaşlıq vurğusu

Tarix: 06.05.2026 / 08:39

Meloni “deepfake”i “təhlükəli silah” adlandırdı - zarafatından da qalmadı

Tarix: 06.05.2026 / 08:29

Pentaqonun delfin-kamikadzeləri? - Hegseth inkar etmədi…

Tarix: 06.05.2026 / 08:09

Moskva Qələbəni “İD məğlubiyyəti” ilə keçirəcək - İnternetsiz…

Tarix: 06.05.2026 / 07:56

ABŞ müharibəyə “qaldığı yerdən” davam edəcək - İranla danışıqlar uğursuz olarsa…

Tarix: 06.05.2026 / 07:41

İran BƏƏ-yə hücum iddialarını rədd edir - "dağıdıcı və təəssüf doğuran cavab" gündəmdə…

Tarix: 05.05.2026 / 21:37

Arxiyepiskop tərəfdarları səsini Makrona çatdıra bilmədi - Gümrüdə…

Tarix: 04.05.2026 / 17:22

Tenderlərin MMC-lər arasında şübhəli "ötür-ötürü" ölkəni bürüyüb - Bakı İH nümunəsi...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.05.2026 / 17:38

Prezident İlham Əliyev və Mehriban Əliyeva Şükürbəyli kəndinə köçən sakinlərlə görüşdü - FOTO/YENİLƏNDİ

Tarix: 07.05.2026 / 22:18

Gürcüstanla Rusiya Zəngəzur dəhlizinə alternativ hazırlayır - qonşumuzdan yeni davranış...

Tarix: 07.05.2026 / 17:18

Azərbaycandan keçən yollar Avrasiyada müharibələrdən təsirlənməyən yeganə marşrut oldu...

“Böyük qayıdış” müasir şəhərsalma mədəniyyətinə böyük töhfələr verir...