Pandemiya ilə əlaqədar bəzi mövzular üzrə suallar buraxılış və qəbul imtahanlarına daxil edilməyəcək

img

Pandemiya ilə əlaqədar bu il də bəzi mövzular üzrə suallar buraxılış və qəbul imtahanlarının suallarına daxil edilməyəcək.

Trend-in məlumatına görə, bunu xüsusi karantin rejimi dövründə məktəbdaxili qiymətləndirmənin müvəqqəti qaydaları barədə danışan Təhsil Nazirliyinin Ümumi təhsildə məzmun, tədris və qiymətləndirmə şöbəsinin müdiri Vəfa Yaqublu deyib.

Onun sözlərinə görə, Təhsil İnstitutu tərəfindən hələ oktyabr ayında şagirdlər üçün ixtisar edilməsi tövsiyə edilən mövzular hazırlanmışdı: “Pandemiya ilə əlaqədar tövsiyə edilmişdi ki, bu mövzular keçirilməyə də bilər. Bu, şagirdlər üçün bir güzəşt idi. Bu siyahını DİM ilə də bölüşmüşük. Bu ilki məzunlar üçün qəbul və buraxılış imtahanlarında həmin suallar üzrə mövzular salınmayacaq. Müəllimlər də həmin mövzular üzrə sualları yarım illik qiymətləndirmə zamanı sualların sırasına salmasınlar”.

Son xəbərlər